ಕುತ್ತಿಗೆ ಮೇಲಿನ ನರಹುಲಿಯಿಂದಾಗಿ ನಿಮ್ಮ ಸೌಂದರ್ಯ ಹಾಳಾಗುತ್ತಿದೆ ಎಂದು ಅನಿಸುತ್ತಿದೆಯೇ? ಈ ನರಹುಲಿನ್ನು ನೈಸರ್ಗಿಕವಾಗಿ ನಿವಾರಿಸಲು ಕೆಲವೊಂದು ಮನೆಮದ್ದನ್ನು ತಿಳಿಸಿದ್ದಾರೆ ಕಾಸ್ಮೆಟಾಲಜಿಸ್ಟ್.
ನೀವು ಅನೇಕ ಜನರ ದೇಹದ ಮೇಲೆ ನರಹುಲಿಗಳನ್ನು ನೋಡಿರಬೇಕು. ಇದು ಒಂದು ರೀತಿಯ ನೋವು ರಹಿತ ಚರ್ಮದ ಬೆಳವಣಿಗೆಯಾಗಿದ್ದು, ಹ್ಯೂಮನ್ ಪ್ಯಾಪಿಲೋಮವೈರಸ್ ಎಂಬ ವೈರಸ್‌ನಿಂದ ಉಂಟಾಗುತ್ತವೆ. ಇದರಿಂದ ಯಾವುದೇ ತೊಂದರೆಗಳು ಉಂಟಾಗುವುದಿಲ್ಲ. ಆದರೆ ಇವು ಜೀವಿತಾವಧಿಯವರೆಗೆ ದೇಹದಲ್ಲಿ ಇರುತ್ತವೆ.
ಕುತ್ತಿಗೆ, ಮುಖದಲ್ಲಿ
ಬಹಳಷ್ಟು ಜನರು ಕುತ್ತಿಗೆಯ , ಕಂಕುಳ ಭಾಗದಲ್ಲಿ, ಮುಖದ ಮೇಲೆ ನರಹುಲಿಗಳನ್ನು ಹೊಂದಿರುವುದನ್ನು ನೀವು ಗಮನಿಸಿರಬಹುದು. ಮುಖ ಮತ್ತು ಕುತ್ತಿಗೆಯ ಮೇಲಿನ ನರಹುಲಿಗಳು ನಿಮ್ಮ ಲುಕ್‌ನ್ನು ಹಾಳುಮಾಡಬಹುದು. ಹಾಗಿರುವಾಗ ಅನೇಕ ಜನರು ನರಹುಲಿಯನ್ನು ತೆಗೆದುಹಾಕಲು ಬಯಸುತ್ತಾರೆ. ಈ ನರಹುಲಿಗಳನ್ನು ತೆಗೆದುಹಾಕಬಹುದು ಎನ್ನುವುದು ನಿಮಗೆ ಗೊತ್ತಾ? ನರಹುಲಿಯನ್ನು ತೆಗೆದು ಹಾಕುವ ಬಗ್ಗೆ ರಾಜೌರಿ ಗಾರ್ಡನ್‌ನ ಕಾಸ್ಮೆಟಿಕ್ ಸ್ಕಿನ್ ಮತ್ತು ಹೋಮಿಯೋ ಕ್ಲಿನಿಕ್‌ನ ಸೌಂದರ್ಯಶಾಸ್ತ್ರಜ್ಞೆ ಮತ್ತು ಕಾಸ್ಮೆಟಾಲಜಿಸ್ಟ್ ಡಾ. ಕರುಣಾ ಮಲ್ಹೋತ್ರಾ ಅವರು ಓನ್ಲಿ ಮೈ ಹೆಲ್ತ್‌ಗೆ ತಿಳಿಸಿದ್ದಾರೆ.
