ಜೀವಕೋಶದ ಬೆಳವಣಿಗೆಗೆ ಆರೋಗ್ಯಕರ ದೃಷ್ಟಿ ಮತ್ತು ಚಯಾಪಚಯ ಕ್ರಿಯೆಯನ್ನು ಬೆಂಬಲಿಸು ವಲ್ಲಿ ವಿಟಮಿನ್ ಎ ಪ್ರಮುಖ ಪಾತ್ರವಹಿಸುತ್ತದೆ. ಅಲ್ಲದೆ, ಸಂತಾ ನೋತ್ಪತ್ತಿ ವ್ಯವಸ್ಥೆಯಲ್ಲಿಯೂ ಇದರ ಪಾತ್ರವಿದೆ. ಅಲ್ಲದೆ, ಮೂತ್ರನಾಳಗಳು,ಶ್ವಾಸಕೋಶಗಳ ಆರೋಗ್ಯದಲ್ಲಿ, ಚರ್ಮದ ಆರೋಗ್ಯ ಚಯಾಪಚಯ ಕ್ರೀಯೆಯನ್ನು ಬೆಂಬಲಿಸುವಲ್ಲಿ ಇತ್ಯಾದಿಗಳಿಗೆ ವಿಟಮಿನ್ ಎ ಅತ್ಯ ಗತ್ಯ. ಇದರ ಕೊರತೆಯಿಂದ ದೇಹಕ್ಕೆ ಹಲವಾರು ಸಮಸ್ಯೆಯಾಗಬಹುದು. ಆದುದರಿಂದ ಸಮತೋಲನವನ್ನು ಕಾಯ್ದು ಕೊಳ್ಳುವುದು ಅತ್ಯಗತ್ಯ.
ದೇಹದಲ್ಲಿ ವಿಟಮಿನ್ ಎ ಹೆಚ್ಚಿಸುವ ಆಹಾರಗಳು
- ವಿಟಮಿನ್ ಎ ಯನ್ನು ನೇರವಾಗಿ ಸೇವಿಸಲು ಆಗುವುದಿಲ್ಲ. ಇದಕ್ಕಾಗಿ ವಿಟಮಿನ್ ಎ ಸಮೃದ್ದವಾಗಿರುವ ಕ್ಯಾರೆಟ್ , ಸಿಹಿ ಆಲೂಗಡ್ಡೆ, ಪಾಲಕ್ ಮುಂತಾದ ಆಹಾರವನ್ನು ಸೇವಿಸುವುದ ರಿಂದ ಪಡೆಯಬಹುದು.
- ರೋಗನಿರೋಧಕ ಶಕ್ತಿಯನ್ನು ಹೆಚ್ಚು ಮಾಡುವಲ್ಲಿ ಮತ್ತು ಪ್ರತಿರಕ್ಷೆಯ ಕಾರ್ಯವನ್ನು ಹೆಚ್ಚಿಸುವಲ್ಲಿ ಸಹಕಾರಿಯಾಗಿದೆ. ದೇಹದ ಒಟ್ಟಾರೆ ಆರೋಗ್ಯ ಕಾಪಾಡಿಕೊಳ್ಳಲು ಇದು ಅತ್ಯಂತ ಸಹಕಾರಿ.
- ವಿಟಮಿನ್ ಎ ಮಾಂಸಹಾರ ಹಾಗೂ ಸಸ್ಯಹಾರಗಳಿಂದಲೂ ಪಡೆದುಕೊಳ್ಳಬಹುದು. ಬೀಟಾ ಕ್ಯಾರೋಟಿನ್ ಚಯಾಪಚಯಗೊಂಡ ಬಳಿಕ ವಿಟಮಿನ್ ಎ ಆಗಿ ಪರಿವರ್ತನೆ ಹೊಂದುವುದು.
