Bad Health Symptoms: ನಾವು ಅನಾರೋಗ್ಯಕ್ಕೆ ಒಳಗಾದಾಗ, ನಮ್ಮ ದೇಹವು ಅನೇಕ ರೀತಿಯ ಸಂಕೇತಗಳನ್ನು ಕಳುಹಿಸುತ್ತದೆ. ಅವುಗಳನ್ನು ನಿರ್ಲಕ್ಷ್ಯವಹಿಸುವುದು ಅಪಾಯಕಾರಿ ಎಂದು ವೈದ್ಯರು ತಿಳಿಸಿದ್ದಾರೆ.
Bad Health Symptoms: ದೀರ್ಘಾಯುಷ್ಯ ಹೊಂದಲು, ನೀವು ಆರೋಗ್ಯವಾಗಿರುವುದು ಬಹಳ ಮುಖ್ಯ. ಆದರೆ, ಬಿಡುವಿಲ್ಲದ ದಿನಚರಿಯಿಂದಾಗಿ ಜನರು ತಮ್ಮ ಆರೋಗ್ಯವನ್ನು ಸರಿಯಾಗಿ ನೋಡಿಕೊಳ್ಳುವುದನ್ನೇ ಮರೆತುಬಿಡುತ್ತಾರೆ. ನಾವು ಅನಾರೋಗ್ಯಕ್ಕೆ ಒಳಗಾದಾಗ, ನಮ್ಮ ದೇಹವು ಹಲವಾರು ರೀತಿಯ ಸಂಕೇತಗಳನ್ನು ಕಳುಹಿಸಲು ಪ್ರಾರಂಭಿಸುತ್ತದೆ. ನಾವು ಈ ಸಂಕೇತವನ್ನು ನಿರ್ಲಕ್ಷ್ಯವಹಿಸುವುದು ಅಪಾಯ ಖಚಿತವಾಗಿದೆ. ದೇಹವು ಒಳಗಿನಿಂದ ಅನಾರೋಗ್ಯಕ್ಕೆ ಒಳಗಾದಾಗ ಅದು ನಮಗೆ ಯಾವ ಸಂಕೇತಗಳನ್ನು ನೀಡುತ್ತದೆ ಎಂಬುದನ್ನು ತಿಳಿಯೋಣ.
ಯಾವಾಗಲೂ ದಣಿದಂತಹ ಭಾವನೆ: ಸಾಕಷ್ಟು ನಿದ್ರೆಯ ಹೊರತಾಗಿಯೂ ನೀವು ನಿರಂತರವಾಗಿ ಆಯಾಸವನ್ನು ಅನುಭವಿಸುತ್ತಿದ್ದರೆ, ಅದು ನೀವು ಅನಾರೋಗ್ಯದ ಚಿಹ್ನೆಗಳಲ್ಲಿ ಒಂದಾಗಿರಬಹುದು. ಇದು ನಿಮ್ಮ ದೇಹದಲ್ಲಿ ಕಬ್ಬಿಣ, ವಿಟಮಿನ್ ಬಿ-12 ಮತ್ತು ಕ್ಯಾಲೋರಿಗಳ ಕೊರತೆಯನ್ನು ಸೂಚಿಸುತ್ತದೆ. ನಿರಂತರ ಆಯಾಸವು ನಿಮ್ಮ ಪೋಷಣೆಯನ್ನು ಸುಧಾರಿಸುವ ಅಗತ್ಯವನ್ನು ಸೂಚಿಸುತ್ತದೆ. ನೀವು ಅದನ್ನು ನಿರ್ಲಕ್ಷ್ಯವಹಿಸಿದರೆ, ನೀವು ಹಿಮೋಗ್ಲೋಬಿನ್ ಕೊರತೆ ಅಥವಾ ರಕ್ತಹೀನತೆಯಂತಹ ಸಮಸ್ಯೆಗಳಿಂದ ಬಳಲುತ್ತಿರಬಹುದು. ಆದ್ದರಿಂದ ಯಾವಾಗಲೂ ಆಹಾರದಲ್ಲಿ ಪೋಷಕಾಂಶಗಳನ್ನು ಸೇರಿಸುವುದು ಬಹಳ ಮುಖ್ಯ ಎಂದು ವೈದ್ಯರು ತಿಳಿಸುತ್ತಾರೆ.