ನರಹುಲಿ ನಿವಾರಣೆಗೆ ಆಪಲ್ ಸೈಡರ್ ವಿನೆಗರ್
ನರಹುಲಿಗಳನ್ನು ತೆಗೆದುಹಾಕಲು ಆಪಲ್ ಸೈಡರ್ ವಿನೆಗರ್ ಅತ್ಯಂತ ಪರಿಣಾಮಕಾರಿ ಮನೆಮದ್ದು ಎಂದು ಪರಿಗಣಿಸಲಾಗಿದೆ. ಆಪಲ್ ಸೈಡರ್ ವಿನೆಗರ್ ಸ್ಯಾಲಿಸಿಲಿಕ್ ಆಮ್ಲದಂತೆ ಕೆಲಸ ಮಾಡುತ್ತದೆ. ಇದು ಜನಪ್ರಿಯ ನರಹುಲಿ ತೆಗೆಯುವ ಚಿಕಿತ್ಸೆಯಾಗಿದೆ. ಆಪಲ್ ಸೈಡರ್ ನೈಸರ್ಗಿಕ ಆಂಟಿಮೈಕ್ರೊಬಿಯಲ್ ಗುಣಲಕ್ಷಣಗಳನ್ನು ಸಹ ಹೊಂದಿದೆ, ಇದು HPV ವಿರುದ್ಧ ಹೋರಾಡಲು ಸಹಾಯ ಮಾಡುತ್ತದೆ. ನರಹುಲಿಗಳ ಮೇಲೆ ಆಪಲ್ ಸೈಡರ್ ಹಚ್ಚಲು, ಒಂದು ಚಮಚ ನೀರು ಮತ್ತು ಎರಡು ಚಮಚ ಆಪಲ್ ಸೈಡರ್ ತೆಗೆದುಕೊಳ್ಳಿ. ಅವುಗಳನ್ನು ಚೆನ್ನಾಗಿ ಮಿಶ್ರಣ ಮಾಡಿ.
ಈಗ ಈ ಮಿಶ್ರಣವನ್ನು ಹತ್ತಿಯ ಸಹಾಯದಿಂದ ನಿಮ್ಮ ನರಹುಲಿ ಮೇಲೆ ಹಚ್ಚಿ. ಈಗ ಈ ಹತ್ತಿ ಉಂಡೆಯನ್ನು ನರಹುಲಿಯ ಮೇಲೆ ಬ್ಯಾಂಡೇಜ್ ನಿಂದ 3 ರಿಂದ 4 ಗಂಟೆಗಳ ಕಾಲ ಕಟ್ಟಿಕೊಳ್ಳಿ. ಆಪಲ್ ಸೈಡರ್ ಬಳಸುವುದರಿಂದ ಕಿರಿಕಿರಿ ಮತ್ತು ತುರಿಕೆ ಉಂಟಾಗುತ್ತದೆ ಆದ್ದರಿಂದ, ನಿಮಗೆ ಅಲರ್ಜಿ ಇದ್ದರೆ ಈ ಆಯ್ಕೆಯನ್ನು ಕೈ ಬಿಡುವುದು ಉತ್ತಮ.
ಬಾಳೆಹಣ್ಣಿನ ಸಿಪ್ಪೆಯಿಂದ ನರಹುಲಿಗಳನ್ನು ತೆಗೆದುಹಾಕಿ
ಬಾಳೆಹಣ್ಣಿನ ಸಿಪ್ಪೆಯನ್ನು ಬಳಸಿ ನರಹುಲಿಗಳನ್ನು ಸಹ ತೆಗೆದುಹಾಕಬಹುದು ಎಂದು ನಂಬಲಾಗಿದೆ. ಇದಕ್ಕೆ ಯಾವುದೇ ವೈಜ್ಞಾನಿಕ ಪುರಾವೆಗಳು ಕಂಡುಬಂದಿಲ್ಲ. ಆದರೆ, ಈ ಮನೆಮದ್ದಿನ ಸಹಾಯದಿಂದ ಅನೇಕ ವೃದ್ಧರು ನರಹುಲಿಗಳನ್ನು ತೊಡೆದುಹಾಕಿರುವುದನ್ನು ಕಾಣಬಹುದು. ಬಾಳೆಹಣ್ಣಿನ ಸಿಪ್ಪೆಯನ್ನು ಬಳಸಲು, ನೀವು ಒಂದು ಸಣ್ಣ ಬಾಳೆಹಣ್ಣಿನ ಸಿಪ್ಪೆಯನ್ನು ತೆಗೆದುಕೊಳ್ಳುವುದು ಮುಖ್ಯ. ಮಲಗುವ ಮುನ್ನ, ಬಾಳೆಹಣ್ಣಿನ ಸಿಪ್ಪೆಯ ತುಂಡನ್ನು ನಿಮ್ಮ ನರಹುಲಿ ಮೇಲೆ ಇರಿಸಿ ಮತ್ತು ಅದನ್ನು ಕಟ್ಟಿಕೊಳ್ಳಿ. ಈ ಪ್ರಕ್ರಿಯೆಯನ್ನು ಹಲವಾರು ದಿನಗಳವರೆಗೆ ಪುನರಾವರ್ತಿಸಿ. ನರಹುಲಿ ಕೆಲವು ದಿನಗಳಲ್ಲಿ ತಾನಾಗಿಯೇ ಉದುರಿ ಹೋಗುತ್ತದೆ.
