Benifits of Guava Fruit : ಪೇರಲ ಹಣ್ಣು ಸಾಕಷ್ಟು ಆರೋಗ್ಯಕರ ಪ್ರಯೋಜನಗಳನ್ನು ಹೊಂದಿದೆ ಎಂದು ಹೇಳಲಾಗುತ್ತದೆ. ಇದು ಹೆಚ್ಚು ಪ್ರೋಟಿನ್‌ ಹಾಗೂ ಜೀವಸತ್ವಗಳನ್ನು ಒಳಗೊಂಡಿದ್ದು ತಿನ್ನಲೂ ರುಚಿಕರವಾಗಿರುವುದರ ಜೊತೆಗೆ ಆರೋಗ್ಯಕ್ಕೂ ಉತ್ತಮವಾಗಿರುತ್ತದೆ.
Guava Fruit : ಪ್ರಕೃತಿಯಲ್ಲಿ ನೈಸರ್ಗಿಕವಾಗಿ ದೊರಕುವ ಎಲ್ಲ ಪದಾರ್ಥಗಳಿಂದಲೂ ನಮ್ಮ ದೇಹಕ್ಕೆ ಒಂದಲ್ಲಾ ಒಂದು ಆರೋಗ್ಯ ಪ್ರಯೋಜನಗಳಿವೆ. ಪೇರಲ ಹಣ್ಣಿನಿಂದ ಕೇವಲ ಆರೋಗ್ಯಕ್ಕೆ ಮಾತ್ರ ಪ್ರಯೋಜನವಿಲ್ಲ ಇದರಿಂದ ಮುಖದ ಕಾಂತಿಯನ್ನು ಹೆಚ್ಚಿಸಬಹುದು. ಹಾಗಾದರೇ ಪೇರಲ ಹಣ್ಣಿನ ಸೇವನೆಯಿಂದ ಮುಖಕ್ಕೆ ಆಗುವ ಪ್ರಯೋಜನಗಳೇನು ಎಂದು ತಿಳಿಯೋಣ
ಪೇರಲ ಹಣ್ಣಿನ ಪ್ರಯೋಜನಗಳು ಇಲ್ಲಿವೆ.
ಮೊಡವೆಗಳ ವಿರುದ್ಧ ಹೋರಾಡುತ್ತದೆ
ಮೊಡವೆ ಮತ್ತು ಕಪ್ಪು ಕಲೆಗಳು ಪ್ರಪಂಚದಾದ್ಯಂತ ಲಕ್ಷಾಂತರ ಜನರ ಮೇಲೆ ಪರಿಣಾಮ ಬೀರುವ ಸಾಮಾನ್ಯ ಚರ್ಮದ ಸಮಸ್ಯೆಯಾಗಿದೆ. ಮೊಡವೆಗಳು ಮತ್ತು ಕಪ್ಪು ಕಲೆಗಳು ನಮ್ಮ ತ್ವಚೆಗೆ ಹಾನಿ ಮಾಡುವುದು ಮಾತ್ರವಲ್ಲದೆ ನಮ್ಮ ತ್ವಚೆಯ ನೈಜ ಸೌಂದರ್ಯವನ್ನು ಮರೆಮಾಚುವುದರಿಂದ ಮತ್ತು ಮೊಡವೆ ಮತ್ತು ಕಪ್ಪು ಕಲೆಗಳನ್ನು ಹೋಗಲಾಡಿಸುವ ಮೂಲಕ ನಾವು ನಮ್ಮ ಸೌಂದರ್ಯವನ್ನು ಹೆಚ್ಚಿಸಬಹುದು.
ಪೇರಲ ಎಲೆಗಳ ಫೇಸ್‌ ಮಾಸ್ಕ್‌
ಪೇರಲ ಎಲೆಗಳು ನಮ್ಮ ಮೂಗು, ಗಲ್ಲದ ಮತ್ತು ಇತರ ಪ್ರದೇಶಗಳಲ್ಲಿ ಉಂಟಾಗುವ ಕಪ್ಪು ಚುಕ್ಕೆಗಳನ್ನು ತೆಗೆದುಹಾಕುವಲ್ಲಿ ಬಹಳ ಪರಿಣಾಮಕಾರಿ. ಬ್ಲ್ಯಾಕ್ ಹೆಡ್ ನಿವಾರಣೆಗೆ ಪೇರಲ ಎಲೆಗಳನ್ನು ಬಳಸಲು, ಕೆಲವು ಪೇರಲ ಎಲೆಗಳನ್ನು ಸ್ವಲ್ಪ ನೀರಿನೊಂದಿಗೆ ರುಬ್ಬಿಕೊಳ್ಳಿ ಮತ್ತು ಮಿಶ್ರಣವನ್ನು ಬ್ಲ್ಯಾಕ್ ಹೆಡ್ ಇರುವ ಜಾಗದಲ್ಲಿ ಸ್ಕ್ರಬ್ ಮಾಡಿ.
ಕಾಂತಿಯುತ ತ್ವಚೆಯನ್ನು ಪಡೆಯಲು ಸಹಾಯಮಾಡುತ್ತದೆ
ಪೇರಲ ಹಣ್ಣುಗಳು ಆರೋಗ್ಯಕ್ಕೆ ಎಷ್ಟು ಪ್ರಯೋಜನಗಳನ್ನು ನೀಡುತ್ತದೆಯೋ ಅದೇ ರೀತಿ ಪೇರಲ ಎಲೆಗಳೂ ಸಹ ಉತ್ತಮ ತ್ವಚೆ ಪ್ರಯೋಜನಗಳನ್ನು ಹೊಂದಿದೆ. ಇದು ಅಕಾಲಿಕವಾಗಿ ವಯಸ್ಸಾದಂತೆ ಕಾಣುವ ಚರ್ಮದ ವಿರುದ್ಧ ಹೋರಾಡುತ್ತದೆ. ನಿಮ್ಮ ಚರ್ಮವು ಕಾಂತಿಯುತವಾಗಿ ಕಾಣುವಂತೆ ಮಾಡುತ್ತದೆ.
ಚರ್ಮದ ಮೇಲಿನ ಸುಕ್ಕು ಮತ್ತು ಕಲೆಗಳನ್ನು ತೆಗೆದುಹಾಕುತ್ತದೆ
ಪೇರಲ ಎಲೆಗಳ ಕಷಾಯದಿಂದ ನಮ್ಮ ಮುಖವನ್ನು ತೊಳೆಯುವುದರಿಂದ ಮುಖವು ಸುಂದರವಾಗಿರುತ್ತದೆ ಮತ್ತು ಪೇರಲದ ಸಂಕೋಚಕ ಗುಣಗಳಿಂದಾಗಿ ಚರ್ಮವು ಕಲೆಗಳು, ಮೊಡವೆಗಳು, ಕಲೆಗಳು, ಸುಕ್ಕುಗಳು ಇತ್ಯಾದಿಗಳಿಂದ ರಕ್ಷಣೆ ಪಡೆಯುತ್ತದೆ.
Source: https://zeenews.india.com/kannada/health/do-you-know-the-benefits-of-consuming-guava-fruit-131517