ಇಂದಿನ ಪಂಚಾಂಗ (01 ಸೆಪ್ಟೆಂಬರ್ 2026):
- ಸಂವತ್ಸರ: ಪರಾಭವ, ಶಾಲಿವಾಹನ ಶಕ 1949
- ಅಯನ / ಋತು: ದಕ್ಷಿಣಾಯನ / ವರ್ಷ ಋತು
- ಮಾಸ / ಪಕ್ಷ: ಶ್ರಾವಣ ಮಾಸ / ಕೃಷ್ಣ ಪಕ್ಷ
- ತಿಥಿ: ಚತುರ್ಥಿ, ಮಂಗಳವಾರ
- ನಕ್ಷತ್ರ: ನಿತ್ಯನಕ್ಷತ್ರ ಉತ್ತರಾಭಾದ್ರ, ಮಹಾನಕ್ಷತ್ರ ಪೂರ್ವಾಫಲ್ಗುಣೀ
- ಯೋಗ / ಕರಣ: ವೃದ್ಧಿ / ಬಾಲವ
- ಸೂರ್ಯೋದಯ / ಸೂರ್ಯಾಸ್ತ: 06:09 AM / 06:29 PM
- ರಾಹುಕಾಲ: 15:25 – 16:57
- ಯಮಗಂಡ ಕಾಲ: 09:15 – 10:47
- ಗುಳಿಕ ಕಾಲ: 12:20 – 13:52
ದ್ವಾದಶ ರಾಶಿಗಳ ಭವಿಷ್ಯ:
ಮೇಷ ರಾಶಿ: ಕೃತಕ ವಿಚಾರಗಳಿಂದ ಮನಸ್ಸಿನಲ್ಲಿ ಆತಂಕ ಕಾಡಲಿದೆ. ವಿದ್ಯಾರ್ಥಿಗಳಿಗೆ ಓದಿನಲ್ಲಿ ಏಕಾಗ್ರತೆ ಕಡಿಮೆಯಾಗುವ ಸಾಧ್ಯತೆಯಿದೆ. ಆಡಂಬರದ ವಸ್ತುಗಳತ್ತ ಒಲವು ಹೆಚ್ಚಾಗಲಿದೆ. ಅನಿವಾರ್ಯ ಕಾರಣಗಳಿಂದ ಸಾಲ ಮಾಡಬೇಕಾದ ಪರಿಸ್ಥಿತಿ ಬರಬಹುದು, ಆರ್ಥಿಕ ಶಿಸ್ತು ರೂಢಿಸಿಕೊಳ್ಳಿ. ತಾಯಿಯೊಂದಿಗೆ ಸಣ್ಣಪುಟ್ಟ ಭಿನ್ನಾಭಿಪ್ರಾಯಗಳಾಗಬಹುದು. ನಿಮ್ಮ ಸಾಮರ್ಥ್ಯಕ್ಕೆ ಮೀರಿದ ಜವಾಬ್ದಾರಿಗಳನ್ನು ಹೊರಬೇಡಿ. ಕೆಟ್ಟ ಅಭ್ಯಾಸಗಳ ಬಗ್ಗೆ ಎಚ್ಚರಿಕೆ ಅಗತ್ಯ.
ವೃಷಭ ರಾಶಿ: ನಿಮ್ಮ ದೈನಂದಿನ ಕೆಲಸಗಳನ್ನು ಅತ್ಯಂತ ಉತ್ಸಾಹದಿಂದ ಮಾಡುವಿರಿ. ಇತರರ ಬಲವಂತದ ನಿರ್ಧಾರಗಳಿಗೆ ಮಣಿಯಲು ಇಷ್ಟಪಡುವುದಿಲ್ಲ. ಶಾಂತ ಮನಸ್ಥಿತಿಯು ಇಂದಿನ ದಿನವನ್ನು ಉತ್ತಮಗೊಳಿಸುತ್ತದೆ. ನೀವು ಕೈಗೊಳ್ಳುವ ನಿರ್ಧಾರಗಳು ಇತರರಿಗೆ ಸುಲಭವಾಗಿ ಅರ್ಥವಾಗುವುದಿಲ್ಲ. ಕೆಲವು ಸನ್ನಿವೇಶಗಳು ನಿಮ್ಮ ತಾಳ್ಮೆಯನ್ನು ಪರೀಕ್ಷಿಸಬಹುದು. ಅನಿರೀಕ್ಷಿತ ಘಟನೆಗಳಿಂದ ಮನಸ್ಸಿಗೆ ಸ್ವಲ್ಪ ಕಿರಿಕಿರಿಯಾಗುವ ಸಾಧ್ಯತೆಯಿದೆ.
