ಶಾಲಿವಾಹನ ಶಕ 1949ರ ದಕ್ಷಿಣಾಯನ, ವರ್ಷ ಋತುವಿನ ಭಾದ್ರಪದ ಮಾಸದ ಕೃಷ್ಣ ಪಕ್ಷದ ಪಂಚಮೀ ತಿಥಿಯ ಗುರುವಾರದ ಇಂದಿನ ದಿನವು ಕೆಲವು ವಿಶೇಷ ಫಲಗಳನ್ನು ಹೊತ್ತು ತಂದಿದೆ. ಇಂದು ಹೂಡಿಕೆಗಳಲ್ಲಿ ಎಚ್ಚರಿಕೆ, ಆರೋಗ್ಯದ ಕಡೆ ಹೆಚ್ಚಿನ ಗಮನ ವಹಿಸುವುದು ಒಳಿತು. ಹಾಗಾದರೆ, ಗುರುವಾರದಂದು ನಿಮ್ಮ ರಾಶಿಯ ಫಲಾಫಲ ಹೇಗಿದೆ ಎಂಬುದರ ಮಾಹಿತಿ ಇಲ್ಲಿದೆ.
ಇಂದಿನ ಪಂಚಾಂಗ
- ಸಂವತ್ಸರ: ಪರಾಭವ ಸಂವತ್ಸರ
- ಆಯನ/ಋತು: ದಕ್ಷಿಣಾಯನ, ವರ್ಷ ಋತು
- ಮಾಸ/ಪಕ್ಷ: ಭಾದ್ರಪದ ಮಾಸ, ಕೃಷ್ಣ ಪಕ್ಷ
- ತಿಥಿ: ಪಂಚಮೀ
- ನಕ್ಷತ್ರ: ಹಸ್ತಾ (ಮಹಾನಕ್ಷತ್ರ), ರೋಹಿಣೀ (ನಿತ್ಯನಕ್ಷತ್ರ)
- ಯೋಗ/ಕರಣ: ವಜ್ರ, ತೈತಿಲ
- ಸೂರ್ಯೋದಯ / ಸೂರ್ಯಾಸ್ತ: ಬೆಳಗ್ಗೆ 06:09 / ಸಂಜೆ 06:08
- ರಾಹು ಕಾಲ: ಮಧ್ಯಾಹ್ನ 01:39 ರಿಂದ 03:09 ರವರೆಗೆ
- ಯಮಗಂಡ ಕಾಲ: ಬೆಳಗ್ಗೆ 06:10 ರಿಂದ 07:40 ರವರೆಗೆ
- ಗುಳಿಕ ಕಾಲ: ಬೆಳಗ್ಗೆ 09:10 ರಿಂದ 10:39 ರವರೆಗೆ
ದ್ವಾದಶ ರಾಶಿಗಳ ದಿನ ಭವಿಷ್ಯ
ಮೇಷ ರಾಶಿ: ಕುಟುಂಬದ ಸ್ವಾಸ್ಥ್ಯ ಕಾಪಾಡಿಕೊಳ್ಳುವ ಜವಾಬ್ದಾರಿ ನಿಮ್ಮ ಮೇಲಿದೆ. ಪ್ರೇಮ ವಿಚಾರಗಳಲ್ಲಿ ಹೊಂದಾಣಿಕೆ ಸ್ವಲ್ಪ ಕಷ್ಟವೆನಿಸಬಹುದು. ಮಹತ್ವದ ನಿರ್ಧಾರಗಳಿಗೆ ಸಂಗಾತಿಯ ಸಲಹೆ ಪಡೆಯುವುದು ಉತ್ತಮ. ಮಕ್ಕಳ ಖುಷಿಯಲ್ಲಿ ನಿಮ್ಮ ನೆಮ್ಮದಿ ಅಡಗಿದೆ. ನಿಮ್ಮ ಗೆಲುವು ಕೆಲವರಿಗೆ ಅಸೂಯೆ ತರಿಸಬಹುದು. ಕಷ್ಟಪಟ್ಟು ಇಷ್ಟಾರ್ಥಗಳನ್ನು ಸಾಧಿಸುವಿರಿ.