- ತಾಜಾ ಹಾಲು, ಮೊಸರು, ಮೊಟ್ಟೆ, ಮಾಂಸ, ಗಿಣ್ಣ, ಮೀನಿನ ಎಣ್ಣೆ, ಕೆನೆ, ಹಳದಿ, ಕೆಂಪು, ಹಸಿರು ಎಲೆಗಳನ್ನು ಹೊಂದಿರುವ ಸೊಪ್ಪುಗಳು, ಪಪ್ಪಾಯಗಳಲ್ಲಿ ವಿಟಮಿನ್ ಎ ಸಮೃದ್ಧವಾಗಿರುತ್ತವೆ.
ದೇಹದಲ್ಲಿ ವಿಟಮಿನ್ ‘ಎ’ ಇದರ ಪಾತ್ರವೇನು?
- ರೋಗಲಕ್ಷಣಗಳು, ಕಾರಣಗಳು ಮತ್ತು ಚಿಕಿತ್ಸೆಯಿಂದ, ನಿಮ್ಮ ದೇಹದಲ್ಲಿ ವಿಟಮಿನ್ ಎ ಯ ಪಾತ್ರಗಳ ಬಗ್ಗೆ ತಿಳಿಯೋಣ
- ವಿಟಮಿನ್ ಎ ಯ ಪ್ರಾಮುಖ್ಯತೆ: ವಿಟಮಿನ್ ಎ ಆರೋಗ್ಯಕರ ಜೀವಕೋಶದ ಬೆಳವಣಿಗೆ , ಆರೋಗ್ಯಕರ ದೃಷ್ಟಿ, ಸಂತಾ ನೋತ್ಪತ್ತಿ ವ್ಯವಸ್ಥೆ ಮತ್ತು ಚಯಾಪಚಯ ಕ್ರಿಯೆಯನ್ನು ಕಾಪಾಡಿಕೊಳ್ಳಲು ಅತ್ಯಂತ ಪ್ರಯೋಜನಕಾರಿಯಾಗಿದೆ. ಮತ್ತು ಇದನ್ನು ವಿಟಮಿನ್ ಎ ಸಮೃದ್ದವಾಗಿರುವ ಆಹಾರವನ್ನು ಸೇವಿಸುವುದರ ಮೂಲಕ ಪಡೆಯಬಹುದಾಗಿದೆ.
ದೃಷ್ಟಿಯಲ್ಲಿ ಪಾತ್ರ
ವಿಟಮಿನ್ ಎ ರೆಟಿನಾದಲ್ಲಿ ಬಹಳ ಮುಖ್ಯವಾದ ಪಾತ್ರವನ್ನು ವಹಿಸುತ್ತದೆ. ಅದರ ಕೊರತೆಯು ರಾತ್ರಿ ಕುರುಡುತನವನ್ನು ಉಂಟು ಮಾಡಬಹುದು ಏಕೆಂದರೆ ವರ್ಣದ್ರವ್ಯಗಳು ಸರಿಯಾಗಿ ಉತ್ಪತ್ತಿಯಾಗು ವುದಿಲ್ಲ. ಇದರ ಉಪಸ್ಥಿತಿಯು ಇದು ಕಣ್ಣುಗಳನ್ನು ತೇವವಾಗಿರಿಸಲು ಸಹಾಯ ಮಾಡುತ್ತದೆ.
ಚರ್ಮ ಮತ್ತು ಲೋಳೆಯ ಪೊರೆಗಳಲ್ಲಿ ಪಾತ್ರ
ವಿಟಮಿನ್ ಎ ರೋಗ ನಿರೋಧಕ ವ್ಯವಸ್ಥೆಯನ್ನು ಬಲಪಡಿಸುತ್ತದೆ. ಮತ್ತು ರೋಗಕಾರಕಗಳ ವಿರುದ್ದ ರಕ್ಷಿಸುವಲ್ಲಿ ಸಹಾಯ ಮಾಡುತ್ತದೆ. ಇದು ಆರೋಗ್ಯಕರ ಕರುಳು, ಮೂತ್ರನಾಳ , ಶ್ವಾಸಕೋಶದ ಒಳಪದ ರಗಳು ಮತ್ತು ಚರ್ಮವನ್ನು ಆರೋಗ್ಯಕರವಾಗಿರುತ್ತದೆ.