ಬೆಳ್ಳುಳ್ಳಿ ಪೇಸ್ಟ್ ಬಳಸಿ
ಬೆಳ್ಳುಳ್ಳಿ ಪೇಸ್ಟ್ ಅನ್ನು ನರಹುಲಿಗಳನ್ನು ತೆಗೆದುಹಾಕಲು ಬಹಳ ಪರಿಣಾಮಕಾರಿ ವಿಧಾನವೆಂದು ಪರಿಗಣಿಸಲಾಗಿದೆ. ಇದಕ್ಕಾಗಿ, 1-2 ಎಸಳು ಬೆಳ್ಳುಳ್ಳಿ ತೆಗೆದುಕೊಳ್ಳಿ. ನೀರಿನ ಸಹಾಯದಿಂದ ಅದನ್ನು ಚೆನ್ನಾಗಿ ರುಬ್ಬಿಕೊಳ್ಳಿ. ಅದನ್ನು ನರಹುಲಿ ಮೇಲೆ ಹಚ್ಚಿ ಬ್ಯಾಂಡೇಜ್ ನಿಂದ ಮುಚ್ಚಿ. ಸುಮಾರು ಒಂದು ಗಂಟೆ ಕಾಲ ಅದನ್ನು ಹಚ್ಚಿ. ಈ ಪ್ರಕ್ರಿಯೆಯನ್ನು 3 ರಿಂದ 4 ವಾರಗಳವರೆಗೆ ಪುನರಾವರ್ತಿಸಿ. ಕ್ರಮೇಣ ನರಹುಲಿಯನ್ನು ಅದರ ಸ್ಥಳದಿಂದ ತೆಗೆದುಹಾಕಬಹುದು.
ನರಹುಲಿ ಮೇಲೆ ಕಿತ್ತಳೆ ಸಿಪ್ಪೆಯನ್ನು ಹಚ್ಚಿ
ನರಹುಲಿಗಳನ್ನು ತೆಗೆದುಹಾಕಲು ಕಿತ್ತಳೆ ಸಿಪ್ಪೆಯನ್ನು ಬಹಳ ಹಿಂದಿನಿಂದಲೂ ಬಳಸಲಾಗುತ್ತಿದೆ. ಇದನ್ನು ಬಳಸುವುದು ತುಂಬಾ ಸುಲಭ. ಇದಕ್ಕಾಗಿ, ಕಿತ್ತಳೆ ಸಿಪ್ಪೆಯನ್ನು ನರಹುಲಿಗಳ ಮೇಲೆ ಹಲವಾರು ದಿನಗಳವರೆಗೆ ಲಘುವಾಗಿ ಉಜ್ಜಬೇಕು. ಕಿತ್ತಳೆ ಸಿಪ್ಪೆಯು ಆಮ್ಲೀಯ ಗುಣಗಳನ್ನು ಹೊಂದಿದೆ. ಇದನ್ನು ಪ್ರತಿದಿನ ಬಳಸುವುದರಿಂದ ನರಹುಲಿ ಕ್ರಮೇಣ ಮಾಯವಾಗುತ್ತದೆ. ಈ ಪ್ರಕ್ರಿಯೆಯು ಸುಮಾರು 2 ರಿಂದ 3 ವಾರಗಳನ್ನು ತೆಗೆದುಕೊಳ್ಳಬಹುದು. ಅಲ್ಲದೆ ಕಿತ್ತಳೆ ಸಿಪ್ಪೆಯು ಆಂಟಿವೈರಲ್ ಗುಣಗಳನ್ನು ಹೊಂದಿದ್ದು ಚರ್ಮದ ಸೋಂಕುಗಳ ವಿರುದ್ಧ ಹೋರಾಡಲು ಸಹಾಯ ಮಾಡುತ್ತದೆ.
