ಇಂದಿನ ಪಂಚಾಂಗ: ಶಾಲಿವಾಹನ ಶಕೆ 1949ರ ಪರಾಭವ ನಾಮ ಸಂವತ್ಸರ, ದಕ್ಷಿಣಾಯನ, ಶರತ್ ಋತು, ಆಶ್ವಯುಜ ಮಾಸದ ಕೃಷ್ಣ ಪಕ್ಷದ ದ್ವಿತೀಯಾ ತಿಥಿ. ಇಂದಿನ ನಕ್ಷತ್ರ ರೋಹಿಣೀ, ಸೌರ ಮಾಸ ತುಲಾ, ವಾರ ಬುಧವಾರ. ಸೂರ್ಯೋದಯ: ಬೆಳಗ್ಗೆ 06:13, ಸೂರ್ಯಾಸ್ತ: ಸಂಜೆ 05:53. ರಾಹುಕಾಲ: ಮಧ್ಯಾಹ್ನ 12:03 ರಿಂದ 13:31 ರವರೆಗೆ. ಯಮಗಂಡ ಕಾಲ: ಬೆಳಗ್ಗೆ 07:41 ರಿಂದ 09:08. ಗುಳಿಕ ಕಾಲ: ಬೆಳಗ್ಗೆ 10:36 ರಿಂದ 12:03.
ಮೇಷ ರಾಶಿ: ಕಠಿಣ ಪರಿಶ್ರಮದಿಂದ ಗುರಿ ತಲುಪಲಿದ್ದೀರಿ. ದೂರದಲ್ಲಿರುವ ಮಕ್ಕಳ ನೆನಪು ಕಾಡಬಹುದು. ಅಡ್ಡದಾರಿಯಲ್ಲಿ ಹಣ ಸಂಪಾದಿಸುವ ಆಲೋಚನೆಗಳನ್ನು ಕೈಬಿಡಿ. ಉದ್ಯಮದಲ್ಲಿ ಸೂಕ್ತ ವ್ಯಕ್ತಿಗಳ ಸಹಾಯ ಪಡೆಯಿರಿ. ದಾಂಪತ್ಯದ ಹಳೆಯ ಭಿನ್ನಾಭಿಪ್ರಾಯಗಳು ಮರೆಯಾಗಿ ನೆಮ್ಮದಿ ನೆಲೆಸಲಿದೆ.
ವೃಷಭ ರಾಶಿ: ನಿಮ್ಮ ಮನದಾಸೆಗಳನ್ನು ವ್ಯಕ್ತಪಡಿಸಲು ಹಿಂಜರಿಯುವಿರಿ. ಪ್ರತಿಯೊಂದಕ್ಕೂ ವಿರೋಧ ವ್ಯಕ್ತಪಡಿಸುವುದು ಸರಿಯಲ್ಲ. ಕುಟುಂಬದಲ್ಲಿ ಅನಿರೀಕ್ಷಿತ ಬೆಳವಣಿಗೆಗಳು ನಡೆಯಬಹುದು. ಆರೋಗ್ಯದ ಬಗ್ಗೆ ಕಾಳಜಿ ವಹಿಸಿ. ಕೊಟ್ಟ ಹಣ ಮರಳಿ ಕೈಸೇರಲಿದೆ. ನಿಮ್ಮ ಗುಟ್ಟುಗಳನ್ನು ಗೌಪ್ಯವಾಗಿಟ್ಟುಕೊಳ್ಳುವುದು ಒಳಿತು.
ಮಿಥುನ ರಾಶಿ: ಜೀವನಸಂಗಾತಿಯೊಂದಿಗೆ ಸಂತೋಷದಿಂದ ಕಾಲ ಕಳೆಯುವಿರಿ ಹಾಗೂ ಹೊಸ ವಸ್ತುಗಳ ಖರೀದಿಗೆ ಒಲವು ತೋರುವಿರಿ. ಮಕ್ಕಳಾಗುವ ನಿರೀಕ್ಷೆ ಹೊಂದಿರುವವರಿಗೆ ಆಶಾಭಾವನೆ ಮೂಡಲಿದೆ. ಕೆಲಸದ ಒತ್ತಡ ಹೆಚ್ಚಿರಲಿದ್ದು, ವಾಹನ ಖರೀದಿಸುವ ಯೋಗವಿದೆ. ಆಪ್ತರಿಗೆ ಕೊಟ್ಟ ಮಾತನ್ನು ಉಳಿಸಿಕೊಳ್ಳಲು ಶ್ರಮಪಡಬೇಕಾಗುತ್ತದೆ.