ವೃಷಭ ರಾಶಿ: ನಿಮ್ಮ ಸಾಮರ್ಥ್ಯದ ಬಗ್ಗೆ ಹೆಚ್ಚಿನ ನಂಬಿಕೆ ಮೂಡಲಿದೆ. ಬಿಡುವಿನ ವೇಳೆಯನ್ನು ಸಂತೋಷದಿಂದ ಕಳೆಯುವಿರಿ. ಮನೆಯಲ್ಲಿ ಶುಭಕಾರ್ಯಗಳ ಬಗ್ಗೆ ಚರ್ಚೆ ನಡೆಯಲಿದೆ. ಅಪರಿಚಿತರಿಂದ ಅಲ್ಪಪ್ರಮಾಣದ ಕಿರಿಕಿರಿ ಎದುರಾಗಬಹುದು. ಗೌರವಾನ್ವಿತರಿಗೆ ಅಗೌರವ ತೋರದಿರಿ. ಗೋಸೇವೆಯ ಆಸಕ್ತಿ ಮೂಡಲಿದೆ. ಕೆಲಸ ಕಾರ್ಯಗಳಿಗೆ ಇತರರ ಸಹಾಯ ಸಮಯಕ್ಕೆ ಸರಿಯಾಗಿ ಸಿಗಲಿದೆ.
ಮಿಥುನ ರಾಶಿ: ಹೊಸ ಪಾಲುದಾರಿಕೆ ವ್ಯವಹಾರಗಳಿಗೆ ಕೈಹಾಕಲು ಚಿಂತನೆ ನಡೆಸುವಿರಿ. ದಂಪತಿಗಳ ನಡುವೆ ಸಣ್ಣಪುಟ್ಟ ಪ್ರತಿಷ್ಠೆಯ ವಿಚಾರಗಳು ಎದುರಾಗಬಹುದು. ಕಷ್ಟದ ಸಮಯದಲ್ಲಿ ಸಂಬಂಧಿಕರ ಬೆಂಬಲ ಸಿಗಲಿದೆ. ದೂರದ ಪ್ರಯಾಣವನ್ನು ಮುಂದೂಡುವುದು ಒಳಿತು. ಉಸಿರಾಟ ಅಥವಾ ಕಫ ಸಂಬಂಧಿ ಸಮಸ್ಯೆಗಳು ಕಾಡಬಹುದು. ಇಷ್ಟದ ವಸ್ತುಗಳ ಖರೀದಿಗೆ ಹಣ ವ್ಯಯಿಸುವಿರಿ.
ಕರ್ಕಾಟಕ ರಾಶಿ: ಆತುರದ ನಿರ್ಧಾರಗಳು ನಿಮ್ಮ ಕೆಲಸವನ್ನು ಹಾಳುಮಾಡಬಹುದು. ನಿಮ್ಮ ವೈಯಕ್ತಿಕ ಅಥವಾ ವೃತ್ತಿ ವಿಚಾರದಲ್ಲಿ ಬೇರೆಯವರ ಹಸ್ತಕ್ಷೇಪವನ್ನು ನೀವು ಸಹಿಸುವುದಿಲ್ಲ. ಹಳೆಯ ನೆನಪುಗಳು ಮರುಕಳಿಸಲಿವೆ. ಯಂತ್ರೋಪಕರಣಗಳ ಕೆಲಸ ಮಾಡುವವರಿಗೆ ಇಂದು ಕೊಂಚ ವಿಶ್ರಾಂತಿ ಅಗತ್ಯ. ಕಪಟ ಮಿತ್ರರನ್ನು ಗುರುತಿಸುವಲ್ಲಿ ನೀವು ಯಶಸ್ವಿಯಾಗಲಿದ್ದೀರಿ.
ಸಿಂಹ ರಾಶಿ: ನಿಮ್ಮ ಹಿತೈಷಿಗಳು ಯಾರು ಮತ್ತು ವಿರೋಧಿಗಳು ಯಾರು ಎಂಬ ಸ್ಪಷ್ಟ ಚಿತ್ರಣ ಇಂದು ನಿಮಗೆ ಸಿಗಲಿದೆ. ಶುಭ ಸಮಾರಂಭಗಳಲ್ಲಿ ಉತ್ಸಾಹದಿಂದ ಪಾಲ್ಗೊಳ್ಳುವಿರಿ. ಸರ್ಕಾರಿ ನೌಕರಿಯಲ್ಲಿದ್ದವರಿಗೆ ಅನುಕೂಲಕರ ವಾತಾವರಣ ಇರಲಿದೆ. ಯಾರಿಗೂ ಹೇಳದೆ ಏಕಾಂತವಾಗಿ ಸಮಯ ಕಳೆಯಲು ಬಯಸುವಿರಿ. ಇತರರ ವಿಚಾರಗಳನ್ನು ತಿಳಿದುಕೊಳ್ಳುವ ಕುತೂಹಲ ಹೆಚ್ಚಾಗಲಿದೆ.
