ಇಂದಿನ ಪಂಚಾಂಗ ಹಾಗೂ ಶುಭಾಶುಭ ಸಮಯ
- ಸಂವತ್ಸರ: ಶಾಲಿವಾಹನ ಶಕೆ 1949, ಪರಾಭವ ನಾಮ ಸಂವತ್ಸರ
- ಆಯನ ಹಾಗೂ ಋತು: ದಕ್ಷಿಣಾಯನ, ವರ್ಷ ಋತು
- ಮಾಸ ಹಾಗೂ ಪಕ್ಷ: ಭಾದ್ರಪದ (ಸೌರ ಮಾಸ: ಸಿಂಹ), ಶುಕ್ಲ ಪಕ್ಷ
- ತಿಥಿ ಹಾಗೂ ವಾರ: ಸಪ್ತಮಿ ತಿಥಿ, ಗುರುವಾರ
- ನಕ್ಷತ್ರ: ಮಹಾನಕ್ಷತ್ರ – ಉತ್ತರಾಫಲ್ಗುಣೀ, ನಿತ್ಯನಕ್ಷತ್ರ – ಅನುರಾಧಾ
- ಯೋಗ ಮತ್ತು ಕರಣ: ವಿಷ್ಕಂಭ ಯೋಗ, ತೈತಿಲ ಕರಣ
- ಸೂರ್ಯೋದಯ / ಸೂರ್ಯಾಸ್ತ: ಬೆಳಗ್ಗೆ 06:09 / ಸಂಜೆ 06:18
- ಕಾಲಗಳು:
- ರಾಹು ಕಾಲ: ಮಧ್ಯಾಹ್ನ 13:45 ರಿಂದ 15:16
- ಯಮಗಂಡ ಕಾಲ: ಬೆಳಗ್ಗೆ 06:10 ರಿಂದ 07:41
- ಗುಳಿಕ ಕಾಲ: ಬೆಳಗ್ಗೆ 09:14 ರಿಂದ 10:43
ದ್ವಾದಶ ರಾಶಿಗಳ ಇಂದಿನ ಭವಿಷ್ಯ
ಮೇಷ ರಾಶಿ ಆಸ್ತಿ ಅಥವಾ ಜಮೀನು ಖರೀದಿಸುವ ಪ್ರಕ್ರಿಯೆಯಲ್ಲಿ ಕೆಲವು ಅಡೆತಡೆಗಳು ಎದುರಾಗುವ ಸಾಧ್ಯತೆ ಇದೆ. ಗೊಂದಲಗಳಿಂದಾಗಿ ನಿಮ್ಮ ನಿರ್ಧಾರಗಳು ಬದಲಾಗಬಹುದು. ಆದರೂ, ಆರ್ಥಿಕ ಮುಗ್ಗಟ್ಟು ದೂರವಾಗಿ ನೆಮ್ಮದಿ ಕಾಣುವಿರಿ. ಉದ್ಯೋಗದ ಸ್ಥಳದಲ್ಲಿ ಆಲಸ್ಯ ತೋರಿದರೆ ಮೇಲಧಿಕಾರಿಗಳ ಅಸಮಾಧಾನಕ್ಕೆ ಗುರಿಯಾಗಬೇಕಾದೀತು.
ವೃಷಭ ರಾಶಿ ಹೊಸ ಜವಾಬ್ದಾರಿಗಳಿಂದ ನಿಮ್ಮ ಆಲೋಚನಾ ಶೈಲಿಯಲ್ಲಿ ಸಕಾರಾತ್ಮಕ ಬದಲಾವಣೆಗಳಾಗಲಿವೆ. ಪಾಲುದಾರರೊಂದಿಗೆ ಹೊಂದಾಣಿಕೆ ಅತ್ಯಗತ್ಯ. ಸಾಮಾಜಿಕ ಜಾಲತಾಣಗಳಲ್ಲಿ ಹೆಚ್ಚು ಸಮಯ ಕಳೆಯುವಿರಿ. ದೇವಸ್ಥಾನಗಳಿಗೆ ಭೇಟಿ ನೀಡುವ ಯೋಗವಿದ್ದು, ಇತರರ ಒತ್ತಡಕ್ಕೆ ಮಣಿದು ಯಾವುದೇ ತರಾತುರಿಯ ನಿರ್ಧಾರ ಕೈಗೊಳ್ಳದಿರಿ.
