ಪಂಚಾಂಗ ವಿವರಗಳು
- ಶಕೆ & ಸಂವತ್ಸರ: ಶಾಲಿವಾಹನ ಶಕೆ 1949, ಪರಾಭವ ನಾಮ ಸಂವತ್ಸರ
- ಆಯನ & ಋತು: ಉತ್ತರಾಯಣ, ಗ್ರೀಷ್ಮ ಋತು
- ಮಾಸ, ಪಕ್ಷ & ತಿಥಿ: ಅಧಿಕ ಜ್ಯೇಷ್ಠ ಮಾಸ, ಕೃಷ್ಣ ಪಕ್ಷ, ಷಷ್ಠಿ ತಿಥಿ
- ವಾರ: ಶನಿವಾರ
- ನಕ್ಷತ್ರ: ಮಹಾನಕ್ಷತ್ರ – ರೋಹಿಣಿ | ನಿತ್ಯ ನಕ್ಷತ್ರ – ಧನಿಷ್ಠಾ
- ಯೋಗ & ಕರಣ: ಬ್ರಹ್ಮ ಯೋಗ, ವಣಿಜ ಕರಣ
- ಸೂರ್ಯೋದಯ & ಸೂರ್ಯಾಸ್ತ: ಬೆಳಿಗ್ಗೆ 05:56 ಕ್ಕೆ | ಸಂಜೆ 06:50 ಕ್ಕೆ
ಇಂದಿನ ಶುಭಾಶುಭ ಸಮಯಗಳು
- ರಾಹು ಕಾಲ: ಬೆಳಿಗ್ಗೆ 09:10 ರಿಂದ 10:46 ರವರೆಗೆ
- ಯಮಗಂಡ ಕಾಲ: ಮಧ್ಯಾಹ್ನ 13:59 ರಿಂದ 15:37 ರವರೆಗೆ
- ಗುಳಿಕ ಕಾಲ: ಬೆಳಿಗ್ಗೆ 06:56 ರಿಂದ 07:33 ರವರೆಗೆ
ದ್ವಾದಶ ರಾಶಿಗಳ ಇಂದಿನ ಫಲಾಫಲ
ಮೇಷ ರಾಶಿ ಕೌಟುಂಬಿಕ ಜವಾಬ್ದಾರಿಗಳು ಕೊಂಚ ಮಟ್ಟಿಗೆ ಮಾನಸಿಕ ಒತ್ತಡವನ್ನು ಹೆಚ್ಚಿಸಬಹುದು. ಪ್ರೀತಿಪಾತ್ರರೊಂದಿಗೆ ಮುಕ್ತವಾಗಿ ಮಾತನಾಡುವುದರಿಂದ ಸಂಬಂಧಗಳಲ್ಲಿನ ಗೊಂದಲ ಬಗೆಹರಿಯಲಿದೆ. ಆಧ್ಯಾತ್ಮಿಕ ಕಾರ್ಯಗಳಲ್ಲಿ ಆಸಕ್ತಿ ಹೆಚ್ಚಾಗಲಿದ್ದು, ಮನೆಗೆ ಬರುವ ಅತಿಥಿಗಳನ್ನು ಸತ್ಕರಿಸಿ. ನಿಮ್ಮ ನಿರ್ಧಾರಗಳೇ ಅಂತಿಮವಾಗಬೇಕು ಎಂಬ ಹಠ ಬೇಡ, ಇದು ನಿಮ್ಮ ಉತ್ಸಾಹವನ್ನು ತಗ್ಗಿಸಬಹುದು. ವಿಶೇಷ ಭೋಜನದ ಸಂದರ್ಭದಲ್ಲಿ ಆರೋಗ್ಯದ ಬಗ್ಗೆ ಎಚ್ಚರಿಕೆ ಇರಲಿ.
