ಸಮಗ್ರ ಸುದ್ದಿ ಓದುಗರಿಗಾಗಿ ಇಂದಿನ ಪಂಚಾಂಗ ಹಾಗೂ ದ್ವಾದಶ ರಾಶಿಗಳ ದಿನಭವಿಷ್ಯದ ಸಂಪೂರ್ಣ ವಿವರ ಇಲ್ಲಿದೆ.
ಇಂದಿನ ಪಂಚಾಂಗ (ಜೂನ್ 24, ಬುಧವಾರ)
- ಶಾಲಿವಾಹನ ಶಕೆ: 1949 ಪರಾಭವ ಸಂವತ್ಸರ
- ಅಯನ: ಉತ್ತರಾಯಣ
- ಋತು: ಗ್ರೀಷ್ಮ ಋತು
- ಮಾಸ: ಜ್ಯೇಷ್ಠ ಮಾಸ
- ಪಕ್ಷ: ಕೃಷ್ಣ ಪಕ್ಷ
- ತಿಥಿ: ದಶಮೀ
- ನಕ್ಷತ್ರ: ಚಿತ್ರಾ (ಮಹಾನಕ್ಷತ್ರ: ಆರ್ದ್ರಾ)
- ಯೋಗ: ಸಿದ್ಧಿ
- ಕರಣ: ತೈತಿಲ
- ಸೂರ್ಯೋದಯ: ಬೆಳಿಗ್ಗೆ 05:56
- ಸೂರ್ಯಾಸ್ತ: ಸಂಜೆ 06:47
ಶುಭಾಶುಭ ಕಾಲಗಳು:
- ರಾಹು ಕಾಲ: 12:22 ರಿಂದ 13:58
- ಯಮಗಂಡ ಕಾಲ: 07:33 ರಿಂದ 09:09
- ಗುಳಿಕ ಕಾಲ: 10:46 ರಿಂದ 12:22
ದ್ವಾದಶ ರಾಶಿಗಳ ಇಂದಿನ ಭವಿಷ್ಯ
ಮೇಷ ರಾಶಿ ವೃತ್ತಿ ಕ್ಷೇತ್ರದಲ್ಲಿ ಪ್ರಸ್ತುತ ಕೆಲಸ ಬಿಡುವ ಯೋಚನೆ ಇದ್ದರೆ ಎಚ್ಚರ ವಹಿಸಿ, ತೊಂದರೆ ಎದುರಾಗಬಹುದು. ಕೌಟುಂಬಿಕವಾಗಿ ಭಾವನೆಗಳಿಗೆ ಹೆಚ್ಚು ಬೆಲೆ ನೀಡಲಿದ್ದೀರಿ. ದೀರ್ಘಕಾಲದ ಬಳಿಕ ನೆಮ್ಮದಿಯ ನಿದ್ರೆ ನಿಮ್ಮದಾಗಲಿದೆ. ಕುಟುಂಬ ಸದಸ್ಯರ ಮಾತುಗಳಿಗೆ ಕಿವಿಗೊಡಿ. ದಿನದ ಅಂತ್ಯದಲ್ಲಿ ಅನಿರೀಕ್ಷಿತ ಧನಲಾಭವಾಗುವ ಸಾಧ್ಯತೆ ಇದೆ. ಹಠಮಾರಿ ಸ್ವಭಾವ ಬಿಟ್ಟು, ತಾಳ್ಮೆಯಿಂದ ವರ್ತಿಸುವುದು ಒಳಿತು.