ಕನ್ಯಾ ರಾಶಿ: ಅನಗತ್ಯ ವಿಚಾರಗಳ ಚರ್ಚೆಯಲ್ಲಿ ಅಮೂಲ್ಯ ಸಮಯವನ್ನು ವ್ಯರ್ಥ ಮಾಡದಿರಿ. ವ್ಯಾಪಾರ-ವ್ಯವಹಾರಗಳಲ್ಲಿ ಲಾಭದ ಪ್ರಮಾಣ ಎಂದಿಗಿಂತ ತುಸು ಕಡಿಮೆಯಾಗಬಹುದು. ಅನಿವಾರ್ಯ ಕಾರಣಗಳಿಂದ ಚಿನ್ನಾಭರಣ ಖರೀದಿಸುವ ಯೋಗವಿದೆ. ಏಕಕಾಲದಲ್ಲಿ ಅನೇಕ ಕೆಲಸಗಳನ್ನು ನಿಭಾಯಿಸುವ ಜವಾಬ್ದಾರಿ ನಿಮ್ಮದಾಗಲಿದೆ.
ತುಲಾ ರಾಶಿ: ಹೊಸ ಒಪ್ಪಂದಗಳು ತಕ್ಷಣಕ್ಕೆ ಕೈಗೂಡುವುದು ಕಷ್ಟ. ನಿಮ್ಮ ತಪ್ಪುಗಳನ್ನು ಇತರರ ಮೇಲೆ ಎತ್ತಿ ಕಟ್ಟುವುದು ಸರಿಯಲ್ಲ. ಸ್ನೇಹಿತರನ್ನು ಅನುಮಾನದ ದೃಷ್ಟಿಯಿಂದ ನೋಡುವಿರಿ. ಬೇರೆಯವರಿಗೆ ಸಹಾಯ ಮಾಡಲು ಹೋಗಿ ನೀವೇ ತೊಂದರೆಗೆ ಸಿಲುಕುವ ಸಾಧ್ಯತೆ ಇದೆ. ಮನರಂಜನೆಯಲ್ಲಿ ಕಾಲ ಕಳೆಯುವಿರಿ. ಆರೋಗ್ಯದ ಕಡೆ ನಿಗಾ ಇರಲಿ, ಸೂಕ್ತ ಚಿಕಿತ್ಸೆ ಪಡೆಯಿರಿ.
ವೃಶ್ಚಿಕ ರಾಶಿ: ನಿಮ್ಮ ಸತತ ಪ್ರಯತ್ನಗಳಿಗೆ ತಕ್ಕ ಪ್ರತಿಫಲ ದೊರೆಯುವ ದಿನವಿದು. ಆದರೆ, ಇತರರ ಟೀಕೆಗಳನ್ನು ಸ್ವೀಕರಿಸುವ ಮನಸ್ಥಿತಿ ನಿಮ್ಮಲ್ಲಿ ಇರುವುದಿಲ್ಲ. ಸಂಗಾತಿಯ ಮಾತನ್ನು ಕಡೆಗಣಿಸುವುದರಿಂದ ಮನಸ್ತಾಪ ಉಂಟಾಗಬಹುದು. ಯಾವುದೇ ಹೊಸ ಕೆಲಸ ಪ್ರಾರಂಭಿಸುವ ಮುನ್ನ ಪೂರ್ವಸಿದ್ಧತೆ ಇರಲಿ.