ವೃಷಭ ರಾಶಿ ಉದ್ಯೋಗ ಸ್ಥಳದಲ್ಲಿ ನಿಮ್ಮ ಕಾರ್ಯಕ್ಷಮತೆಗೆ ಮೇಲಧಿಕಾರಿಗಳಿಂದ ಮೆಚ್ಚುಗೆ ವ್ಯಕ್ತವಾಗಲಿದೆ. ಲಭ್ಯವಿರುವ ಹೊಸ ಅವಕಾಶಗಳನ್ನು ಸದುಪಯೋಗಪಡಿಸಿಕೊಳ್ಳಿ. ಕಾನೂನು ಪ್ರಕ್ರಿಯೆಗಳಲ್ಲಿ ಹಾಗೂ ಆಸ್ತಿ-ಭೂಮಿ ವ್ಯವಹಾರಗಳಲ್ಲಿ ಜಯ ನಿಮ್ಮದಾಗಲಿದೆ. ಆಪ್ತರೊಂದಿಗಿನ ಸಂಭಾಷಣೆ ನಿಮ್ಮ ಬಾಂಧವ್ಯವನ್ನು ಗಟ್ಟಿಗೊಳಿಸುತ್ತದೆ. ಏಕಾಂತ ಚಿಂತನೆಗೆ ಒತ್ತು ನೀಡಿ, ನಿಮ್ಮೊಳಗಿನ ಗೊಂದಲಗಳು ಶೀಘ್ರವೇ ನಿವಾರಣೆಯಾಗಲಿವೆ.
ಮಿಥುನ ರಾಶಿ ವಿದ್ಯಾರ್ಥಿಗಳು ಶೈಕ್ಷಣಿಕ ಗುರಿ ಸಾಧಿಸಲು ಹೆಚ್ಚಿನ ಶ್ರಮ ವಹಿಸಬೇಕಾಗುತ್ತದೆ. ಪ್ರೇಮ ವಿಚಾರದಲ್ಲಿ ಕೊಂಚ ಅಪನಂಬಿಕೆ ಮೂಡುವ ಸಾಧ್ಯತೆ ಇದೆ. ವೃತ್ತಿ ಕ್ಷೇತ್ರದಲ್ಲಿ ದಿಟ್ಟ ನಿರ್ಧಾರಗಳನ್ನು ಕೈಗೊಳ್ಳುವುದು ಒಳಿತು. ನಿಮ್ಮ ಆದರ್ಶ ಮತ್ತು ಧೈರ್ಯ ಇತರರಿಗೆ ಪ್ರೇರಣೆಯಾಗಲಿದೆ. ಉದ್ಯೋಗದ ಸಮಸ್ಯೆಗಳಿಗೆ ಇಂದು ಶಾಶ್ವತ ಪರಿಹಾರ ಸಿಗಲಿದ್ದು, ಸಕಾರಾತ್ಮಕ ಬೆಳವಣಿಗೆಗಳು ವೇಗ ಪಡೆಯಲಿವೆ.
ಕರ್ಕಾಟಕ ರಾಶಿ ಮಕ್ಕಳ ವಿಚಾರದಲ್ಲಿ ಕೊಂಚ ಮಾನಸಿಕ ಚಿಂತೆ ಕಾಡಬಹುದು. ಹಳೆಯ ಸಾಲ ಅಥವಾ ಬರಬೇಕಾದ ಹಣ ಮರಳಿ ಕೈಸೇರುವ ನಿರೀಕ್ಷೆ ಇದೆ. ಆರ್ಥಿಕ ಖರ್ಚು-ವೆಚ್ಚಗಳ ಬಗ್ಗೆ ಎಚ್ಚರವಿರಲಿ. ಗೊಂದಲಗಳನ್ನು ಬದಿಗೊತ್ತಿ, ಮಾನಸಿಕ ನೆಮ್ಮದಿಗಾಗಿ ಸಂಗೀತ ಅಥವಾ ಸಾಹಿತ್ಯದತ್ತ ಒಲವು ತೋರಿ. ವಿವಾಹ ಸಂಬಂಧಿ ಮಾತುಕತೆಗಳಿಗಾಗಿ ದೂರದ ಊರಿಗೆ ಪ್ರಯಾಣ ಬೆಳೆಸುವ ಸಾಧ್ಯತೆಗಳಿವೆ.