ಮಿಥುನ ರಾಶಿ ನಿಮ್ಮ ಹಿಂದಿನ ಅನುಭವಗಳು ಪ್ರಮುಖ ನಿರ್ಧಾರಗಳನ್ನು ಕೈಗೊಳ್ಳಲು ನೆರವಾಗಲಿವೆ. ಆಗಿಹೋದ ಘಟನೆಗಳ ಬಗ್ಗೆ ಅತಿಯಾಗಿ ಯೋಚಿಸಿ ಮಾನಸಿಕ ಕಿರಿಕಿರಿ ಮಾಡಿಕೊಳ್ಳಬೇಡಿ. ರಾಜಕೀಯ ಗಣ್ಯರ ಭೇಟಿಯಾಗಲಿದ್ದು, ನಿಮ್ಮ ಪ್ರತಿಭೆ ಪ್ರದರ್ಶಿಸಲು ವೇದಿಕೆ ಸಜ್ಜಾಗಲಿದೆ. ಹೂಡಿಕೆ ಮಾಡಿರುವ ಹಣವನ್ನು ಹಿಂಪಡೆಯುವ ಬಗ್ಗೆ ಗಂಭೀರವಾಗಿ ಚಿಂತಿಸುವಿರಿ.
ಕರ್ಕಾಟಕ ರಾಶಿ ಕೆಲಸದ ಸ್ಥಳದಲ್ಲಿ ಯಾವುದೇ ವಿಘ್ನಗಳಿಲ್ಲದೆ ದಿನನಿತ್ಯದ ಕಾರ್ಯಗಳು ಸುಗಮವಾಗಿ ಸಾಗಲಿವೆ. ಆದರೆ, ಆಹಾರ ಪದ್ಧತಿಯಲ್ಲಿನ ವ್ಯತ್ಯಾಸದಿಂದ ಜೀರ್ಣಕ್ರಿಯೆ ಸಮಸ್ಯೆ ಎದುರಾಗಬಹುದು. ಆರೋಗ್ಯದ ಕಡೆ, ವಿಶೇಷವಾಗಿ ಮಹಿಳೆಯರು ಹೆಚ್ಚಿನ ಗಮನ ಹರಿಸುವುದು ಸೂಕ್ತ. ಮಕ್ಕಳೊಂದಿಗೆ ಸಂತೋಷದಿಂದ ಕಾಲ ಕಳೆಯುವಿರಿ.
ಸಿಂಹ ರಾಶಿ ವಾಹನ ಚಾಲನೆ ಮಾಡುವಾಗ ಹೆಚ್ಚಿನ ಎಚ್ಚರಿಕೆ ಅಗತ್ಯ. ಆಪ್ತರೊಂದಿಗೆ ಮನಸ್ಸಿನ ಭಾವನೆಗಳನ್ನು ಹಂಚಿಕೊಳ್ಳುವುದರಿಂದ ನೆಮ್ಮದಿ ಸಿಗಲಿದೆ. ಸಣ್ಣ ಪ್ರಮಾಣದ ಆದಾಯದ ಮೂಲಗಳನ್ನು ವಿಸ್ತರಿಸಲು ಒತ್ತು ನೀಡುವಿರಿ. ಮೇಲಧಿಕಾರಿಗಳೊಂದಿಗಿನ ವಾಗ್ವಾದದಿಂದ ನಿಮ್ಮ ಗೌರವಕ್ಕೆ ಚ್ಯುತಿ ಬರುವ ಸಾಧ್ಯತೆ ಇದೆ, ತಾಳ್ಮೆ ಇರಲಿ.