ಧನು ರಾಶಿ: ಯಂತ್ರಗಳನ್ನು ಬಳಸುವಾಗ ಹೆಚ್ಚಿನ ಜಾಗರೂಕತೆ ಅಗತ್ಯ. ದೈನಂದಿನ ಒಂದೇ ರೀತಿಯ ಜೀವನ ಶೈಲಿಯಿಂದ ಬೇಸರಗೊಂಡು, ಹೊಸತೇನನ್ನಾದರೂ ಮಾಡಲು ಮುಂದಾಗುವಿರಿ. ಆರೋಗ್ಯ ವಿಮೆ ಮುಂತಾದ ದಾಖಲೆಗಳನ್ನು ನವೀಕರಿಸಿಕೊಳ್ಳಿ. ಹಿರಿಯರ ಸಲಹೆಗಳನ್ನು ಧಿಕ್ಕರಿಸದಿರಿ. ಸಕಾರಾತ್ಮಕ ಚಿಂತನೆಗಳು ನಿಮ್ಮನ್ನು ಮುನ್ನಡೆಸಲಿವೆ.
ಮಕರ ರಾಶಿ: ಅದೃಷ್ಟ ನಿಮ್ಮ ಕೈಹಿಡಿಯುವ ಲಕ್ಷಣಗಳಿವೆ. ಆದರೆ ಪ್ರೇಮ ವಿಚಾರಗಳಲ್ಲಿ ತುಸು ನಿರಾಸೆ ಕಾಡಬಹುದು. ಆರ್ಥಿಕ ಖರ್ಚುಗಳು ಹೆಚ್ಚಾಗಿ ಚಿಂತೆಗೀಡು ಮಾಡಬಹುದು. ಸರ್ಕಾರಿ ಕೆಲಸಗಳನ್ನು ಅತ್ಯಂತ ಜಾಣ್ಮೆಯಿಂದ ಮಾಡಿಸಿಕೊಳ್ಳುವಿರಿ. ಅನಿರೀಕ್ಷಿತ ಸುದ್ದಿಯೊಂದು ನಿಮ್ಮ ನೆಮ್ಮದಿ ಕೆಡಿಸಬಹುದು. ದೂರುಗಳು ನ್ಯಾಯಸಮ್ಮತವಾಗಿರಲಿ.
ಕುಂಭ ರಾಶಿ: ಬಹಳ ದಿನಗಳಿಂದ ಸಂಪರ್ಕದಲ್ಲಿಲ್ಲದ ಸ್ನೇಹಿತರನ್ನು ಅನಿರೀಕ್ಷಿತವಾಗಿ ಭೇಟಿಯಾಗುವಿರಿ. ಹಿಂದಿನ ಪುಣ್ಯದ ಫಲ ನಿಮ್ಮನ್ನು ಸಂಭಾವ್ಯ ಕಷ್ಟಗಳಿಂದ ಪಾರುಮಾಡಲಿದೆ. ಇತರರು ನಿಮ್ಮನ್ನು ಹಾಸ್ಯ ಮಾಡಿದಾಗ ಬೇಸರಗೊಳ್ಳುವಿರಿ. ಕೋಪದ ಮೇಲೆ ಹಿಡಿತವಿರಲಿ. ಅಸಾಧ್ಯವಾದದ್ದನ್ನು ಸಾಧಿಸಲು ಕಠಿಣ ಶ್ರಮ ಪಡುವಿರಿ.
ಮೀನ ರಾಶಿ: ಆದಾಯದ ಸುಲಭ ಮೂಲಗಳನ್ನು ಹುಡುಕುವಿರಿ. ಸಾಕಷ್ಟು ಕೆಲಸಗಳಿದ್ದರೂ ಆರಾಮಾಗಿ ಇರಲು ಬಯಸುವಿರಿ. ನಿಮ್ಮದೇ ಆದ ಕೆಲವು ಕಟ್ಟುಪಾಡುಗಳನ್ನು ಬದಲಾಯಿಸಿಕೊಳ್ಳಲು ಸಿದ್ಧರಿರುವುದಿಲ್ಲ. ಹಳೆಯ ದಿನಗಳನ್ನು ನೆನಪಿಸಿಕೊಂಡು ಸಂಭ್ರಮಿಸುವಿರಿ. ಇಂದು ಮಾಡುವ ಆರ್ಥಿಕ ಲೆಕ್ಕಾಚಾರಗಳು ಲಾಭ-ನಷ್ಟದ ಸ್ಪಷ್ಟ ಚಿತ್ರಣ ನೀಡಲಿವೆ.
ಸುದ್ದಿಯ ನಿಖರತೆಗೆ ಓದುತ್ತಿರಿ ಸಮಗ್ರ ಸುದ್ದಿ.