ಸಿಂಹ ರಾಶಿ ಸಣ್ಣಪುಟ್ಟ ವಿಚಾರಗಳಿಗೂ ಸಿಡುಕುವುದನ್ನು ನಿಯಂತ್ರಿಸಿಕೊಳ್ಳಿ. ಇತರರ ಸಮಸ್ಯೆಗಳಿಗೆ ನೀವು ಪರಿಹಾರ ಒದಗಿಸುವಿರಿ. ನಿಮ್ಮ ಕಠಿಣ ಪರಿಶ್ರಮಕ್ಕೆ ತಕ್ಕ ಮನ್ನಣೆ ದೊರೆಯಲಿದ್ದು, ಆತ್ಮಾವಲೋಕನಕ್ಕೆ ಇದು ಸಕಾಲ. ಹಳೆಯ ಮಿತ್ರರ ಭೇಟಿ ಅಥವಾ ಅವರಿಂದ ಸಹಾಯ ನಿರೀಕ್ಷಿಸಬಹುದು. ಅತಿಯಾದ ನಂಬಿಕೆಯಿಂದಾಗಿ ಬೆಲೆಬಾಳುವ ವಸ್ತುಗಳನ್ನು ಕಳೆದುಕೊಳ್ಳುವ ಅಪಾಯವಿರುವುದರಿಂದ ಎಚ್ಚರಿಕೆ ವಹಿಸಿ. ಯಾರೊಬ್ಬರ ಮುಖಸ್ತುತಿಗೆ ಮರುಳಾಗದಿರಿ.
ಕನ್ಯಾ ರಾಶಿ ನಿಮ್ಮ ಸಾಮರ್ಥ್ಯವನ್ನು ನೀವೇ ಕಡೆಗಣಿಸದಿರಿ. ಪ್ರಭಾವಿ ವ್ಯಕ್ತಿಗಳೊಂದಿಗೆ ವೈಮನಸ್ಸು ಉಂಟಾಗುವ ಸಾಧ್ಯತೆ ಇದ್ದು, ಮಾನಸಿಕವಾಗಿ ದೃಢವಾಗಿರಿ. ಸ್ನೇಹಿತರ ಸಲಹೆಗಳು ನಿಮಗೆ ಹೊಸ ದಾರಿ ತೋರಲಿವೆ. ನಿಮ್ಮ ಆಂತರಿಕ ಶಕ್ತಿಯನ್ನು ನಂಬಿ ದಿಟ್ಟ ಹೆಜ್ಜೆ ಇಡಿ. ವ್ಯಾಪಾರ-ವ್ಯವಹಾರದಲ್ಲಿ ಲಾಭದ ಸೂಚನೆಗಳಿದ್ದು, ಆದಾಯದ ಮೂಲಗಳು ಸ್ಥಿರವಾಗಲಿವೆ. ಪ್ರೀತಿಯ ಸಂಬಂಧದಲ್ಲಿ ನಂಬಿಕೆ ಮುಖ್ಯ.
ತುಲಾ ರಾಶಿ ಮಾನಸಿಕ ಒತ್ತಡವಿದ್ದಾಗ ಕೊಂಚ ಕಾಲ ವಿಶ್ರಾಂತಿ ಪಡೆಯಿರಿ. ಇದರಿಂದ ನಕಾರಾತ್ಮಕ ಚಿಂತನೆಗಳು ದೂರವಾಗಿ, ಮನಸ್ಸಿನ ಶಕ್ತಿ ಹೆಚ್ಚುತ್ತದೆ. ನಿಮ್ಮ ಮಾರ್ಗದರ್ಶನವನ್ನು ಹಲವರು ಮೆಚ್ಚಲಿದ್ದಾರೆ. ಕುಟುಂಬದ ಸಂಪೂರ್ಣ ಬೆಂಬಲದಿಂದ ಕಾರ್ಯಸಾಧನೆ ಸುಲಭವಾಗಲಿದೆ. ಬಂಡವಾಳ ಹೂಡಿಕೆ ವಿಚಾರದಲ್ಲಿ ಎಚ್ಚರಿಕೆ ಅಗತ್ಯ. ಕೆಲವು ಆಪ್ತರ ಭೇಟಿ ನಿಮ್ಮ ಮನಸ್ಸಿಗೆ ಮುದ ನೀಡಲಿದೆ.
ವೃಶ್ಚಿಕ ರಾಶಿ ದೂರದ ಪ್ರಯಾಣಗಳು ಆರಂಭದಲ್ಲಿ ಸುಖಕರವೆನಿಸಿದರೂ, ನಂತರ ಆಯಾಸ ತರಿಸಬಹುದು. ಇತರರನ್ನು ಟೀಕಿಸಲು ಹೋಗಿ ತೊಂದರೆಗೆ ಸಿಲುಕದಿರಿ. ಪ್ರೀತಿಯಿಂದ ಮಾಡುವ ಕೆಲಸಗಳು ಖಂಡಿತಾ ಯಶಸ್ಸು ತರುತ್ತವೆ. ನಿನ್ನೆ ಅಪೂರ್ಣಗೊಂಡ ಅಥವಾ ವಿಫಲವಾದ ಕಾರ್ಯಗಳನ್ನು ಇಂದು ಪೂರ್ಣಗೊಳಿಸುವಿರಿ. ಯಾರ ಮೇಲೂ ಅತಿಯಾಗಿ ಅವಲಂಬಿತರಾಗದಿರುವುದು ಒಳಿತು. ವಾದ-ವಿವಾದಗಳಿಂದ ಸಮಯ ವ್ಯರ್ಥವಾಗಬಹುದು.
ಧನು ರಾಶಿ ದಿನಚರಿಯಲ್ಲಿನ ಬದಲಾವಣೆಗಳು ಆರೋಗ್ಯದ ಮೇಲೆ ಪ್ರಭಾವ ಬೀರಬಹುದು. ನಿಜವಾದ ಸ್ನೇಹಿತರು ನಿಮ್ಮ ಬೆಂಬಲಕ್ಕೆ ನಿಲ್ಲಲಿದ್ದಾರೆ. ಕೌಟುಂಬಿಕ ವಿಚಾರಗಳಲ್ಲಿ ಎಚ್ಚರಿಕೆಯ ಹೆಜ್ಜೆ ಇಡಿ. ನಿಮ್ಮ ಪ್ರತಿಭೆ ಪ್ರದರ್ಶಿಸಲು ಉತ್ತಮ ಅವಕಾಶ ಒದಗಿಬರಲಿದ್ದು, ಸಂಗಾತಿಯ ಸಾಂತ್ವನದ ಮಾತುಗಳು ಸಂಬಂಧವನ್ನು ಬಲಪಡಿಸಲಿವೆ. ದೂರ ಪ್ರಯಾಣವನ್ನು ಹೆಚ್ಚು ಇಷ್ಟಪಡುವಿರಿ ಹಾಗೂ ಸ್ಪರ್ಧಾತ್ಮಕ ಮನೋಭಾವ ನಿಮ್ಮಲ್ಲಿರಲಿದೆ.