ವಿಟಮಿನ್ ಎ ಕೊರತೆಯ ಗುಣಲಕ್ಷಣಗಳು
- ಕಾರ್ನಿಯಲ್ ಹುಣ್ಣುಗಳು: ನಿಮ್ಮ ಕಣ್ಣುಗಳ ಸುತ್ತ ಊತ ಅಥವಾ ರಂಧ್ರಗಳು ಕಂಡುಬರುತ್ತದೆ.
- ಬಿಟಾಟ್ ಕಲೆಗಳು – ವಿಟಮಿನ್ ಕೊರತೆಯಿಂದಾಗಿ ನಿಮ್ಮ ಕಣ್ಣುಗಳಲ್ಲಿ ಬಿಳಿ ಪ್ಯಾಚಸ್ ಕಂಡುಬರುತ್ತದೆ.
- ಮಬ್ಬಾದ ಕಾರ್ನಿಯಾಗಳು: ಮಬ್ಬಾದ ಕಾರ್ನಿಯಾವು ನಿಮ್ಮ ಕಣ್ಣನ್ನು ಆವರಿಸಿ, ಮಬ್ಬು ದೃಷ್ಟಿಯನ್ನು ಸೃಷ್ಟಿಸುತ್ತದೆ.
- ಕಾರ್ನಿಯಾಸ್ ನಲ್ಲಿ ಶುಷ್ಕತೆ: ನಿಮ್ಮ ಹೊರಗಿನ ಕಣ್ಣುಗಳಲ್ಲಿ ತೇವಾಂಶದ ಕೊರತೆ.
- ರಾತ್ರಿ ಕುರುಡುತನ: ಕಡಿಮೆ ಬೆಳಕಿನಲ್ಲಿ ನೋಡಲು ನಿಮಗೆ ಕಷ್ಟವಾಗಬಹುದು ಇಂತಹ ಸಮಯದಲ್ಲಿ ಚಿಕಿತ್ಸೆ ನೀಡದಿದ್ದಲ್ಲಿ ಇದು ಕುರುಡುತನಕ್ಕೆ ಕಾರಣವಾಗಬಹುದು.
ವಿಟಮಿನ್ ಎ ಕೊರತೆಗೆ ಕಾರಣಗಳು
- ಕಿಬ್ಬೊಟ್ಟೆಯ ಶಸ್ತ್ರಚಿಕಿತ್ಸೆ : ಕಿಬ್ಬೊಟ್ಟೆಯ ಪ್ರದೇಶದ ಸುತ್ತ ಶಸ್ತ್ರಚಿಕಿತ್ಸೆ ಆದ ಸಂದರ್ಭದಲ್ಲಿ ಈ ಕೊರತೆ ಉಂಟಾಗಬಹುದು.
- ಆಲ್ಕೋಹಾಲ್ ನ ಅನುಚಿತ ಬಳಕೆ: ಆಲ್ಕೋಹಾಲ್ ಅನ್ನು ಅತಿಯಾಗಿ ಸೇವಿಸುವುದು ವಿಟಮಿನ್ ಎ ಕೊರತೆಗೆ ಕಾರಣವಾಗುತ್ತದೆ.
- ಯಕೃತ್ತಿನ ಅಸ್ವಸ್ಥತೆ: ಯಕೃತ್ತಿನಲ್ಲಿ ಅಥವಾ ಅದರ ಸುತ್ತಲೂ ಆಗಬಹುದಾದಂತಹ ಆರೋಗ್ಯ ಸಮಸ್ಯೆಗಳಿಂದ ಈ ಸಮಸ್ಯೆ ಕಾಡಬಹುದು.