ಮಿಥುನ ರಾಶಿ: ನಿಮ್ಮ ಅಸಹಾಯಕತೆಯ ಭಾವನೆಯು ಕೋಪವಾಗಿ ಹೊರಹೊಮ್ಮಬಹುದು. ನಿಮ್ಮ ಕೆಲಸದತ್ತ ಮಾತ್ರ ಗಮನಹರಿಸಿ ಮತ್ತು ಇತರರ ವಿಚಾರದಲ್ಲಿ ಮೂಗು ತೂರಿಸದಿರುವುದು ಉತ್ತಮ. ಕ್ಲಿಷ್ಟಕರ ಸನ್ನಿವೇಶಗಳನ್ನು ನಿಭಾಯಿಸಲು ಕಷ್ಟಪಡಬೇಕಾಗಬಹುದು. ಆಧಾರರಹಿತ ಮಾತುಗಳಿಂದ ಬೇಸರವಾಗಲಿದೆ. ವಿಪರೀತ ಕೋಪದಿಂದ ದಿನದ ನೆಮ್ಮದಿ ಹಾಳಾಗುವ ಅಪಾಯವಿದೆ. ತಾಳ್ಮೆಯಿಂದ ಸಮಸ್ಯೆಗಳನ್ನು ಬಗೆಹರಿಸಿಕೊಳ್ಳಿ.
ಕರ್ಕಾಟಕ ರಾಶಿ: ನಿಮ್ಮ ಗಂಭೀರ ಸ್ವಭಾವವು ಮನೆಯವರಲ್ಲಿ ತುಸು ಅಂಜಿಕೆ ಹುಟ್ಟಿಸಬಹುದು. ಪ್ರಮುಖ ಹಳೆಯ ದಾಖಲೆಗಳಿಗಾಗಿ ಹುಡುಕಾಟ ನಡೆಸುವಿರಿ. ಧೈರ್ಯದಿಂದ ಮುನ್ನಡೆದರೆ ಎದುರಾಗುವ ಸಮಸ್ಯೆಗಳಿಗೆ ಸೂಕ್ತ ಪರಿಹಾರ ಸಿಗಲಿದೆ. ದುರ್ವಾರ್ತೆಗಳನ್ನು ಕೇಳುವಿರಿ. ಬಹುಕಾಲದ ನಂತರ ಸಂತಾನ ಭಾಗ್ಯದ ಸುದ್ದಿ ನಿಮ್ಮಲ್ಲಿ ಸಂತಸ ತರಬಹುದು. ಗುಪ್ತವಾಗಿ ಗಳಿಸಿದ ಆದಾಯವು ಎಲ್ಲರಿಗೂ ತಿಳಿಯುವ ಸಾಧ್ಯತೆಯಿದೆ.
