ಇಂದಿನ ದಿನವು ಹಿರಿಯರಿಗೆ ಉಡುಗೊರೆ ನೀಡುವ, ವೈಯಕ್ತಿಕ ಲಾಭ ಹಾಗೂ ವಿದೇಶಿ ಮಾರುಕಟ್ಟೆ ವ್ಯವಹಾರಗಳಿಗೆ ವಿಶೇಷವಾಗಿದೆ. ಸಿಟ್ಟಿನಿಂದಾಗುವ ಅವಘಡಗಳ ಬಗ್ಗೆ ಎಚ್ಚರವಿರಲಿ. ರಾಜಕೀಯ ಅಸ್ಥಿರತೆ ಮತ್ತು ಗೊಂದಲಗಳಿಗೆ ಇಂದು ಉತ್ತರ ಸಿಗಲಿದೆ. 12 ರಾಶಿಗಳ ಇಂದಿನ ಭವಿಷ್ಯ ಇಲ್ಲಿದೆ.
ಇಂದಿನ ಪಂಚಾಂಗ:
- ಸಂವತ್ಸರ: ಪರಾಭವ ನಾಮ ಸಂವತ್ಸರ, ಶಾಲಿವಾಹನ ಶಕೆ ೧೯೪೯
- ಆಯನ / ಋತು: ದಕ್ಷಿಣಾಯನ / ವರ್ಷ ಋತು
- ಮಾಸ: ಚಾಂದ್ರಮಾನ – ಭಾದ್ರಪದ, ಸೌರಮಾನ – ಕನ್ಯಾ
- ಮಹಾನಕ್ಷತ್ರ: ಉತ್ತರಾಫಲ್ಗುಣೀ
- ವಾರ / ಪಕ್ಷ: ಶುಕ್ರವಾರ / ಶುಕ್ಲ ಪಕ್ಷ
- ತಿಥಿ / ನಕ್ಷತ್ರ: ಚತುರ್ದಶೀ / ಪೂರ್ವಾಭಾದ್ರ
- ಯೋಗ / ಕರಣ: ಶೂಲಿ / ವಣಿಜ
- ಸೂರ್ಯೋದಯ & ಸೂರ್ಯಾಸ್ತ: ಬೆಳಿಗ್ಗೆ 06:09 / ಸಂಜೆ 06:12
- ರಾಹು ಕಾಲ: 10:41 AM ರಿಂದ 12:11 PM
- ಯಮಗಂಡ ಕಾಲ: 03:12 PM ರಿಂದ 04:42 PM
- ಗುಳಿಕ ಕಾಲ: 07:40 AM ರಿಂದ 09:11 AM
ಮೇಷ ರಾಶಿ: ನಿಮ್ಮ ಬಹುದಿನಗಳ ಕನಸುಗಳು ಇಂದು ನನಸಾಗಲಿವೆ. ಪ್ರಸ್ತುತ ಸ್ಥಳವನ್ನು ಬದಲಾಯಿಸುವ ಆಲೋಚನೆ ಬರಬಹುದು. ಆರ್ಥಿಕ ಅಡಚಣೆಗಳಿಂದಾಗಿ ಕೆಲವು ಪ್ರಮುಖ ಕೆಲಸಗಳು ಅರ್ಧಕ್ಕೆ ನಿಲ್ಲುವ ಸಾಧ್ಯತೆ ಇದೆ. ಆಪ್ತರ ನೆರವು ಲಭ್ಯವಾಗಲಿದೆ. ವಿವಾಹದ ಅಡೆತಡೆಗಳಿಗೆ ಸೂಕ್ತ ಪರಿಹಾರ ಕಂಡುಕೊಳ್ಳುವುದು ಒಳಿತು. ಕೊಟ್ಟ ಮಾತಿಗೆ ತಪ್ಪದಿರಿ. ಅಪರಿಚಿತ ವ್ಯಕ್ತಿಗಳ ಭೇಟಿಯಿಂದ ಮನಸ್ಸಿಗೆ ಮುದ ಸಿಗಲಿದೆ. ನಿಮ್ಮ ವಸ್ತುಗಳನ್ನು ಜತನದಿಂದ ಕಾಪಾಡಿಕೊಳ್ಳಿ.
