ಸಮಕಾಲೀನ ಸಾಹಿತ್ಯ ಕ್ಷೇತ್ರದಲ್ಲಿ ಅತ್ಯಂತ ಪ್ರತಿಷ್ಠಿತವಾಗಿ ಪರಿಗಣಿಸಲ್ಪಡುವ 2026ನೇ ಸಾಲಿನ ಸಾಹಿತ್ಯ ವಿಭಾಗದ ನೊಬೆಲ್ ಪ್ರಶಸ್ತಿಯು ಕೆನಡಾದ ಖ್ಯಾತ ಕವಿ, ಪ್ರಬಂಧಕಿ ಹಾಗೂ ಭಾಷಾಂತರಕಾರ್ತಿ ಆನ್ ಕಾರ್ಸನ್ (Anne Carson) ಅವರಿಗೆ ಒಲಿದಿದೆ. ಸ್ವೀಡಿಷ್ ಅಕಾಡೆಮಿಯು ಇಂದು (ಅಕ್ಟೋಬರ್ 8) ಈ ಘೋಷಣೆ ಮಾಡಿದ್ದು, ಸಾಂಪ್ರದಾಯಿಕ ಸಾಹಿತ್ಯ ಪರಂಪರೆಯೊಂದಿಗೆ ರೋಚಕ ಸಂವಾದ ನಡೆಸುತ್ತಾ ನೂತನ ಪ್ರಕಾರಗಳನ್ನು ಸೃಷ್ಟಿಸಿರುವ ಅವರ ವಿಶಿಷ್ಟ ಸಾಹಿತ್ಯ ಕೃಷಿಯನ್ನು ಮುಕ್ತಕಂಠದಿಂದ ಶ್ಲಾಘಿಸಿದೆ.
76 ವರ್ಷ ವಯಸ್ಸಿನ ಆನ್ ಕಾರ್ಸನ್ ಅವರು ಕಾವ್ಯ, ಗದ್ಯ, ಸಾಂಪ್ರದಾಯಿಕ ಅಭಿಜಾತ ಸಾಹಿತ್ಯ ಮತ್ತು ಅನುವಾದಗಳ ನಡುವಿನ ಎಲ್ಲ ಗಡಿರೇಖೆಗಳನ್ನು ಮೀರಿ ಬರೆಯುವ ವಿಶಿಷ್ಟ ಶೈಲಿಗೆ ಹೆಸರುವಾಸಿಯಾಗಿದ್ದಾರೆ. ಪ್ರಾಚೀನ ಗ್ರೀಕ್ ಸಾಹಿತ್ಯ ಮತ್ತು ಪುರಾಣಗಳನ್ನು ಆಧುನಿಕ ಕಾವ್ಯದೊಂದಿಗೆ ಅತ್ಯಂತ ಸೃಜನಶೀಲವಾಗಿ ಸಂಯೋಜಿಸುವಲ್ಲಿ ಅವರು ಸಿದ್ಧಹಸ್ತರು. ನೊಬೆಲ್ ಸಮಿತಿಯು ಪ್ರಶಸ್ತಿ ಕುರಿತು ಕರೆ ಮಾಡಿದಾಗ ಅವರು ಐಸ್‌ಲ್ಯಾಂಡ್‌ಿನಲ್ಲಿದ್ದು, “ನಾನು ಐಸ್‌ಲ್ಯಾಂಡ್‌ಿನಲ್ಲಿ ಗಾಳಿಯ ಸದ್ದನ್ನು ಆಲಿಸುತ್ತಿದ್ದಾಗ ಈ ಕರೆ ಬಂದಿತು” ಎಂದು ಸಂತಸದ ಕ್ಷಣಗಳನ್ನು ಹಂಚಿಕೊಂಡಿದ್ದಾರೆ.
ಪ್ರಮುಖ ಸಾಹಿತ್ಯ ಕೃತಿಗಳು:
- ಆಟೋಬಯೋಗ್ರಫಿ ಆಫ್ ರೆಡ್ (Autobiography of Red)
- ದಿ ಬ್ಯೂಟಿ ಆಫ್ ದಿ ಹಸ್ಬೆಂಡ್ (The Beauty of the Husband)
- ರಾಂಗ್ ನಾರ್ಮಾ (Wrong Norma)
ಇದಲ್ಲದೆ, ಪ್ರಾಚೀನ ಗ್ರೀಕ್‌ನ ಸ್ಯಾಫೋ ಮತ್ತು ಯುರಿಪಿಡೀಸ್ ಅವರ ಮಹತ್ವದ ಕೃತಿಗಳನ್ನು ಆನ್ ಕಾರ್ಸನ್ ಇಂಗ್ಲಿಷ್‌ಗೆ ಅನುವಾದಿಸಿದ್ದಾರೆ. ಅವರು ಮೆಕ್‌ಗಿಲ್, ಪ್ರಿನ್ಸ್‌ಟನ್ ಹಾಗೂ ಕ್ಯಾಲಿಫೋರ್ನಿಯಾ ವಿಶ್ವವಿದ್ಯಾಲಯಗಳಲ್ಲಿ (ಬರ್ಕ್ಲಿ) ಕ್ಲಾಸಿಕ್ಸ್ ಮತ್ತು ಸಾಹಿತ್ಯ ವಿಭಾಗದ ಪ್ರಾಧ್ಯಾಪಕಿಯಾಗಿಯೂ ಸೇವೆ ಸಲ್ಲಿಸಿದ್ದಾರೆ.