- ಕಳಪೆ ಪೋಷಕಾಂಶ: ಆಹಾರದಲ್ಲಿ ಪೋಷಕಾಂಶಗಳನ್ನು ಸರಿಯಾಗಿ ಪಡೆಯದೇ ಇರುವುದು
- ವಿಟಮಿನ್ ಮತ್ತು ಕೊಬ್ಬಿನ ಹೀರಿಕೊಳ್ಳುವಿಕೆಯ ಮೇಲೆ ಪರಿಣಾಮ ಬೀರುವ ರೋಗಗಳು ಇದರಿಂದ ವಿಟಮಿನ್ ಎ ಕೊರತೆಯಾಗಬಹುದು.
- ರೋಗವನ್ನು ಪತ್ತೆ ಹಚ್ಚಿ: ನಿಮ್ಮ ರೋಗಲಕ್ಷಣಗಳಿಗೆ ಅನುಗುಣ ವಾಗಿ ವೈದ್ಯರು ದೈಹಿಕ ಪರೀಕ್ಷೆಯನ್ನು ಮಾಡುತ್ತಾರೆ.
ಪರೀಕ್ಷೆಗಳು
- ಸೀರಮ್ ರೆಟಿನಾಲ್ ರಕ್ತ ಪರೀಕ್ಷೆ: ಈ ಪರೀಕ್ಷೆಯು ರಕ್ತದಲ್ಲಿನ ರೆಟಿನಾಲ್ ಮಟ್ಟವನ್ನು ಅಳೆಯಲು ಸಹಾಯ ಮಾಡುತ್ತದೆ.
- ಎಲೆಕ್ಟ್ರೋರೆಟಿನೋಗ್ರಫಿ:ಈ ಪರೀಕ್ಷೆಯು ಕಣ್ಣಿನ ಬೆಳಕಿನ ಸೂಕ್ಷ್ಮ ಕೋಶದ ವಿದ್ಯುತ್ ಪ್ರತಿಕ್ರಿಯೆಯನ್ನು ಅಳೆಯಲು ಸಹಾಯ ಮಾಡುತ್ತದೆ.
ತೊಂದರೆಗಳು
- ನಿಮ್ಮ ದೇಹದಲ್ಲಿ ವಿಟಮಿನ್ ಎ ಕೊರತೆಯಿರುವಾಗ ನಿಮ್ಮ ಒಟ್ಟಾರೆ ಆರೋಗ್ಯದ ಮೇಲೆ ಪರಿಣಾಮ ಬೀರುವ ಕೆಲವು ತೊಂದರೆಗಳನ್ನು ಕೆಳಗೆ ನೀಡಲಾಗಿದೆ.
- ಬಂಜೆತನ: ನೀವು ಗರ್ಭಾವಸ್ಥೆಯ ಸಮಸ್ಯೆಗಳನ್ನು ಎದುರಿಸ ಬಹುದು.
- ಶುಷ್ಕ, ತುರಿಕೆ ಚರ್ಮ: ಚರ್ಮದಲ್ಲಿ ತೇವಾಂಶದ ಕೊರತೆ, ಈ ಅಸ್ವಸ್ಥತೆಯನ್ನು ಉಂಟುಮಾಡಬಹುದು
- ಮಕ್ಕಳಲ್ಲಿ ಬೆಳವಣಿಗೆ ಮತ್ತು ಬೆಳವಣಿಗೆಯ ಕೊರತೆ: ದೈಹಿಕ ಮತ್ತು ಮಾನಸಿಕ ಆರೋಗ್ಯದಲ್ಲಿ ಏರುಪೇರಾಗಬಹುದು.
- ಉಸಿರಾಟದ ವ್ಯವಸ್ಥೆಯ ಸೋಂಕು:ನಿಮ್ಮ ಉಸಿರಾಟದ ವ್ಯವಸ್ಥೆಯ ಮೇಲೆ ಬೀರುವುದರಿಂದ ಇದರ ಅನಾರೋಗ್ಯ ವುಂಟಾಗಬಹುದು.
- ಕುರುಡುತನ – ದೃಷ್ಟಿನಷ್ಟ