ವೃಷಭ ರಾಶಿ ವಿದ್ಯಾರ್ಥಿಗಳಿಗೆ ವ್ಯಾಸಂಗದಲ್ಲಿ ಏಕಾಗ್ರತೆಯ ಕೊರತೆ ಕಾಡಬಹುದು. ನಿಮ್ಮ ಕೆಲವು ನಿರ್ಧಾರಗಳಿಗೆ ಇತರರಿಂದ ವಿರೋಧ ವ್ಯಕ್ತವಾಗುವ ಸಾಧ್ಯತೆ ಇದೆ. ಆರ್ಥಿಕ ವಿಚಾರದಲ್ಲಿ ಅಲ್ಪ ಲಾಭ ನಿರೀಕ್ಷಿಸಬಹುದು. ಕೌಟುಂಬಿಕ ವಾತಾವರಣವು ಆಹ್ಲಾದಕರವಾಗಿರುತ್ತದೆ. ವೃತ್ತಿ ಜೀವನದಲ್ಲಿ ಹೊಸ ದಾರಿಗಳನ್ನು ಹುಡುಕುವತ್ತ ಗಮನಹರಿಸಿ. ಮನಸ್ಸಿನಲ್ಲಿರುವ ವಿಚಾರಗಳನ್ನು ಮುಕ್ತವಾಗಿ ಹಂಚಿಕೊಳ್ಳುವುದು ಉತ್ತಮ.
ಮಿಥುನ ರಾಶಿ ಕೇವಲ ಮಾತುಗಳಿಂದಲೇ ಎಲ್ಲ ಸಮಸ್ಯೆಗಳೂ ಬಗೆಹರಿಯುವುದಿಲ್ಲ ಎಂಬುದನ್ನು ಅರಿತುಕೊಳ್ಳಿ. ನಿಶ್ಚಿತ ಆದಾಯದ ಆಧಾರದ ಮೇಲೆ ಸಾಲ ಪಡೆಯುವ ಸಾಧ್ಯತೆ ಇದೆ. ಕಚೇರಿಯಲ್ಲಿ ನಿಮ್ಮ ಏಕಾಗ್ರತೆಯ ಕೆಲಸಗಳಿಗೆ ತಕ್ಕ ಪ್ರತಿಫಲ ಹಾಗೂ ವೃತ್ತಿಬದುಕಿನಲ್ಲಿ ಉನ್ನತ ಹಂತಕ್ಕೇರುವ ಅವಕಾಶ ದೊರೆಯಲಿದೆ. ಆರ್ಥಿಕ ಸುಧಾರಣೆಯ ಜೊತೆಗೆ ಹಳೆಯ ಸಮಸ್ಯೆಗಳು ಪರಿಹಾರವಾಗಲಿವೆ. ನೂತನ ಯೋಜನೆಗಳು ಕೈಗೆಟುಕುವ ಸಾಧ್ಯತೆ ಇದೆ.
ಕರ್ಕಾಟಕ ರಾಶಿ ಮನೆಯಲ್ಲಿ ಶಾಂತಿ ಮತ್ತು ನೆಮ್ಮದಿ ನೆಲೆಸಲಿದೆ. ಸಂಗಾತಿಯ ನಡವಳಿಕೆಯಲ್ಲಿ ಸಣ್ಣ ಬದಲಾವಣೆಗಳು ಗೋಚರಿಸಬಹುದು. ಹಣಕಾಸಿನ ಯೋಜನೆಗಳನ್ನು ರೂಪಿಸಲು ಇದು ಸಕಾಲ. ಸಂಬಂಧಗಳ ವಿಷಯದಲ್ಲಿ ಹೆಚ್ಚಿನ ಗಾಂಭೀರ್ಯತೆ ಅಗತ್ಯ. ಕಚೇರಿಯಲ್ಲಿ ನಿಮ್ಮ ಕಠಿಣ ಪರಿಶ್ರಮಕ್ಕೆ ಮನ್ನಣೆ ದೊರೆಯಲಿದೆ. ಪ್ರಯಾಣದ ಯೋಜನೆಗಳು ಮುಂದೂಡಲ್ಪಡಬಹುದು. ಸೋಮಾರಿತನದಿಂದ ಅಮೂಲ್ಯವಾದ ಸಮಯ ವ್ಯರ್ಥ ಮಾಡದಿರಿ.
