ರಾಷ್ಟ್ರೀಯ ಪರೀಕ್ಷಾ ಸಂಸ್ಥೆ (NTA) ನಡೆಸುವ ವಿವಿಧ ಸ್ಪರ್ಧಾತ್ಮಕ ಪರೀಕ್ಷೆಗಳಿಗೆ ಸಂಬಂಧಿಸಿದಂತೆ ಅಭ್ಯರ್ಥಿಗಳು ತಮ್ಮ ದೂರುಗಳನ್ನು ಹಾಗೂ ಕುಂದುಕೊರತೆಗಳನ್ನು ಇಮೇಲ್ ಅಥವಾ ಸಾಮಾಜಿಕ ಜಾಲತಾಣಗಳ ಮೂಲಕ ಸಲ್ಲಿಸುವ ಪ್ರಕ್ರಿಯೆಗೆ ಹೊಸ ಮಾರ್ಗಸೂಚಿಯನ್ನು ಬಿಡುಗಡೆ ಮಾಡಲಾಗಿದೆ.
ಪ್ರತಿದಿನ ಲಕ್ಷಾಂತರ ಅಭ್ಯರ್ಥಿಗಳಿಂದ ದೂರುಗಳು ಬರುತ್ತಿದ್ದು, ಬಹುತೇಕ ಇಮೇಲ್ಗಳಲ್ಲಿ ಅಭ್ಯರ್ಥಿಯನ್ನು ಗುರುತಿಸಲು ಅಗತ್ಯವಿರುವ ಕನಿಷ್ಠ ಮೂಲಭೂತ ಮಾಹಿತಿಯೇ ಇರುವುದಿಲ್ಲ. ಇದರಿಂದಾಗಿ ನಿರ್ದಿಷ್ಟ ವಿದ್ಯಾರ್ಥಿಯನ್ನು ಹುಡುಕಿ, ಅವರ ಸಮಸ್ಯೆಗೆ ನಿಗದಿತ ಸಮಯದೊಳಗೆ ಸ್ಪಂದಿಸಲು ಕಷ್ಟವಾಗುತ್ತಿದೆ ಎಂದು ಎನ್ಟಿಎ ಕಳವಳ ವ್ಯಕ್ತಪಡಿಸಿದೆ. ಈ ಹಿನ್ನೆಲೆಯಲ್ಲಿ, ವಿದ್ಯಾರ್ಥಿಗಳಿಗೆ ತ್ವರಿತ ಗತಿಯಲ್ಲಿ ಪರಿಹಾರ ಒದಗಿಸುವ ನಿಟ್ಟಿನಲ್ಲಿ ಎನ್ಟಿಎ ಕೆಲವು ಕಟ್ಟುನಿಟ್ಟಿನ ನಿಯಮಗಳನ್ನು ಜಾರಿಗೆ ತಂದಿದೆ.
ದೂರು ಸಲ್ಲಿಕೆಗೆ ಎನ್ಟಿಎ ನೀಡಿದ ಪ್ರಮುಖ ಸೂಚನೆಗಳೇನು? ಇನ್ಮುಂದೆ ಯಾವುದೇ ಪರೀಕ್ಷೆಗೆ ಸಂಬಂಧಿಸಿದಂತೆ ದೂರು ಸಲ್ಲಿಸುವಾಗ ಅಭ್ಯರ್ಥಿಗಳು ತಮ್ಮ ನೋಂದಾಯಿತ ಇಮೇಲ್ ಐಡಿ, ಅರ್ಜಿ ಸಂಖ್ಯೆ ಹಾಗೂ ಪರೀಕ್ಷೆಯ ಹೆಸರನ್ನು ಕಡ್ಡಾಯವಾಗಿ ನಮೂದಿಸಲೇಬೇಕು. ಸರಿಯಾದ ಮಾಹಿತಿ ಒದಗಿಸಿದರೆ ಮಾತ್ರ ದೂರುಗಳನ್ನು ಶೀಘ್ರವಾಗಿ ಸಂಬಂಧಪಟ್ಟ ವಿಭಾಗಕ್ಕೆ ರವಾನಿಸಿ, ತ್ವರಿತ ಪರಿಹಾರ ಒದಗಿಸಲು ಸಾಧ್ಯವಾಗುತ್ತದೆ ಎಂದು ಎನ್ಟಿಎ ತಿಳಿಸಿದೆ.
ದೂರು ಸಲ್ಲಿಸುವಾಗ ಅಭ್ಯರ್ಥಿಗಳು ಪಾಲಿಸಲೇಬೇಕಾದ ನಿಯಮಗಳು:
- ನೋಂದಾಯಿತ ಇಮೇಲ್ ಬಳಕೆ ಕಡ್ಡಾಯ: ಪರೀಕ್ಷೆಗೆ ಅರ್ಜಿ ಸಲ್ಲಿಸುವಾಗ ಯಾವ ಇಮೇಲ್ ವಿಳಾಸವನ್ನು ನೀಡಿದ್ದಿರೋ, ಅದೇ ಅಧಿಕೃತ ಇಮೇಲ್ ಮೂಲಕ ದೂರು ರವಾನಿಸಬೇಕು. ಬೇರೆ ಇಮೇಲ್ ಬಳಸಿದರೆ ಗುರುತಿಸುವುದು ಕಷ್ಟ.