ಕನ್ಯಾ ರಾಶಿ ಇತರರು ಏನೇ ಟೀಕಿಸಿದರೂ ನಿಮ್ಮ ನಿರ್ಧಾರಗಳಿಗೆ ಬದ್ಧರಾಗಿರುವಿರಿ. ದಂಪತಿಗಳ ನಡುವೆ ಪರಸ್ಪರ ಹೊಂದಾಣಿಕೆ ಮೂಡಲಿದೆ. ಹಳೆಯ ನೆನಪುಗಳು ಕಾಡಬಹುದು. ಹೊಸ ಉದ್ಯೋಗ ಹುಡುಕಾಟ ಅಥವಾ ಹಳೇ ವಾಹನ ಬದಲಾಯಿಸಿ ಹೊಸ ವಾಹನ ಖರೀದಿಸುವ ಬಗ್ಗೆ ಮನೆಯಲ್ಲಿ ಗಂಭೀರ ಚಿಂತನೆ ನಡೆಸುವಿರಿ.
ತುಲಾ ರಾಶಿ ಮಾತನಾಡುವಾಗ ಎಚ್ಚರವಿರಲಿ. ವಾಹನ ಸಂಚಾರದಲ್ಲಿ ಜಾಗರೂಕತೆ ಅತ್ಯಗತ್ಯ. ವಿದ್ಯಾರ್ಥಿಗಳಿಗೆ ವಿದ್ಯಾಭ್ಯಾಸದಲ್ಲಿ ಪ್ರಗತಿ ಕಂಡುಬರಲಿದೆ. ವಿದೇಶಿ ವ್ಯವಹಾರಗಳಲ್ಲಿ ನಿರೀಕ್ಷಿತ ಯಶಸ್ಸು ಸಿಗುವುದು ಕೊಂಚ ಕಷ್ಟ. ನಿಮ್ಮ ಹೆಸರನ್ನು ಬಳಸಿಕೊಂಡು ಬೇರೆಯವರು ಕೆಲಸ ಸಾಧಿಸಿಕೊಳ್ಳುವ ಸಾಧ್ಯತೆ ಇದೆ, ಎಚ್ಚರದಿಂದಿರಿ.
ವೃಶ್ಚಿಕ ರಾಶಿ ದೀರ್ಘಕಾಲದಿಂದ ನೆನೆಗುದಿಗೆ ಬಿದ್ದಿದ್ದ ಕೆಲಸಗಳು ಇಂದು ಸುಗಮವಾಗಿ ಪೂರ್ಣಗೊಳ್ಳಲಿವೆ. ಪ್ರಕೃತಿಯ ಮಡಿಲಲ್ಲಿ ಅಥವಾ ಒಂಟಿಯಾಗಿ ಸಮಯ ಕಳೆಯುವ ಬಯಕೆ ಹೆಚ್ಚಾಗುವುದು. ಕಾನೂನು ಹೋರಾಟಗಳಲ್ಲಿ ನಿಮ್ಮ ಪರವಾಗಿ ಸೂಕ್ತ ಸಾಕ್ಷ್ಯಾಧಾರಗಳು ಲಭ್ಯವಾಗಲಿವೆ. ಇತರರ ಕೈಕೆಳಗೆ ಕೆಲಸ ಮಾಡಬೇಕಾದ ಅನಿವಾರ್ಯತೆ ಬರಬಹುದು.
ಧನು ರಾಶಿ ಸರ್ಕಾರಿ ಸೌಲಭ್ಯಗಳನ್ನು ಪಡೆಯಲು ಅಲೆದಾಟ ಸಾಮಾನ್ಯ. ಬಿಡಿಸಲಾಗದ ಸಮಸ್ಯೆಗಳಿಲ್ಲ ಎಂಬ ಸತ್ಯ ಇಂದು ನಿಮಗೆ ಅರಿವಾಗಲಿದೆ. ಮನರಂಜನೆ ಹಾಗೂ ಆಟಪಾಠಗಳಿಗೆ ಹೆಚ್ಚು ಒತ್ತು ನೀಡುವಿರಿ. ಆರೋಗ್ಯದಲ್ಲಿ ಏರುಪೇರಾಗುವ ಸಾಧ್ಯತೆ ಇದ್ದು, ಧಾರ್ಮಿಕ ಕಾರ್ಯಕ್ರಮಗಳ ಬಗ್ಗೆ ಹೆಚ್ಚಿನ ಆಸಕ್ತಿ ಮೂಡದಿರಬಹುದು.
ಮಕರ ರಾಶಿ ನೀವು ತೆಗೆದುಕೊಳ್ಳುವ ದಿಟ್ಟ ನಿರ್ಧಾರಗಳಿಗೆ ಕುಟುಂಬದ ಬೆಂಬಲ ಸಿಗಲಿದೆ. ಮನೆಗೆ ಅಗತ್ಯವಿರುವ ಅಲಂಕಾರಿಕ ಅಥವಾ ಗೃಹಬಳಕೆಯ ವಸ್ತುಗಳನ್ನು ಖರೀದಿಸುವಿರಿ. ಕಚೇರಿಯಲ್ಲಿ ಕೊಂಚ ಬಿಡುವು ಸಿಗಲಿದ್ದು, ಕ್ರೀಡೆಯತ್ತ ಒಲವು ತೋರುವಿರಿ. ವಾತ ಸಂಬಂಧಿ ಖಾಯಿಲೆಗಳಿಂದ ಬಳಲುತ್ತಿರುವವರಿಗೆ ಇಂದು ರಿಲೀಫ್ ಸಿಗಲಿದೆ.
ಕುಂಭ ರಾಶಿ ಇಂದಿನ ನಿಮ್ಮ ಕೆಲವು ಪೂರ್ವಯೋಜಿತ ಕಾರ್ಯಗಳು ಬದಲಾಗಬಹುದು. ಅನಿರೀಕ್ಷಿತ ಬದಲಾವಣೆಗಳಿಗೆ ಒಗ್ಗಿಕೊಳ್ಳುವುದು ಅನಿವಾರ್ಯ. ಮನೆಯಿಂದ ದೂರ ಉಳಿಯುವ ಪ್ರಸಂಗ ಎದುರಾಗಿ ಮನಸ್ಸಿಗೆ ಬೇಸರವಾಗಬಹುದು. ಆಸ್ತಿ ಅಥವಾ ಜಮೀನು ವಿಚಾರವಾಗಿ ಕುಟುಂಬದಲ್ಲಿ ಮಹತ್ವದ ಚರ್ಚೆಗಳು ನಡೆಯಲಿವೆ.
ಮೀನ ರಾಶಿ ಸಮಯವನ್ನು ಅತ್ಯಂತ ಸದುಪಯೋಗಪಡಿಸಿಕೊಳ್ಳುವಿರಿ. ಯಾವುದೇ ಫಲಾಪೇಕ್ಷೆ ಇಲ್ಲದೆ ವೃತ್ತಿ ಜವಾಬ್ದಾರಿಗಳನ್ನು ನಿಷ್ಠೆಯಿಂದ ನಿಭಾಯಿಸುವಿರಿ. ಮನೆಗೆ ಹೊಸ ಪೀಠೋಪಕರಣಗಳನ್ನು ತರುವ ಸಾಧ್ಯತೆ ಇದೆ. ಕ್ರೀಡಾ ಮನೋಭಾವ ಹೆಚ್ಚಿರಲಿದ್ದು, ಧಾರ್ಮಿಕ ಕಾರ್ಯಕ್ರಮಗಳಲ್ಲಿ ಸಕ್ರಿಯವಾಗಿ ಪಾಲ್ಗೊಳ್ಳುವಿರಿ.
ನಮ್ಮ ಸಮಗ್ರ ಸುದ್ದಿಗಳಿಗಾಗಿ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು WhatsApp Group:https://chat.whatsapp.com/KnDIfiBURQ9G5sLEJLqshk
Facebook page: https://www.facebook.com/samagrasudii
Sharechat: https://sharehat.com/profile/edu514826335?d=n
Twitter: https://twitter.com/SuddiSamagra
Threads: https://www.threads.net/@samagrasuddi.co.in
Instagram: https://www.instagram.com/samagrasuddi.co.in/
Telegram: https://t.me/+E1ubNzdguQ5jN2Y1
Whats App Channel: https://whatsapp.com/channel/0029VbDbOsBD8SE2H0L3d40j