ಕರ್ಕಾಟಕ ರಾಶಿ: ಆಧ್ಯಾತ್ಮಿಕ ಚಿಂತನೆಗಳಲ್ಲಿ ಆಸಕ್ತಿ ಹೆಚ್ಚಾಗಲಿದೆ. ತಪ್ಪು ಮಾಹಿತಿಯಿಂದಾಗಿ ತೆಗೆದುಕೊಂಡ ನಿರ್ಧಾರಗಳಿಗೆ ಪಶ್ಚಾತ್ತಾಪ ಪಡುವ ಸಾಧ್ಯತೆ ಇದೆ. ಗೌರವವಿಲ್ಲದ ಕಡೆ ಹೋಗುವುದನ್ನು ತಪ್ಪಿಸಿ. ನಿಮ್ಮ ಕಟುವಾದ ಮಾತುಗಳು ಮಕ್ಕಳಿಗೆ ಬೇಸರ ತರಿಸಬಹುದು, ಕೋಪ ನಿಯಂತ್ರಿಸಿಕೊಳ್ಳಿ.
ಸಿಂಹ ರಾಶಿ: ಆಪ್ತರೊಂದಿಗೆ ನಿಮ್ಮ ನೋವುಗಳನ್ನು ಹಂಚಿಕೊಳ್ಳುವ ಮೂಲಕ ಮನಸ್ಸಿಗೆ ಶಾಂತಿ ಕಂಡುಕೊಳ್ಳುವಿರಿ. ರಾಜಕೀಯ ಅಥವಾ ಸಾಮಾಜಿಕ ಒತ್ತಡಗಳು ಎದುರಾಗಲಿವೆ. ನಿಮ್ಮ ಮಾತುಗಳಿಗೆ ಎಲ್ಲರಿಗೂ ವಿವರಣೆ ನೀಡುವ ಅಗತ್ಯವಿಲ್ಲ. ಆಸ್ತಿ ರಕ್ಷಣೆಗೆ ಕಾನೂನು ಹೋರಾಟ ಅನಿವಾರ್ಯವಾಗಬಹುದು.
ಕನ್ಯಾ ರಾಶಿ: ದಿನದ ಆರಂಭದಲ್ಲಿ ಸ್ವಲ್ಪ ಆಲಸ್ಯ ಕಾಡಬಹುದು. ಇತರರ ಕೆಲಸಗಳಿಗಾಗಿ ನಿಮ್ಮ ಅಮೂಲ್ಯ ಸಮಯ ಮೀಸಲಿಡಬೇಕಾಗುತ್ತದೆ. ಮನೆಯ ಹಿರಿಯರಿಗೆ ಸೂಕ್ತ ಗೌರವ ನೀಡಿ. ಮನೆಯಲ್ಲಿನ ಸಣ್ಣಪುಟ್ಟ ಭಿನ್ನಾಭಿಪ್ರಾಯಗಳು ದೂರವಾಗಿ ಹೊಂದಾಣಿಕೆ ಮೂಡಲಿದೆ.
ತುಲಾ ರಾಶಿ: ತಂದೆಯಿಂದ ವಿಶೇಷ ಉಡುಗೊರೆ ಲಭ್ಯವಾಗಲಿದೆ. ವಾಹನ ಚಾಲನೆಯಲ್ಲಿ ಎಚ್ಚರವಿರಲಿ. ನಿಮ್ಮ ನಿರ್ಧಾರಗಳಿಗೆ ಕೆಲವರಿಂದ ವಿರೋಧ ವ್ಯಕ್ತವಾಗಬಹುದು. ಅನಗತ್ಯ ವಸ್ತುಗಳ ಖರೀದಿಯಿಂದ ಸಂಗಾತಿಯೊಂದಿಗೆ ಮನಸ್ತಾಪ ಉಂಟಾಗುವ ಸಾಧ್ಯತೆ ಇದೆ. ಭೂಮಿ ಖರೀದಿಸುವ ಮುನ್ನ ದಾಖಲೆಗಳನ್ನು ಸರಿಯಾಗಿ ಪರಿಶೀಲಿಸಿ.
ವೃಶ್ಚಿಕ ರಾಶಿ: ದಾಂಪತ್ಯದಲ್ಲಿನ ಬಿಕ್ಕಟ್ಟುಗಳನ್ನು ಪರಸ್ಪರ ಕುಳಿತು ಬಗೆಹರಿಸಿಕೊಳ್ಳುವುದು ಉತ್ತಮ. ಏಕಕಾಲದಲ್ಲಿ ಹಲವು ಜವಾಬ್ದಾರಿಗಳನ್ನು ನಿಭಾಯಿಸಲು ಕಷ್ಟವಾಗಬಹುದು. ಒಂಟಿತನ ಕಾಡಿದರೂ, ನಿಮ್ಮ ಮೇಲಿನ ನಂಬಿಕೆ ನಿಮ್ಮನ್ನು ಕಾಪಾಡಲಿದೆ. ದಿನಚರಿಯಲ್ಲಿ ಮಂದಗತಿ ಕಂಡುಬರಲಿದ್ದು, ಉತ್ಸಾಹದಿಂದ ಕೆಲಸ ಮಾಡಲು ಪ್ರಯತ್ನಿಸಿ.