ಅತಿಯಾಗಿ ಕೂದಲು ಉದುರುವಿಕೆ: ನಿಮ್ಮ ಕೂದಲು ತುಂಬಾ ಉದುರುತ್ತಿದ್ದರೆ ಇದು ಎಚ್ಚರಿಕೆಯೂ ಆಗಿರಬಹುದು. ಇದು ಪ್ರೋಟೀನ್, ಕಬ್ಬಿಣ ಅಥವಾ ವಿಟಮಿನ್- ಡಿ ಕೊರತೆಯ ಸೂಚನೆಯಾಗಿದೆ. ಈ ಸಮಸ್ಯೆಯನ್ನು ಸಮಯಕ್ಕೆ ಪರಿಹರಿಸದಿದ್ದರೆ, ಸರಿಯಾದ ಪೋಷಣೆ ಮತ್ತು ಅಗತ್ಯವಾದ ಜೀವಸತ್ವಗಳನ್ನು ತೆಗೆದುಕೊಳ್ಳುವ ಮೂಲಕ ನಿಮ್ಮ ಕೂದಲಿನ ಆರೋಗ್ಯವನ್ನು ನೀವು ಸುಧಾರಿಸಬಹುದು.
ಮುರಿದ ಉಗುರುಗಳು: ನಿಮ್ಮ ಉಗುರುಗಳು ದುರ್ಬಲವಾಗಿದ್ದರೆ, ಒರಟಾಗಿದ್ದರೆ ಅಥವಾ ಒಡೆಯುತ್ತಿದ್ದರೆ, ಅದು ಸತು ಮತ್ತು ಕಬ್ಬಿಣದ ಕೊರತೆಯ ಸಂಕೇತವಾಗಿರಬಹುದು. ಅಂತಹ ಉಗುರುಗಳು ಆರೋಗ್ಯ ಸಂಬಂಧಿತ ಪರಿಸ್ಥಿತಿಗಳು ಮತ್ತು ದೇಹದಲ್ಲಿನ ದುರ್ಬಲ ಮೂಳೆಗಳನ್ನು ಸೂಚಿಸುತ್ತವೆ. ಈ ಪೋಷಕಾಂಶಗಳ ಕೊರತೆಯು ಉಗುರುಗಳ ಶಕ್ತಿ ಮತ್ತು ಆರೋಗ್ಯದ ಮೇಲೆ ಪರಿಣಾಮ ಬೀರುತ್ತದೆ. ಆದ್ದರಿಂದ, ಉಗುರು ಮತ್ತು ಮೂಳೆಯ ಆರೋಗ್ಯ ಸುಧಾರಿಸಲು ಈ ಪೋಷಕಾಂಶಗಳ ಕೊರತೆ ಸರಿದೂಗಿಸುವುದು ಮುಖ್ಯವಾಗಿದೆ ಎಂದು ವೈದ್ಯರು ಸಲಹೆ ನೀಡುತ್ತಾರೆ.
ಒಣ ಚರ್ಮ: ನಿಮ್ಮ ಚರ್ಮವು ಶುಷ್ಕವಾಗಿದ್ದರೆ, ಇದು ನಿರ್ಜಲೀಕರಣ ಅಥವಾ ವಿಟಮಿನ್ ಎ, ಸಿ ಮತ್ತು ಇ ಕೊರತೆಯ ಸಂಕೇತವಾಗಿರಬಹುದು. ಇದರಿಂದ ನಿಮ್ಮ ತ್ವಚೆಯು ಹಳೆಯದಾಗಿ ಕಾಣುವಂತೆ ಮಾಡಬಹುದು.