ನರಹುಲಿಗಳನ್ನು ತೆಗೆದುಹಾಕಲು ದಂಡೇಲಿಯನ್ ಹಚ್ಚಿ
ನಿಮ್ಮ ಮುಖ ಮತ್ತು ಕುತ್ತಿಗೆಯ ಮೇಲೆ ಬೆಳೆಯುವ ನರಹುಲಿಗಳನ್ನು ತೆಗೆದುಹಾಕಲು ನೀವು ದಂಡೇಲಿಯನ್ ಅನ್ನು ಸಹ ಬಳಸಬಹುದು. ಇದು ಒಂದು ರೀತಿಯ ಗಿಡಮೂಲಿಕೆ. ದಂಡೇಲಿಯನ್ ಹೂವುಗಳಲ್ಲಿ ಆಂಟಿಮೈಕ್ರೊಬಿಯಲ್ ಅಂಶಗಳು ಕಂಡುಬರುತ್ತವೆ, ಇದು ನರಹುಲಿಗಳನ್ನು ತೆಗೆದುಹಾಕಲು ಸಹಾಯ ಮಾಡುತ್ತದೆ. ಈ ಹೂವನ್ನು ತೆಗೆದುಕೊಂಡು ಅದನ್ನು ಎರಡು ಭಾಗಗಳಾಗಿ ಒಡೆಯಿರಿ.
ಈಗ ಅದರಿಂದ ಹೊರಬರುವ ಜಿಗುಟಾದ ವಸ್ತುವನ್ನು ನೇರವಾಗಿ ನಿಮ್ಮ ನರಹುಲಿ ಮೇಲೆ ಹಚ್ಚಿ. ಈ ಪ್ರಕ್ರಿಯೆಯನ್ನು ದಿನಕ್ಕೆ ಮೂರರಿಂದ ನಾಲ್ಕು ಬಾರಿ ಪುನರಾವರ್ತಿಸಿ. ನರಹುಲಿ ಕೆಲವೇ ದಿನಗಳಲ್ಲಿ ಕ್ರಮೇಣ ಮಾಯವಾಗುತ್ತದೆ. ಈ ಪ್ರಕ್ರಿಯೆಯನ್ನು ಪ್ರತಿದಿನ ಎರಡು ಮೂರು ವಾರಗಳವರೆಗೆ ಪುನರಾವರ್ತಿಸಬೇಕು.
ಹಕ್ಕು ನಿರಾಕರಣೆ: ಈ ಲೇಖನವು ಕೇವಲ ಮಾಹಿತಿಗಾಗಿ ಮಾತ್ರ. ಇದು ಯಾವುದೇ ರೀತಿಯಲ್ಲೂ ಯಾವುದೇ ಔಷಧಿ ಅಥವಾ ಚಿಕಿತ್ಸೆಗೆ ಪರ್ಯಾಯವಲ್ಲ. ವಿಜಯಕರ್ನಾಟಕ ಇದರ ಸತ್ಯತೆ, ನಿಖರತೆ ಮತ್ತು ಪರಿಣಾಮದ ಜವಾಬ್ದಾರಿಯನ್ನು ತೆಗೆದುಕೊಳ್ಳುವುದಿಲ್ಲ.
Views: 1