ಸಿಂಹ ರಾಶಿ ಬಹುದಿನಗಳ ಸಮಸ್ಯೆಗಳಿಗೆ ಇಂದು ಪರಿಹಾರ ದೊರೆತರೂ, ಸಣ್ಣಪುಟ್ಟ ಅಪವಾದಗಳನ್ನು ಎದುರಿಸಬೇಕಾದೀತು. ಪ್ರಸ್ತುತ ಯಾವುದೇ ಹೊಸ ಒಪ್ಪಂದಗಳ ಕುರಿತು ಆಲೋಚಿಸುವುದು ಬೇಡ. ಆರ್ಥಿಕ ವಹಿವಾಟಿನಲ್ಲಿ ಸ್ಪಷ್ಟತೆ ಇರಲಿ. ಸಹೋದ್ಯೋಗಿಗಳೊಂದಿಗೆ ಪೈಪೋಟಿ ಏರ್ಪಡಬಹುದು, ಆದರೆ ನಿಮ್ಮ ಶ್ರದ್ಧೆಗೆ ತಕ್ಕ ಜಯ ಸಿಗುವುದು ನಿಶ್ಚಿತ. ಮಕ್ಕಳ ವಿಚಾರದಲ್ಲಿ ಅಥವಾ ಸಂತಾನದ ವಿಷಯದಲ್ಲಿ ಕೊಂಚ ಚಿಂತೆ ಕಾಡಬಹುದು.
ಕನ್ಯಾ ರಾಶಿ ಆಧ್ಯಾತ್ಮಿಕ ಹಾಗೂ ಧಾರ್ಮಿಕ ಕಾರ್ಯಗಳಲ್ಲಿ ತೊಡಗಿಕೊಂಡವರಿಗೆ ನಿರೀಕ್ಷೆಗೂ ಮೀರಿದ ಲಾಭ ಸಿಗಲಿದೆ. ಹಳೆಯ ಸಾಲಗಳನ್ನು ತೀರಿಸಲು ಇದು ಸೂಕ್ತ ಸಮಯ. ಕುಟುಂಬದವರೊಂದಿಗೆ ಸಂತಸದಿಂದ ಕಾಲ ಕಳೆಯುವಿರಿ. ವಿದೇಶಿ ಮೂಲದ ಆರ್ಥಿಕ ವ್ಯವಹಾರಗಳಲ್ಲಿ ಎಚ್ಚರಿಕೆ ಇರಲಿ. ನಿಮ್ಮ ನಿರ್ಧಾರಗಳಿಗೆ ಕುಟುಂಬದ ಹಾಗೂ ಸ್ನೇಹಿತರ ಸಂಪೂರ್ಣ ಬೆಂಬಲ ಸಿಗಲಿದ್ದು, ಮಕ್ಕಳಿಂದ ಪ್ರೀತಿ-ವಿಶ್ವಾಸ ದೊರೆಯಲಿದೆ.
ತುಲಾ ರಾಶಿ ಮಾನಸಿಕ ಒತ್ತಡ ಹೆಚ್ಚಾಗುವ ಸಾಧ್ಯತೆ ಇದ್ದು, ಬಂದಂತಹ ಅವಕಾಶಗಳು ಕೈತಪ್ಪಿ ಹೋಗಬಹುದು. ಸಿಟ್ಟು ನಿಯಂತ್ರಣದಲ್ಲಿಟ್ಟುಕೊಳ್ಳದಿದ್ದರೆ ಮನೆಯಲ್ಲಿ ಅಶಾಂತಿ ಸೃಷ್ಟಿಯಾಗಬಹುದು. ಬದಲಾಗುತ್ತಿರುವ ಪರಿಸ್ಥಿತಿಗಳಿಗೆ ತಕ್ಕಂತೆ ಹೊಂದಿಕೊಳ್ಳುವುದು ಅನಿವಾರ್ಯ. ಮಕ್ಕಳ ಚಲನವಲನಗಳ ಮೇಲೆ ನಿಗಾ ಇಡುವುದು ಹಾಗೂ ಅವರ ಮೇಲಿನ ಅನಗತ್ಯ ಖರ್ಚುಗಳಿಗೆ ಕಡಿವಾಣ ಹಾಕುವುದು ಸೂಕ್ತ.