ವೃಷಭ ರಾಶಿ: ವೃತ್ತಿಜೀವನದಲ್ಲಿ ಇತರರ ಮಾತು ಕೇಳಿ ತೊಂದರೆಗೆ ಸಿಲುಕದಿರಿ. ಸ್ನೇಹಿತರೊಡನೆ ಪ್ರವಾಸದ ಯೋಜನೆಗಳನ್ನು ರೂಪಿಸುವಿರಿ. ಮಹಿಳೆಯರ ಸಹಕಾರ ಸುಲಭವಾಗಿ ದೊರೆಯಲಿದೆ. ವೈಯಕ್ತಿಕ ಕೆಲಸಗಳಿಗೆ ಸಮಯ ಹೊಂದಿಸುವುದು ಕಷ್ಟವಾಗಬಹುದು. ಮಾನಸಿಕ ಒತ್ತಡ ನಿವಾರಣೆಗೆ ಹೊರಗಡೆ ಸುತ್ತಾಡಿ ಬರುವ ಆಲೋಚನೆ ಮಾಡಲಿದ್ದೀರಿ. ಬಾಕಿ ಉಳಿದಿರುವ ಕೆಲಸಗಳನ್ನು ಬುದ್ಧಿವಂತಿಕೆಯಿಂದ ಪೂರ್ಣಗೊಳಿಸಿ.
ಮಿಥುನ ರಾಶಿ: ಸ್ವಂತ ಕೆಲಸಗಳಿಗೆ ಸಮಯ ಸಿಗುವುದು ದುರ್ಲಭ. ಬೇರೆಯವರ ಒತ್ತಾಯಕ್ಕೆ ಮಣಿದು ಅಮೂಲ್ಯ ಸಮಯವನ್ನು ವ್ಯರ್ಥ ಮಾಡಿಕೊಳ್ಳುವಿರಿ. ಹಣಕಾಸು ಮತ್ತು ಸಮಯದ ನಷ್ಟದಿಂದಾಗಿ ಬೇಸರ ಕಾಡಬಹುದು. ನಿಮ್ಮ ಆಲೋಚನೆಗಳು ಸಕಾರಾತ್ಮಕವಾಗಿರಲಿ. ಮಕ್ಕಳ ಭವಿಷ್ಯದ ದೃಷ್ಟಿಯಿಂದ ವಿದೇಶ ಪ್ರಯಾಣ ಅನಿವಾರ್ಯವಾಗಬಹುದು. ಸಮಾಜದಲ್ಲಿ ನಿಮ್ಮ ಗೌರವ ಹೆಚ್ಚಲಿದ್ದು, ಉದ್ಯೋಗಿಗಳಿಗೆ ನೂತನ ಅವಕಾಶಗಳು ಒಲಿದು ಬರಲಿವೆ.
ಕರ್ಕಾಟಕ ರಾಶಿ: ಮಕ್ಕಳಿಂದ ಶುಭ ಸುದ್ದಿ ಕೇಳುವಿರಿ. ಆರಂಭಿಸಿದ ಕೆಲಸವನ್ನು ಪೂರ್ಣಗೊಳಿಸದೇ ಬಿಡುವವರಲ್ಲ. ಸಂಗಾತಿಯೊಂದಿಗೆ ಗುಣಮಟ್ಟದ ಸಮಯ ಕಳೆಯುವ ಮನಸ್ಸಾಗುವುದು. ಗೃಹೋಪಯೋಗಿ ವಸ್ತುಗಳನ್ನು ರಿಯಾಯಿತಿ ದರದಲ್ಲಿ ಖರೀದಿಸುವಿರಿ. ರಾತ್ರಿ ವೇಳೆ ಪ್ರಯಾಣ ಮಾಡಲು ಮನೆಯವರ ವಿರೋಧ ವ್ಯಕ್ತವಾಗಬಹುದು. ವಿದೇಶಿ ಮಿತ್ರರ ಪರಿಚಯವಾಗಲಿದೆ. ರಾಜಕೀಯ ಕ್ಷೇತ್ರದಲ್ಲಿ ಕೆಲವು ಬದಲಾವಣೆಗಳು ಕಂಡುಬರಲಿವೆ. ಅಸಾಧ್ಯವಾದ ಕಾರ್ಯಗಳಿಗೆ ಕೈಹಾಕದಿರುವುದು ಕ್ಷೇಮ.