ಸಿಂಹ ರಾಶಿ: ಸಾಮಾಜಿಕ ಕೆಲಸಗಳಲ್ಲಿ ಪಾಲ್ಗೊಳ್ಳುವಾಗ ಅನಗತ್ಯ ಟೀಕೆಗಳು ಎದುರಾಗಬಹುದು. ಇತರರ ವಿಶ್ವಾಸ ಗಳಿಸಲು ಹೆಚ್ಚಿನ ಶ್ರಮ ವಹಿಸಬೇಕಾಗುತ್ತದೆ. ಸರ್ಕಾರಿ ನೌಕರರಿಗೆ ಸ್ವಲ್ಪ ಮಟ್ಟಿನ ಕೆಲಸದ ಒತ್ತಡ ಹೆಚ್ಚಾಗಬಹುದು. ಸಂಬಂಧಿಕರ ಮಾತುಗಳು ನಿಮ್ಮ ಉತ್ಸಾಹವನ್ನು ಕುಗ್ಗಿಸುವಂತಿರುತ್ತವೆ. ಅಡುಗೆ ಹಾಗೂ ಮನೆಕೆಲಸಗಳಲ್ಲಿ ಹೆಚ್ಚಿನ ಆಸಕ್ತಿ ಮೂಡಲಿದೆ. ಮುಖ್ಯವಾದ ಕೆಲಸಗಳನ್ನು ಮರೆಯುವ ಸಾಧ್ಯತೆಯಿರುವುದರಿಂದ ಎಚ್ಚರವಿರಲಿ.
ಕನ್ಯಾ ರಾಶಿ: ಇತರರ ವಸ್ತುಗಳನ್ನು ಜಾಗರೂಕತೆಯಿಂದ ಕಾಪಾಡುವುದು ಬಹಳ ಮುಖ್ಯ. ಉದ್ಯೋಗ ಕ್ಷೇತ್ರದಲ್ಲಿ ಕೆಲವು ಬದಲಾವಣೆಗಳು ಕಂಡುಬರಲಿವೆ. ಮಕ್ಕಳೊಂದಿಗೆ ಸಣ್ಣ ಪ್ರವಾಸ ಕೈಗೊಳ್ಳುವಿರಿ, ವಿದೇಶ ಪ್ರಯಾಣದ ಯೋಗವೂ ಒದಗಿಬರಬಹುದು. ಕ್ರೀಡಾ ಚಟುವಟಿಕೆಗಳಲ್ಲಿ ಹೆಚ್ಚಿನ ಉತ್ಸಾಹ ಇರಲಿದೆ. ಆಸ್ತಿ ನಷ್ಟದ ಭೀತಿ ಇರುವುದರಿಂದ ಎಚ್ಚರಿಕೆ ಅಗತ್ಯ. ಭವಿಷ್ಯದ ದೃಷ್ಟಿಯಿಂದ ಹಣ ಉಳಿತಾಯ ಮಾಡುವ ಬಗ್ಗೆ ಗಂಭೀರವಾಗಿ ಚಿಂತಿಸುವಿರಿ.
ತುಲಾ ರಾಶಿ: ನೀವು ಆಯ್ಕೆ ಮಾಡಿಕೊಂಡ ಕಾರ್ಯಕ್ಷೇತ್ರದಲ್ಲಿ ಯಶಸ್ಸು ಖಚಿತ. ನಿಮ್ಮ ಕೆಲವು ಕಠಿಣ ನಿರ್ಧಾರಗಳು ಇತರರಿಗೆ ಅಸಮಾಧಾನ ತರಿಸಬಹುದು. ಪುಣ್ಯಕ್ಷೇತ್ರಗಳ ದರ್ಶನ ಮಾಡುವ ಆಸೆ ಮೂಡಲಿದೆ. ಹಿರಿಯರ ಬಲವಂತಕ್ಕಾಗಿ ಓದುವುದು ಅಥವಾ ಕೆಲಸ ಮಾಡುವುದು ಕಷ್ಟಕರವೆನಿಸಬಹುದು. ಸಂಬಂಧಿಕರೊಂದಿಗಿನ ವ್ಯವಹಾರಗಳಲ್ಲಿ ಒತ್ತಡವಿರುತ್ತದೆ. ಇಂದು ಬಹುಪಾಲು ಸಮಯವನ್ನು ನಿಮ್ಮದೇ ಆದ ಆಲೋಚನೆಗಳಲ್ಲಿ ಕಳೆಯುವಿರಿ.