ವೃಶ್ಚಿಕ ರಾಶಿ ಚಿನ್ನಾಭರಣ ವ್ಯಾಪಾರಿಗಳಿಗೆ ಇಂದಿನ ದಿನ ಅತ್ಯಂತ ಲಾಭದಾಯಕವಾಗಿದೆ. ಮಾನಸಿಕವಾಗಿ ಪ್ರಶಾಂತತೆ ಅನುಭವಿಸುವಿರಿ. ವೃತ್ತಿ ಕ್ಷೇತ್ರದಲ್ಲಿ ಪ್ರಮುಖ ಬೆಳವಣಿಗೆಗಳು ನಡೆಯಲಿದ್ದು, ಆರ್ಥಿಕ ಸ್ಥಿರತೆ ಕಾಣುವಿರಿ. ಹೊಸ ವ್ಯಾಪಾರ-ವ್ಯವಹಾರಗಳಿಗೆ ಉತ್ತಮ ಅವಕಾಶಗಳಿವೆ. ಬಂಧು-ಮಿತ್ರರಿಂದ ಶುಭ ವಾರ್ತೆ ಕೇಳುವಿರಿ. ವಿವಾಹದ ಮಾತುಕತೆಗಳಿಗೆ ಸಂಬಂಧಿಕರ ಸಹಕಾರ ದೊರೆಯಲಿದೆ.
ಧನು ರಾಶಿ ಆಸ್ತಿ ವಿವಾದಗಳು ಭಿನ್ನಾಭಿಪ್ರಾಯಗಳಿಗೆ ಕಾರಣವಾಗಬಹುದು. ನಿಮ್ಮ ವಿರುದ್ಧ ಅಪಪ್ರಚಾರಗಳು ನಡೆಯುವ ಸಾಧ್ಯತೆ ಇದೆ. ವೈಯಕ್ತಿಕ ಸಮಸ್ಯೆಗಳು ಮನಸ್ಸಿಗೆ ಭಾರವೆನಿಸಬಹುದು. ಆರೋಗ್ಯದ ಕಡೆ ಗಮನಹರಿಸಿ, ಸಾಕಷ್ಟು ವಿಶ್ರಾಂತಿ ಪಡೆಯಿರಿ. ಸಂಜೆಯ ವೇಳೆಗೆ ಮನಸ್ಸಿಗೆ ನಿರಾಳತೆ ಸಿಗಲಿದೆ. ಇತರರನ್ನು ದೂಷಿಸುವ ಪ್ರವೃತ್ತಿಯನ್ನು ಕೈಬಿಡಿ. ಸಮಾಜದಲ್ಲಿ ಗಣ್ಯ ವ್ಯಕ್ತಿಗಳ ಒಡನಾಟದಿಂದ ನಿಮಗೆ ಅನುಕೂಲವಾಗಲಿದೆ.
