Entertainment News: ದಂಗಲ್​’ ಖ್ಯಾತಿಯ ನಿರ್ದೇಶಕ ನಿತೇಶ್​ ತಿವಾರಿ ‘ರಾಮಾಯಣ’ ಆಯಕ್ಷನ್ ​ ಕಟ್​ ಹೇಳುತ್ತಿರುವುದು ಗೊತ್ತಿದೆ. ಈಗಾಗಲೇ ಮುಂಬೈನಲ್ಲಿ ಬೃಹತ್​ ಸೆಟ್​ಗಳನ್ನು ನಿರ್ಮಿಸಿ ಶೂಟಿಂಗ್​ ನಡೆಸಲಾಗುತ್ತಿದ್ದು, ಅರುಣ್​ ಗೋವಿಲ್​, ಲಾರಾ ದತ್ತಾ ಫೋಟೋಗಳು ವೈರಲ್​ ಆಗಿವೆ.

ಚಿತ್ರದಲ್ಲಿ ರಾಮನಾಗಿ ರಣಬೀರ್​ ಕಪೂರ್​, ಸೀತೆಯ ಪಾತ್ರದಲ್ಲಿ ಸಾಯಿ ಪಲ್ಲವಿ ಮತ್ತು ರಾವಣನಾಗಿ ಯಶ್​ ನಟಿಸಲಿದ್ದಾರೆ.

ಇದೀಗ ಈ ಮೂವರೂ ‘ರಾಮಾಯಣ’ ಚಿತ್ರಕ್ಕಾಗಿ ಪಡೆಯಲಿರುವ ಸಂಭಾವನೆಯ ಕುರಿತ ಸುದ್ದಿಯೊಂದು ಜಾಲತಾಣದಲ್ಲಿ ವೈರಲ್​ ಆಗಿದೆ. ಮೂಲಗಳ ಪ್ರಕಾರ ನಿತೇಶ್​ ತಿವಾರಿ ‘ರಾಮಾಯಣ’ ಮೂರು ಭಾಗಗಳಲ್ಲಿ ಮೂಡಿಬರಲಿದ್ದು, ರಣಬೀರ್​ ಒಂದು ಚಿತ್ರಕ್ಕೆ 75 ಕೋಟಿ ರೂ.ನಂತೆ 225 ಕೋಟಿ ರೂ. ಸಂಭಾವನೆ ಪಡೆಯಲಿದ್ದಾರೆ ಎನ್ನಲಾಗಿದೆ. ಹಾಗೇ ಯಶ್​ ಒಂದು ಚಿತ್ರಕ್ಕೆ 50 ಕೋಟಿ ರೂ.ನಂತೆ ಮೂರು ಚಿತ್ರಗಳಿಂದ 150 ಕೋಟಿ ರೂ. ಮತ್ತು ಸಾಯಿ ಪಲ್ಲವಿ ಮೂರು ಚಿತ್ರಗಳಿಂದ 18 ಕೋಟಿ ರೂ. ಸಂಭಾವನೆ ಪಡೆಯಲಿದ್ದಾರಂತೆ.

ಈಗಾಗಲೇ ರಣಬೀರ್​ ತಮ್ಮ ಪಾತ್ರಕ್ಕೆ ಸಿದ್ಧತೆ ಆರಂಭಿಸಿದ್ದು, ಕೆಲವೇ ದಿನಗಳಲ್ಲಿ ಶೂಟಿಂಗ್​ನಲ್ಲಿ ಭಾಗಿಯಾಗಲಿದ್ದಾರೆ. ಮತ್ತೊಂದೆಡೆ ‘ರಾಮಾಯಣ’ ಚಿತ್ರದಲ್ಲಿ ನಟಿಸುತ್ತಿರುವ ಬಗ್ಗೆ ಸ್ಪಷ್ಟನೆ ನೀಡಿದ್ದ ಯಶ್​, ‘ಬಾಲಿವುಡ್​ನಿಂದ ಹಲವು ಪಾತ್ರಗಳಲ್ಲಿ ಅವಕಾಶ ಬಂದಿವೆ. ಆದರೆ, ನಾನು ಯಾವುದನ್ನೂ ಒಪ್ಪಿಲ್ಲ’ ಎಂದು ಹೇಳಿಕೊಂಡಿದ್ದರು.

Source: https://m.dailyhunt.in/news/india/kannada/vijayvani-epaper-vijaykan/raamanige+75+raavananige+50+koti+ru+sitege+6+koti+ru+sambhaavane-newsid-n599240262?listname=topicsList&index=20&topicIndex=0&mode=pwa&action=click

ನಮ್ಮ ಸಮಗ್ರ ಸುದ್ದಿಗಳಿಗಾಗಿ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು 

WhatsApp Group: https://chat.whatsapp.com/KnDIfiBURQ9G5sLEJLqshk

Facebook page: https://www.facebook.com/samagrasudii

Sharechat: https://sharehat.com/profile/edu514826335?d=n

Twitter: https://twitter.com/SuddiSamagra

Threads: https://www.threads.net/@samagrasuddi.co.in

Instagram: https://www.instagram.com/samagrasuddi.co.in/

Telegram: https://t.me/+E1ubNzdguQ5jN2Y1