ಧನು ರಾಶಿ: ಇಂದು ಪ್ರಮುಖ ಜವಾಬ್ದಾರಿಗಳನ್ನು ತೆಗೆದುಕೊಳ್ಳದಿರುವುದು ಒಳಿತು. ಪ್ರೇಮ ವಿಚಾರದಲ್ಲಿ ಸಣ್ಣಪುಟ್ಟ ಅಡೆತಡೆಗಳು ಎದುರಾಗಬಹುದು. ವ್ಯಾಪಾರ-ವ್ಯವಹಾರಗಳಲ್ಲಿ ಕೊಂಚ ಹಿನ್ನಡೆಯಾಗುವ ಸಾಧ್ಯತೆ ಇದೆ. ಪರಿಚಯವಿಲ್ಲದವರನ್ನು ಅತಿಯಾಗಿ ನಂಬದಿರಿ. ಆರ್ಥಿಕ ಪ್ರಗತಿಗಾಗಿ ಹೆಚ್ಚಿನ ಶ್ರಮ ಅಗತ್ಯ.
ಮಕರ ರಾಶಿ: ವಿವಾಹದ ಆಕಾಂಕ್ಷೆಗಳನ್ನು ಮನೆಯವರೊಂದಿಗೆ ಹಂಚಿಕೊಳ್ಳಲು ಇದು ಸೂಕ್ತ ಸಮಯ. ದಾಂಪತ್ಯದಲ್ಲಿ ಸಣ್ಣಮಟ್ಟದ ನೀರಸತೆ ಕಾಡಬಹುದು. ಹೊಸ ಉದ್ಯೋಗ ಸ್ಥಳವು ನಿಮ್ಮಲ್ಲಿ ಹೊಸ ಹುರುಪು ತರಲಿದೆ. ಪ್ರವಾಸದ ಯೋಜನೆಗಳನ್ನು ತಾತ್ಕಾಲಿಕವಾಗಿ ಮುಂದೂಡುವಿರಿ.
ಕುಂಭ ರಾಶಿ: ಕೌಟುಂಬಿಕ ವಾತಾವರಣವು ಆಹ್ಲಾದಕರವಾಗಿರುತ್ತದೆ. ಹೊಸ ಬಟ್ಟೆ ಅಥವಾ ಆಭರಣಗಳ ಖರೀದಿಗೆ ಮುಂದಾಗುವಿರಿ. ಮನಸ್ಸು ಚಂಚಲವಾಗಿರಲಿದ್ದು, ಇತರರ ಮೇಲೆ ನಿಮ್ಮ ಅಭಿಪ್ರಾಯಗಳನ್ನು ಹೇರಬೇಡಿ. ಸಿಹಿ ಸುದ್ದಿಯೊಂದು ನಿಮ್ಮ ಉತ್ಸಾಹ ಹೆಚ್ಚಿಸಲಿದೆ.
ಮೀನ ರಾಶಿ: ನಿಮ್ಮ ಕೆಲಸಗಳನ್ನು ಪೂರ್ಣಗೊಳಿಸಲು ಪರ್ಯಾಯ ಮಾರ್ಗಗಳನ್ನು ಕಂಡುಕೊಳ್ಳುವಿರಿ. ಸರ್ಕಾರಿ ಕೆಲಸಗಳು ಒತ್ತಡದ ನಡುವೆಯೂ ಪೂರ್ಣಗೊಳ್ಳಲಿವೆ. ಯಾರಿಗೂ ಸಾಲ ನೀಡುವುದು ಬೇಡ. ಮದುವೆ ಸಿದ್ಧತೆಗಳಲ್ಲಿ ತೊಡಗಿಕೊಳ್ಳುವಿರಿ. ಭಾವನಾತ್ಮಕ ನಿರ್ಧಾರಗಳಿಗಿಂತ ವಾಸ್ತವಕ್ಕೆ ಹೆಚ್ಚಿನ ಒತ್ತು ನೀಡಿ.
ನಮ್ಮ ಸಮಗ್ರ ಸುದ್ದಿಗಳಿಗಾಗಿ ಕೆಳಗಿನ Social Media ಪುಟಗಳಿಗೆ Follow / Subscribe ಮಾಡಿ.
🟢 WhatsApp Group
Join WhatsApp Group
🔵 Facebook Page
Follow Facebook Page
⚫ Twitter / X
Follow on X (Twitter)
🟣 Threads
Follow on Threads
Follow on Instagram
🔵 Telegram
Join Telegram Channel
🟢 WhatsApp Channel
Follow WhatsApp Channel
📰 ಸಮಗ್ರ ಸುದ್ದಿ
ನಿಖರತೆಗೆ ಮತ್ತೊಂದು ಹೆಸರು
📢 ಸುದ್ದಿ • ಮಾಹಿತಿ • ಶಿಕ್ಷಣ • ಉದ್ಯೋಗ • ಕರ್ನಾಟಕ • ದೇಶ • ಜಗತ್ತು