ವೃಶ್ಚಿಕ ರಾಶಿ: ಪ್ರಮುಖ ಸಮಾರಂಭಗಳಿಗೆ ಅತಿಥಿಯಾಗಿ ಆಹ್ವಾನಿತರಾಗುವಿರಿ. ಯಂತ್ರೋಪಕರಣಗಳನ್ನು ಬಳಸುವಾಗ ಸಾಕಷ್ಟು ಜಾಗರೂಕತೆ ಇರಲಿ. ನಿಮ್ಮ ಉತ್ತಮ ಆಲೋಚನೆಗಳನ್ನು ಇತರರು ತಮ್ಮ ಲಾಭಕ್ಕೆ ಬಳಸಿಕೊಳ್ಳುವ ಸಾಧ್ಯತೆಯಿದೆ. ಮಕ್ಕಳ ಅತಿಯಾದ ಖರ್ಚುಗಳು ಬೇಸರ ತರಿಸಲಿವೆ. ನಿಮ್ಮ ವಾದವೇ ಸರಿ ಎಂಬ ಹಠಮಾರಿತನವು ಆಪ್ತರಿಗೆ ಕಿರಿಕಿರಿ ಉಂಟುಮಾಡಬಹುದು. ಹಿತಶತ್ರುಗಳ ಕುತಂತ್ರಗಳಿಗೆ ಬಲಿಯಾಗದಿರಿ.
ಧನು ರಾಶಿ: ಉನ್ನತ ಹುದ್ದೆಯ ನಿರೀಕ್ಷೆಯಲ್ಲಿದ್ದವರಿಗೆ ಇಂದು ಶುಭ ಸುದ್ದಿ ಸಿಗಲಿದೆ. ಹೊಸ ಸಂಸ್ಥೆಯೊಂದರ ಜವಾಬ್ದಾರಿ ಅಥವಾ ನಾಯಕತ್ವ ನಿಮ್ಮ ಹೆಗಲೇರಬಹುದು. ಸುಳ್ಳು ಹೇಳುವುದರಿಂದ ನೀವೇ ತೊಂದರೆಗೆ ಸಿಲುಕುವಿರಿ. ಕೌಟುಂಬಿಕವಾಗಿ ಕೆಲವು ಸಣ್ಣಪುಟ್ಟ ಸಮಸ್ಯೆಗಳನ್ನು ಎದುರಿಸಬೇಕಾಗಿ ಬರಬಹುದು. ಮನೆಯ ಸ್ವಚ್ಛತೆಗೆ ಹೆಚ್ಚಿನ ಆದ್ಯತೆ ನೀಡುವಿರಿ. ಆರೋಗ್ಯದಲ್ಲಿ ಏರುಪೇರಾಗುವ ಸಾಧ್ಯತೆಯಿದೆ, ಎಚ್ಚರವಿರಲಿ.
ಮಕರ ರಾಶಿ: ವಿದ್ಯಾಭ್ಯಾಸಕ್ಕಾಗಿ ಅಥವಾ ಕೆಲಸಕ್ಕಾಗಿ ಮನೆಯಿಂದ ದೂರ ಉಳಿಯುವುದು ಮಾನಸಿಕವಾಗಿ ನೋವು ತರಬಹುದು. ನಿಮ್ಮ ಬಗ್ಗೆ ನಕಾರಾತ್ಮಕವಾಗಿ ಮಾತನಾಡುವವರಿಗೆ ತಕ್ಕ ಪ್ರತ್ಯುತ್ತರ ನೀಡುವಿರಿ. ಅತಿಯಾದ ಉತ್ಸಾಹದಿಂದ ಎಡವುವ ಸಾಧ್ಯತೆಯಿದೆ. ನಿಮ್ಮ ನಿಖರವಾದ ಕೆಲಸದ ಶೈಲಿಯೇ ನಿಮ್ಮ ವ್ಯಕ್ತಿತ್ವವನ್ನು ಬಿಂಬಿಸುತ್ತದೆ. ಸಣ್ಣಪುಟ್ಟ ಆರೋಗ್ಯ ಸಮಸ್ಯೆಗಳನ್ನು ನಿರ್ಲಕ್ಷಿಸಬೇಡಿ. ಸಕಾರಾತ್ಮಕ ಚಿಂತನೆಗಳಿಂದ ಸಮಾಧಾನ ಕಂಡುಕೊಳ್ಳುವಿರಿ.