ಮಕರ ರಾಶಿ ವಿದ್ಯುತ್ ಉಪಕರಣಗಳ ಬಳಕೆಯಲ್ಲಿ ಎಚ್ಚರಿಕೆ ಅಗತ್ಯ, ನಷ್ಟದ ಸಂಭವವಿದೆ. ವಿರೋಧಿಗಳನ್ನು ಹಿಮ್ಮೆಟ್ಟಿಸುವಲ್ಲಿ ಯಶಸ್ವಿಯಾಗುವಿರಿ. ನಿಮ್ಮೊಳಗಿನ ಹೊಸ ಸಾಮರ್ಥ್ಯಗಳು ಬೆಳಕಿಗೆ ಬರಲಿವೆ. ಉದ್ಯೋಗದಲ್ಲಿ ಹೊಸ ಅವಕಾಶಗಳು ಒದಗಿ ಬರಲಿದ್ದು, ಆರೋಗ್ಯದಲ್ಲಿ ಚೇತರಿಕೆ ಕಾಣುವಿರಿ. ಲಭ್ಯವಿರುವ ಸಮಯವನ್ನು ಸಕಾರಾತ್ಮಕವಾಗಿ ಬಳಸಿಕೊಳ್ಳಿ. ವೈಯಕ್ತಿಕ ವಿಚಾರಗಳಿಗೆ ಇತರರು ಹಸ್ತಕ್ಷೇಪ ಮಾಡಬಹುದು.
ಕುಂಭ ರಾಶಿ ಉದ್ಯೋಗದ ಕುರಿತು ಆಪ್ತರೊಡನೆ ಮಹತ್ವದ ಸಮಾಲೋಚನೆ ನಡೆಸುವಿರಿ. ಮಹತ್ವದ ನಿರ್ಧಾರಗಳನ್ನು ತೆಗೆದುಕೊಳ್ಳುವ ಮುನ್ನ ಮನೆಯವರ ಸಲಹೆ ಪಡೆಯಿರಿ. ಹಣಕಾಸಿನ ವಿಚಾರದಲ್ಲಿ ಸಾಮಾನ್ಯ ಸ್ಥಿತಿ ಇರಲಿದ್ದು, ಖರ್ಚು-ವೆಚ್ಚಗಳು ಅಂದಾಜು ಮೀರುವ ಸಾಧ್ಯತೆ ಇದೆ. ಆದಾಯ ವೃದ್ಧಿಗಾಗಿ ಪರ್ಯಾಯ ಮಾರ್ಗಗಳನ್ನು ಹುಡುಕುವಿರಿ. ಮಾರಾಟದ ವಿಷಯದಲ್ಲಿ ಕೊಂಚ ಹಿನ್ನಡೆಯಾಗಬಹುದು.
ಮೀನ ರಾಶಿ ಬಹುತೇಕ ಆರ್ಥಿಕ ಸಮಸ್ಯೆಗಳಿಂದ ಬಿಡುಗಡೆ ಹೊಂದಲಿದ್ದೀರಿ. ವೃತ್ತಿ ಜೀವನದಲ್ಲಿ ಮುನ್ನಡೆಯಲು ಹತ್ತು-ಹಲವು ಅವಕಾಶಗಳು ನಿಮ್ಮನ್ನು ಹುಡುಕಿಕೊಂಡು ಬರಲಿವೆ. ಸಣ್ಣಪುಟ್ಟ ಆರೋಗ್ಯ ಸಮಸ್ಯೆಗಳು ಕಾಣಿಸಿಕೊಳ್ಳಬಹುದು. ನಿರೀಕ್ಷಿತ ಮಟ್ಟದಲ್ಲಿ ಲಾಭ ಸಿಗದಿದ್ದರೂ, ಸಣ್ಣ ನಷ್ಟದೊಂದಿಗೆ ಜೀವನದ ಹಾದಿ ಸುಗಮವಾಗಿರಲಿದೆ. ವಿದ್ಯಾರ್ಥಿಗಳಿಗೆ ಹೆಚ್ಚಿನ ಪ್ರೋತ್ಸಾಹ ಹಾಗೂ ಅನುಕೂಲತೆಗಳು ದೊರೆಯಲಿವೆ.
Follow the ಸಮಗ್ರ ಸುದ್ದಿ Telegram Channel: https://t.me/SamagraSuddi
ಸಮಗ್ರ ಸುದ್ದಿ channel on WhatsApp: