71ನೇ ಕನ್ನಡ ರಾಜ್ಯೋತ್ಸವದ ಶುಭ ಸಂದರ್ಭದಲ್ಲಿ ವಾಚ್ ಪ್ರಿಯರಿಗೆ, ಅದರಲ್ಲೂ ಕನ್ನಡಿಗರಿಗೆ ಕೇಂದ್ರ ಸಚಿವ ಹೆಚ್.ಡಿ. ಕುಮಾರಸ್ವಾಮಿ ಸಿಹಿಸುದ್ದಿಯೊಂದನ್ನು ನೀಡಿದ್ದಾರೆ. ಕನ್ನಡಿಗರ ನಾಡಿಮಿಡಿತವಾಗಿರುವ ‘ಹೆಚ್‌ಎಂಟಿ’ (HMT) ಸಂಸ್ಥೆಯು ‘ಕನ್ನಡಿಗ’ ಹೆಸರಿನ 4 ವಿನೂತನ ಮಾದರಿಯ ಕೈಗಡಿಯಾರಗಳನ್ನು ಬೆಂಗಳೂರಿನಲ್ಲಿ ಅನಾವರಣಗೊಳಿಸುತ್ತಿದೆ.
ಹಳೆಯ ಗತವೈಭವ ಹಾಗೂ ಭಾವನಾತ್ಮಕ ಬೆಸುಗೆಯ ಮರುಸೃಷ್ಟಿ ಹಿಂದೆ ಹೆಚ್‌ಎಂಟಿ ವಾಚ್ ಎಂದರೆ ಕನ್ನಡಿಗರಿಗೆ ಹಾಗೂ ದೇಶದ ಜನರಿಗೆ ಒಂದು ರೀತಿಯ ಭಾವನಾತ್ಮಕ ಸಂಬಂಧವಿತ್ತು. ಈ ಹಳೆಯ ಗತವೈಭವವನ್ನು ಮರುಸೃಷ್ಟಿಸುವ ಗುರಿಯೊಂದಿಗೆ ಕೇಂದ್ರ ಸರ್ಕಾರ ಈ ಹೆಜ್ಜೆ ಇಟ್ಟಿದೆ. ಕಳೆದ ಸ್ವಾತಂತ್ರ್ಯ ದಿನಾಚರಣೆಯಂದು ಬಿಡುಗಡೆಯಾಗಿದ್ದ ಸೀಮಿತ ಅವಧಿಯ ಹೆಚ್‌ಎಂಟಿ ವಾಚ್ ಖರೀದಿಸಲು ಜನ ಕಿಲೋಮೀಟರ್‌ಗಟ್ಟಲೆ ಕ್ಯೂ ನಿಂತಿದ್ದು ಇದರ ಜನಪ್ರಿಯತೆಗೆ ಸಾಕ್ಷಿಯಾಗಿತ್ತು.
ರಾಜ್ಯದಲ್ಲಿ ‘ಮೇಕ್ ಇನ್ ಇಂಡಿಯಾ’ ಯೋಜನೆಗೆ ಉತ್ತೇಜನ ನೀಡಲು ಮತ್ತು ಹೂಡಿಕೆಯನ್ನು ಆಕರ್ಷಿಸುವ ನಿಟ್ಟಿನಲ್ಲಿ ಈ ಹೊಸ ಆವಿಷ್ಕಾರಗಳನ್ನು ಪರಿಚಯಿಸಲಾಗುತ್ತಿದೆ. ನವದೆಹಲಿಯಲ್ಲಿ ಮಾಹಿತಿ ನೀಡಿದ ಸಚಿವರು, ಈ ಹೊಸ ಬ್ರಾಂಡೆಡ್ ವಾಚ್‌ಗಳು ಸಾಮಾನ್ಯ ಜನರಿಗೂ ಕೈಗೆಟಕುವಂತೆ ಕೇವಲ 1800 ರೂ. ಗಳಿಂದ 3500 ರೂ. ಗಳ ಬೆಲೆಯಲ್ಲಿ ಲಭ್ಯವಾಗಲಿವೆ ಎಂದು ತಿಳಿಸಿದ್ದಾರೆ.
ಹೆಚ್‌ಎಂಟಿ ಗಂಡಭೇರುಂಡ ವಾಚ್‌ನ ವಿಶೇಷತೆಗಳು ಹೆಚ್‌ಎಂಟಿ ಬಿಡುಗಡೆ ಮಾಡುವ ‘ಗಂಡಭೇರುಂಡ’ ವಾಚ್‌ಗಳಿಗೆ ಮಾರುಕಟ್ಟೆಯಲ್ಲಿ ಎಲ್ಲಿಲ್ಲದ ಬೇಡಿಕೆ ಇದೆ.
- ಐತಿಹಾಸಿಕ ಹಿನ್ನೆಲೆ: ಗಂಡಭೇರುಂಡ ಎಂಬುದು ಎರಡು ತಲೆಯುಳ್ಳ, ಹಿಂದೂ ಪುರಾಣಗಳಲ್ಲಿ ಉಲ್ಲೇಖವಾಗಿರುವ ಅತೀವ ಶಕ್ತಿಶಾಲಿ ಕಾಲ್ಪನಿಕ ಪಕ್ಷಿ. ಕದಂಬರು, ಚಾಲುಕ್ಯರು, ವಿಜಯನಗರ ಅರಸರು ಹಾಗೂ ಮೈಸೂರು ಒಡೆಯರ್ ಸಾಮ್ರಾಜ್ಯದ ಲಾಂಛನವಾಗಿದ್ದ ಇದು, ಪ್ರಸ್ತುತ ಕರ್ನಾಟಕ ರಾಜ್ಯದ ಅಧಿಕೃತ ಲಾಂಛನವೂ ಹೌದು.
- ಕನ್ನಡದ ಅಸ್ಮಿತೆ: ಈ ವಾಚ್‌ನ ಡಯಲ್‌ನಲ್ಲಿ ಗಂಡಭೇರುಂಡದ ಮುದ್ರೆ ಇರುವುದರ ಜೊತೆಗೆ ‘ಕನ್ನಡದ ಅಂಕಿಗಳನ್ನು’ ಅಳವಡಿಸಿರುವುದು ಇದರ ಪ್ರಮುಖ ಆಕರ್ಷಣೆಯಾಗಿದೆ.
- ಡಿಮ್ಯಾಂಡ್: ವಿಶೇಷವಾಗಿ ವೈನ್ ಬಣ್ಣದ ವಾಚ್‌ಗಳಿಗೆ ಭಾರಿ ಬೇಡಿಕೆ ಇದ್ದು, ಸೀಮಿತ ಸಂಖ್ಯೆಯಲ್ಲಿ (Limited Edition) ಉತ್ಪಾದನೆಯಾಗುವುದರಿಂದ ಬಿಡುಗಡೆಯಾದ ಕೆಲವೇ ದಿನಗಳಲ್ಲಿ ಮಾರಾಟವಾಗಿ ಬಿಡುತ್ತವೆ.
ಈ ವಾಚ್‌ಗಳು ಎಲ್ಲಿ ಲಭ್ಯ? ಆಸಕ್ತ ಗ್ರಾಹಕರು ಈ ವಿಶೇಷ ವಾಚ್‌ಗಳನ್ನು ಬೆಂಗಳೂರಿನ ಪ್ರಮುಖ 4 ಮಳಿಗೆಗಳಲ್ಲಿ ಖರೀದಿಸಬಹುದು:
- ಎಂ.ಜಿ. ರಸ್ತೆಯಲ್ಲಿರುವ ಬಾರ್ಟನ್ ಸೆಂಟರ್ (Barton Centre)
- ಜಾಲಹಳ್ಳಿಯ ಎಬಿಡಿ ಶೋರೂಮ್ (ABD Showroom)
- ಜಾಲಹಳ್ಳಿಯ ಹೆಚ್‌ಎಂಟಿ ಮ್ಯೂಸಿಯಂನ ಸುವೆನಿರ್ ಶಾಪ್ (Souvenir Shop)
- ಮೇಕ್ರಿ ವೃತ್ತದ ಬಳಿ ಇರುವ ಹೆಚ್‌ಎಂಟಿ ಭವನ (HMT Bhavan)
ಸೀಮಿತ ದಾಸ್ತಾನು ಇರುವ ಕಾರಣ, ವಾಚ್ ಬಿಡುಗಡೆಯಾದ ತಕ್ಷಣವೇ ಭೇಟಿ ನೀಡಿ ಖರೀದಿಸುವುದು ಉತ್ತಮ.
ನಮ್ಮ ಸಮಗ್ರ ಸುದ್ದಿಗಳಿಗಾಗಿ ಕೆಳಗಿನ Social Media ಪುಟಗಳಿಗೆ Follow / Subscribe ಮಾಡಿ.
🟢 WhatsApp Group
Join WhatsApp Group
🔵 Facebook Page
Follow Facebook Page
⚫ Twitter / X
Follow on X (Twitter)
🟣 Threads
Follow on Threads
Follow on Instagram
🔵 Telegram
Join Telegram Channel
🟢 WhatsApp Channel
Follow WhatsApp Channel
📰 ಸಮಗ್ರ ಸುದ್ದಿ
ನಿಖರತೆಗೆ ಮತ್ತೊಂದು ಹೆಸರು
📢 ಸುದ್ದಿ • ಮಾಹಿತಿ • ಶಿಕ್ಷಣ • ಉದ್ಯೋಗ • ಕರ್ನಾಟಕ • ದೇಶ • ಜಗತ್ತು