- ಅರ್ಜಿ ಸಂಖ್ಯೆ (Application Number) ಉಲ್ಲೇಖಿಸಿ: ನೀವು ಕಳುಹಿಸುವ ಇಮೇಲ್ನ ‘ಸಬ್ಜೆಕ್ಟ್ ಲೈನ್’ (Subject line) ನಲ್ಲಿ ನಿಮ್ಮ ಅರ್ಜಿ ಸಂಖ್ಯೆಯನ್ನು ತಪ್ಪದೆ ಮತ್ತು ಸ್ಪಷ್ಟವಾಗಿ ನಮೂದಿಸಿ.
- ಪರೀಕ್ಷೆಯ ಹೆಸರು ಸ್ಪಷ್ಟವಾಗಿರಿ: ನಿಮ್ಮ ಸಮಸ್ಯೆಯು ಯಾವ ಪರೀಕ್ಷೆಗೆ (ಉದಾಹರಣೆಗೆ: NEET, JEE, CUET ಇತ್ಯಾದಿ) ಸಂಬಂಧಿಸಿದೆ ಎಂಬುದನ್ನು ಇಮೇಲ್ನಲ್ಲಿ ಸ್ಪಷ್ಟವಾಗಿ ಬರೆಯಿರಿ.
- ಸಮಸ್ಯೆಯ ವಿವರವಾದ ಮಾಹಿತಿ: ನೀವು ಎದುರಿಸುತ್ತಿರುವ ತಾಂತ್ರಿಕ ಅಥವಾ ಇತರೆ ಯಾವುದೇ ಸಮಸ್ಯೆಯನ್ನು ಅಪೂರ್ಣವಾಗಿ ಹೇಳದೆ, ವಿವರವಾಗಿ ಹಾಗೂ ಅರ್ಥವಾಗುವಂತೆ ಬರೆಯಿರಿ.
- ಸೂಕ್ತ ದಾಖಲೆಗಳ ಲಗತ್ತು (Attachments): ಎನ್ಟಿಎ ಅಧಿಕಾರಿಗಳಿಗೆ ನಿಮ್ಮ ಸಮಸ್ಯೆಯನ್ನು ಸುಲಭವಾಗಿ ಪರಿಶೀಲಿಸಲು ಅನುಕೂಲವಾಗುವಂತೆ, ಸಮಸ್ಯೆ ಕಂಡುಬಂದಾಗಿನ ಸ್ಕ್ರೀನ್ಶಾಟ್ಗಳು ಅಥವಾ ಅಗತ್ಯ ದಾಖಲೆಗಳನ್ನು ಇಮೇಲ್ಗೆ ಕಡ್ಡಾಯವಾಗಿ ಲಗತ್ತಿಸಿ.
- ಅಧಿಕೃತ ಹೆಲ್ಪ್ಡೆಸ್ಕ್ ಬಳಸಿ: ಪ್ರತಿಯೊಂದು ಪರೀಕ್ಷೆಗೂ ಪ್ರತ್ಯೇಕ ಸಹಾಯವಾಣಿ ಹಾಗೂ ಇಮೇಲ್ ವಿಳಾಸವಿರುತ್ತದೆ (ಮಾಹಿತಿ ಪುಸ್ತಕ ಮತ್ತು ಅಧಿಕೃತ ವೆಬ್ಸೈಟ್ನಲ್ಲಿ ಲಭ್ಯ). ಆಯಾ ಪರೀಕ್ಷೆಗೆ ನಿಗದಿಪಡಿಸಿದ ನಿರ್ದಿಷ್ಟ ಹೆಲ್ಪ್ಡೆಸ್ಕ್ ಇಮೇಲ್ಗೆ ಮಾತ್ರ ದೂರು ಕಳುಹಿಸಿ.
ಈ ಎಲ್ಲಾ ನಿಯಮಗಳನ್ನು ಪಾಲಿಸುವುದರಿಂದ ಎನ್ಟಿಎ ಅಧಿಕಾರಿಗಳಿಗೆ ನಿಮ್ಮ ಅರ್ಜಿಯನ್ನು ಸುಲಭವಾಗಿ ಟ್ರ್ಯಾಕ್ ಮಾಡಲು ಹಾಗೂ ತ್ವರಿತವಾಗಿ ಪ್ರತ್ಯುತ್ತರ ನೀಡಲು ಸಾಧ್ಯವಾಗುತ್ತದೆ.
ನಮ್ಮ ಸಮಗ್ರ ಸುದ್ದಿಗಳಿಗಾಗಿ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು WhatsApp Group:https://chat.whatsapp.com/KnDIfiBURQ9G5sLEJLqshk
Facebook page: https://www.facebook.com/samagrasudii
Sharechat: https://sharehat.com/profile/edu514826335?d=n
Twitter: https://twitter.com/SuddiSamagra
Threads: https://www.threads.net/@samagrasuddi.co.in
Instagram: https://www.instagram.com/samagrasuddi.co.in/
Telegram: https://t.me/+E1ubNzdguQ5jN2Y1
Whats App Channel: https://whatsapp.com/channel/0029VbDbOsBD8SE2H0L3d40j