ಮಕರ ರಾಶಿ ನಿಮ್ಮನ್ನು ಗಮನಿಸುವವರು ಅನೇಕರಿರುತ್ತಾರೆ, ಹಾಗಾಗಿ ಟೀಕೆಗಳಿಗೆ ಕಿವಿಗೊಡದೆ ಸನ್ಮಾರ್ಗದಲ್ಲಿ ಮುನ್ನಡೆಯಿರಿ. ಮೌನವಾಗಿ ಹಾಗೂ ಬುದ್ಧಿವಂತಿಕೆಯಿಂದ ನಿಮ್ಮ ಕೆಲಸಗಳನ್ನು ಸಾಧಿಸಿಕೊಳ್ಳುವಿರಿ. ಪಾಲುದಾರಿಕೆ ವ್ಯವಹಾರಗಳಲ್ಲಿ ಸಣ್ಣ ವಿಚಾರಗಳನ್ನೂ ಗಂಭೀರವಾಗಿ ಪರಿಗಣಿಸಿ. ಕೆಲಸದ ಸ್ಥಳದಲ್ಲಿ ಸಹೋದ್ಯೋಗಿಗಳ ಕಿರಿಕಿರಿಯಿಂದಾಗಿ ಉದ್ಯೋಗ ಬದಲಾಯಿಸುವ ಆಲೋಚನೆ ನಿಮ್ಮಲ್ಲಿ ಮೂಡಬಹುದು.
ಕುಂಭ ರಾಶಿ ಬಹುಕಾಲದ ನಂತರ ಕೌಟುಂಬಿಕ ಸದಸ್ಯರನ್ನು ಭೇಟಿಯಾಗುವ ಯೋಗವಿದೆ. ಮನೆಯ ಸಮಸ್ಯೆಗಳನ್ನು ಧೈರ್ಯದಿಂದ ಎದುರಿಸಬೇಕಾಗುತ್ತದೆ. ವೃತ್ತಿ ಕ್ಷೇತ್ರದಲ್ಲಿ ಜವಾಬ್ದಾರಿಗಳು ಬದಲಾಗಬಹುದು. ಸ್ನೇಹಿತರ ಮಾತುಗಳ ಹಿಂದಿನ ಅರ್ಥವನ್ನು ಗ್ರಹಿಸಲು ಪ್ರಯತ್ನಿಸಿ. ಆತ್ಮೀಯ ಸ್ನೇಹಿತರ ಒಡನಾಟವು ಸಂತಸ ತರಲಿದೆ. ವ್ಯಾಪಾರಸ್ಥರೊಂದಿಗೆ ಸೇರಿ ಹೊಸ ಯೋಜನೆಗಳನ್ನು ರೂಪಿಸಲು ಉತ್ತಮ ಅವಕಾಶಗಳಿವೆ.
ಮೀನ ರಾಶಿ ಪಾಲುದಾರಿಕೆ ವ್ಯವಹಾರದಲ್ಲಿ ಹೂಡಿಕೆ ಮಾಡಿದ್ದ ಹಣ ಮರಳಿ ಪಡೆಯುವಿರಿ. ಸದ್ಯಕ್ಕೆ ಹೊಸ ಪ್ರಸ್ತಾಪಗಳನ್ನು ಪಾಲುದಾರರ ಮುಂದಿಡುವುದು ಬೇಡ. ನಿಮ್ಮೊಳಗಿನ ಶಾಂತಿಯೇ ನಿಮಗೆ ಶ್ರೀರಕ್ಷೆ ಹಾಗೂ ತಾತ್ವಿಕ ಚಿಂತನೆಗಳು ದಾರಿದೀಪವಾಗಲಿವೆ. ಉನ್ನತ ವ್ಯಾಸಂಗಕ್ಕಾಗಿ ಬೇರೆಡೆಗೆ ಸ್ಥಳಾಂತರಗೊಳ್ಳುವ ಯೋಗವಿದೆ. ಅನಗತ್ಯ ಸುತ್ತಾಟದಿಂದಾಗಿ ಅಸಮಾಧಾನ ಅಥವಾ ಸಿಟ್ಟು ಬರುವ ಸಾಧ್ಯತೆ ಇದೆ.