ಯಾವಾಗಲೂ ನೆಗಡಿ, ಕೆಮ್ಮು: ನಿಮಗೆ ಆಗಾಗ್ಗೆ ಶೀತ ಮತ್ತು ಕೆಮ್ಮು ಇದ್ದರೆ, ಇದು ದುರ್ಬಲ ರೋಗನಿರೋಧಕ ಶಕ್ತಿಯ ಸಂಕೇತವಾಗಿದೆ. ಈ ಸಮಸ್ಯೆಯನ್ನು ತಪ್ಪಿಸಲು, ಸತು ಮತ್ತು ವಿಟಮಿನ್- ಸಿ ಹೊಂದಿರುವ ಆಹಾರವನ್ನು ಸೇವಿಸುವುದು ಮುಖ್ಯ.
ಸ್ನಾಯು ನೋವು ಅಥವಾ ಸೆಳೆತ: ನಿರಂತರ ಸ್ನಾಯು ನೋವು ಅಥವಾ ಸೆಳೆತ ಎಂದರೆ ನಿಮ್ಮ ದೇಹವು ಎಲೆಕ್ಟ್ರೋಲೈಟ್‌ಗಳು, ಪೊಟ್ಯಾಸಿಯಮ್ ಮತ್ತು ಮೆಗ್ನೀಸಿಯಮ್‌ಗಳ ಕೊರತೆಯನ್ನು ಹೊಂದಿದೆ. ಇದು ನಿಮ್ಮ ಸ್ನಾಯುಗಳನ್ನು ದುರ್ಬಲಗೊಳಿಸಬಹುದು.
ಗಾಯಗಳು ಬೇಗನೆ ಗುಣವಾಗುವುದಿಲ್ಲ: ನಿಮ್ಮ ಗಾಯ ವಾಸಿಯಾಗಲು ಹೆಚ್ಚು ಸಮಯ ತೆಗೆದುಕೊಂಡರೆ, ನಿಮ್ಮ ದೇಹವು ಸತು, ವಿಟಮಿನ್ ಸಿ ಮತ್ತು ಪ್ರೊಟೀನ್‌ನಲ್ಲಿ ಕೊರತೆಯಿದೆ ಎಂದು ಅರ್ಥ. ನೀವು ಈ ಯಾವುದೇ ಸಮಸ್ಯೆಗಳನ್ನು ಹೊಂದಿದ್ದರೆ, ನಿಮ್ಮ ಆಹಾರದಲ್ಲಿ ಪೌಷ್ಟಿಕಾಂಶದ ಆಹಾರವನ್ನು ಸೇರಿಸಿ ಮತ್ತು ಅಗತ್ಯವಿದ್ದರೆ ನಿಮ್ಮ ವೈದ್ಯರನ್ನು ಸಂಪರ್ಕಿಸಿ.
ಓದುಗರಿಗೆ ಮುಖ್ಯ ಸೂಚನೆ: ಇಲ್ಲಿ ನಿಮಗೆ ನೀಡಿರುವ ಎಲ್ಲ ಆರೋಗ್ಯ ಮಾಹಿತಿ ಹಾಗೂ ಸಲಹೆಗಳು ನಿಮ್ಮ ತಿಳಿವಳಿಕೆಗಾಗಿ ಮಾತ್ರ. ಇವುಗಳನ್ನು ಅನುಸರಿಸುವ ಮೊದಲು ಪರಿಣಿತ ವೈದ್ಯರ ಸಲಹೆಗಳನ್ನು ತೆಗೆದುಕೊಳ್ಳುವುದು ಒಳ್ಳೆಯದು.
Source : https://www.etvbharat.com/kn/!health/symptoms-of-bad-health-should-never-ignored-kas24102901409