ಕುಂಭ ರಾಶಿ: ನಿಮ್ಮ ಯಶಸ್ಸು ಮತ್ತು ಏಳಿಗೆಯನ್ನು ಕಂಡು ಆಪ್ತರೇ ಅಸೂಯೆ ಪಡುವರು. ಇತರರ ಕಷ್ಟಗಳಿಗೆ ಸ್ಪಂದಿಸಲು ಇಂದು ನಿಮಗೆ ಸಮಯದ ಅಭಾವವಿರುತ್ತದೆ. ನಿಮ್ಮ ನಿಲುವುಗಳನ್ನು ಸಮರ್ಥವಾಗಿ ಮಂಡಿಸುವಿರಿ. ಮನೆಯಲ್ಲಿ ವಿವಾಹ ಸಿದ್ಧತೆಗಳಲ್ಲಿ ತೊಡಗಿಕೊಳ್ಳುವಿರಿ. ಪುಣ್ಯಕ್ಷೇತ್ರಗಳಿಗೆ ಭೇಟಿ ನೀಡುವ ಯೋಗವಿದೆ. ಉದ್ಯೋಗದಲ್ಲಿನ ವರ್ಗಾವಣೆಯನ್ನು ತಪ್ಪಿಸಿಕೊಳ್ಳಲು ಪ್ರಯತ್ನಿಸುವಿರಿ. ತಾಯಿಯಿಂದ ವಿಶೇಷ ಉಡುಗೊರೆ ದೊರೆಯಬಹುದು.
ಮೀನ ರಾಶಿ: ನಿಮ್ಮ ಸ್ಥಿರಾಸ್ತಿಗಳು ಕಷ್ಟದ ಸಮಯದಲ್ಲಿ ಅತ್ಯಂತ ನೆರವಿಗೆ ಬರಲಿವೆ. ವಿಶ್ರಾಂತಿ ಬಯಸಿದರೂ ಅನಿವಾರ್ಯವಾಗಿ ಹಲವು ಕೆಲಸಗಳನ್ನು ಮಾಡಬೇಕಾಗುತ್ತದೆ. ಸಂಗಾತಿಯೊಂದಿಗೆ ಸಣ್ಣಪುಟ್ಟ ಜಗಳಗಳಾಗುವ ಸಾಧ್ಯತೆಯಿದೆ. ಮಾನಸಿಕ ಒತ್ತಡದಿಂದಾಗಿ ವಿದ್ಯಾರ್ಥಿಗಳಿಗೆ ಓದಿನಲ್ಲಿ ಏಕಾಗ್ರತೆ ಸಾಧಿಸುವುದು ಕಷ್ಟವಾಗಬಹುದು. ಸುಳ್ಳು ಹೇಳುವವರ ಮೇಲೆ ತೀವ್ರ ಕೋಪ ಬರುತ್ತದೆ. ನಿಮ್ಮ ಯೋಜನೆಗಳು ಅಂದುಕೊಂಡಂತೆ ಕಾರ್ಯಗತಗೊಳ್ಳದಿರಬಹುದು.
ನಮ್ಮ ಸಮಗ್ರ ಸುದ್ದಿಗಳಿಗಾಗಿ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು WhatsApp Group:https://chat.whatsapp.com/KnDIfiBURQ9G5sLEJLqshk
Facebook page: https://www.facebook.com/samagrasudii
Sharechat: https://sharehat.com/profile/edu514826335?d=n
Twitter: https://twitter.com/SuddiSamagra
Threads: https://www.threads.net/@samagrasuddi.co.in
Instagram: https://www.instagram.com/samagrasuddi.co.in/
Telegram: https://t.me/+E1ubNzdguQ5jN2Y1
Whats App Channel: https://whatsapp.com/channel/0029VbDbOsBD8SE2H0L3d40j