ಸಾಹಿತ್ಯ ನೊಬೆಲ್ ಪ್ರಶಸ್ತಿಯ ಸಂಕ್ಷಿಪ್ತ ಹಿನ್ನೆಲೆ: ನೊಬೆಲ್ ಪ್ರಶಸ್ತಿಯ ಅಧಿಕೃತ ದಾಖಲೆಗಳ ಪ್ರಕಾರ, 1901ರಿಂದ ಇಲ್ಲಿಯವರೆಗೆ ಒಟ್ಟು 122 ಜನರಿಗೆ ಸಾಹಿತ್ಯ ನೊಬೆಲ್ ಪ್ರಶಸ್ತಿ ನೀಡಲಾಗಿದೆ. ಈವರೆಗೆ ಒಟ್ಟು 18 ಮಹಿಳೆಯರು ಈ ಸಾಹಿತ್ಯ ಗೌರವಕ್ಕೆ ಪಾತ್ರರಾಗಿದ್ದಾರೆ. 1909ರಲ್ಲಿ ಪ್ರಶಸ್ತಿ ಪಡೆದ ಸ್ವೀಡನ್‌ನ ಸೆಲ್ಮಾ ಲೇಗರ್ಲೋಫ್ ಮೊದಲ ಮಹಿಳಾ ನೊಬೆಲ್ ವಿಜೇತೆಯಾಗಿದ್ದಾರೆ. 2025ರ ಸಾಹಿತ್ಯ ನೊಬೆಲ್ ಪ್ರಶಸ್ತಿಯನ್ನು ಹಂಗೇರಿಯನ್ ಲೇಖಕ ಲಾಸ್ಲೋ ಕ್ರಾಸ್ನಾಹೋರ್ಕಾಯ್ ಅವರಿಗೆ ನೀಡಲಾಗಿತ್ತು.
ಪ್ರಸ್ತುತ ಸಾಲಿನ ನೊಬೆಲ್ ಬಹುಮಾನದ ಮೊತ್ತವು 12 ಮಿಲಿಯನ್ ಸ್ವೀಡಿಷ್ ಕ್ರೋನರ್ (ಸುಮಾರು 11 ಕೋಟಿ ರೂ.ಗೂ ಹೆಚ್ಚು) ಆಗಿದೆ. ಇತಿಹಾಸದಲ್ಲಿ 1907ರಲ್ಲಿ 41ನೇ ವಯಸ್ಸಿನಲ್ಲಿ ಪ್ರಶಸ್ತಿ ಪಡೆದ ರಡ್ಯಾರ್ಡ್ ಕಿಪ್ಲಿಂಗ್ ಅತ್ಯಂತ ಕಿರಿಯ ಸಾಹಿತ್ಯ ನೊಬೆಲ್ ವಿಜೇತರಾದರೆ, 2007ರಲ್ಲಿ 87ನೇ ವಯಸ್ಸಿನಲ್ಲಿ ಪ್ರಶಸ್ತಿ ಪಡೆದ ಡೋರಿಸ್ ಲೆಸ್ಸಿಂಗ್ ಅತ್ಯಂತ ಹಿರಿಯ ವಯಸ್ಸಿನ ವಿಜೇತರಾಗಿದ್ದಾರೆ. ವಿಶ್ವಯುದ್ಧಗಳ ಕಾರಣದಿಂದ ಇತಿಹಾಸದಲ್ಲಿ ಒಟ್ಟು 7 ವರ್ಷಗಳ ಕಾಲ ಸಾಹಿತ್ಯ ನೊಬೆಲ್ ಪ್ರಶಸ್ತಿಯನ್ನು ನೀಡಿರಲಿಲ್ಲ.
ನಮ್ಮ ಸಮಗ್ರ ಸುದ್ದಿಗಳಿಗಾಗಿ ಕೆಳಗಿನ Social Media ಪುಟಗಳಿಗೆ Follow / Subscribe ಮಾಡಿ.
🟢 WhatsApp Group
Join WhatsApp Group
🔵 Facebook Page
Follow Facebook Page
⚫ Twitter / X
Follow on X (Twitter)
🟣 Threads
Follow on Threads
Follow on Instagram
🔵 Telegram
Join Telegram Channel
🟢 WhatsApp Channel
Follow WhatsApp Channel
📰 ಸಮಗ್ರ ಸುದ್ದಿ
ನಿಖರತೆಗೆ ಮತ್ತೊಂದು ಹೆಸರು
📢 ಸುದ್ದಿ • ಮಾಹಿತಿ • ಶಿಕ್ಷಣ • ಉದ್ಯೋಗ • ಕರ್ನಾಟಕ • ದೇಶ • ಜಗತ್ತು