ಸಿಂಹ ರಾಶಿ: ಇದು ನಿಮಗೆ ಪರೀಕ್ಷೆಯ ದಿನವಾಗಬಹುದು. ಹೊಸ ವಸ್ತುಗಳ ಖರೀದಿಯಲ್ಲಿ ವಂಚನೆಗೊಳಗಾಗುವ ಸಾಧ್ಯತೆ ಇದೆ. ಬೇಡದ ವಸ್ತುಗಳಿಗೆ ಹಣ ಸುರಿದು ನಷ್ಟ ಅನುಭವಿಸುವಿರಿ. ಜಮೀನು ವಿವಾದಗಳನ್ನು ಮಾತುಕತೆ ಮೂಲಕ ಬಗೆಹರಿಸಿಕೊಳ್ಳಿ. ಮಕ್ಕಳ ಇಷ್ಟಾರ್ಥಗಳನ್ನು ಪೂರೈಸುವಿರಿ. ಸ್ನೇಹಿತರೊಂದಿಗೆ ಪ್ರವಾಸದ ಪ್ಲಾನ್ ಮಾಡುವಿರಿ. ಮದುವೆ ವಿಚಾರದಲ್ಲಿ ಹೆಚ್ಚಿನ ಆಸಕ್ತಿ ತೋರಲಾರಿರಿ ಮತ್ತು ಒಂಟಿಯಾಗಿರಲು ಬಯಸುವಿರಿ. ನಿಮ್ಮ ಬಹುತೇಕ ಸಮಸ್ಯೆಗಳು ಶೀಘ್ರವೇ ಪರಿಹಾರವಾಗಲಿವೆ.
ಕನ್ಯಾ ರಾಶಿ: ನಿಮ್ಮ ಕೆಲಸದ ಶೈಲಿಯಲ್ಲಿ ಅಗತ್ಯ ಮಾರ್ಪಾಡುಗಳನ್ನು ಮಾಡಿಕೊಳ್ಳುವಿರಿ. ಸಕಾಲಕ್ಕೆ ಹಣ ಕೈಸೇರದೆ ವ್ಯವಹಾರದಲ್ಲಿ ಕೊಂಚ ಗೊಂದಲ ಉಂಟಾಗಬಹುದು. ಜೀವನದ ಗುರಿಯತ್ತ ಸರಿಯಾಗಿ ಸಾಗುತ್ತಿದ್ದೀರಾ ಎಂದು ಆತ್ಮಾವಲೋಕನ ಮಾಡಿಕೊಳ್ಳುವುದು ಒಳಿತು. ವೃತ್ತಿ ವಿಚಾರದಲ್ಲಿ ಹಿರಿಯರಿಂದ ಟೀಕೆಗಳು ವ್ಯಕ್ತವಾಗಬಹುದು. ದಿನನಿತ್ಯದ ಕೆಲಸಗಳನ್ನೇ ವಿಭಿನ್ನವಾಗಿ ಮಾಡಲು ಪ್ರಯತ್ನಿಸುವಿರಿ. ಆಲಸ್ಯದಿಂದ ಕೆಲಸದ ಹೊರೆ ಹೆಚ್ಚಾಗಲಿದೆ. ವ್ಯಾಪಾರದಲ್ಲಿ ಹೊಸ ಅಧ್ಯಾಯ ಆರಂಭವಾಗಬಹುದು.
ತುಲಾ ರಾಶಿ: ಬೇರೆಯವರ ಅಭಿಪ್ರಾಯಗಳನ್ನು ಗೌರವಿಸುವ ಮೂಲಕ ಅವರ ಮೆಚ್ಚುಗೆಗೆ ಪಾತ್ರರಾಗುವಿರಿ. ನಿಮ್ಮ ಪ್ರತಿಭೆಯನ್ನು ಮರೆಮಾಚುವ ಪ್ರಯತ್ನಗಳು ನಡೆಯಬಹುದು. ಇತರರಿಗೆ ನೋವುಂಟು ಮಾಡಿ ಆನಂತರ ಪಶ್ಚಾತ್ತಾಪ ಪಡುವಿರಿ. ಸ್ವಚ್ಛತೆಯ ಬಗ್ಗೆ ನಿರ್ಲಕ್ಷ್ಯ ಮೂಡಬಹುದು. ಹೆಚ್ಚಿನ ಆದಾಯ ತರುವ ಉದ್ಯೋಗದ ಹುಡುಕಾಟದಲ್ಲಿರುವಿರಿ. ಬಯಸಿದ್ದು ಸಿಗಲಿಲ್ಲ ಎಂಬ ಕೊರಗು ಕಾಡಲಿದೆ. ಆದರೂ, ನಿಮ್ಮ ಸರಳ ವ್ಯಕ್ತಿತ್ವ ಇತರರಿಗೆ ಮಾದರಿಯಾಗಲಿದೆ.
ವೃಶ್ಚಿಕ ರಾಶಿ: ಇತರರ ನಂಬಿಕೆ ಗಳಿಸಲು ಮಾಡುವ ನಿಮ್ಮ ಪ್ರಯತ್ನ ಕೊಂಚಮಟ್ಟಿಗೆ ಯಶಸ್ವಿಯಾಗಲಿದೆ. ಕೆಲವು ವಿಚಾರಗಳು ನಿಮ್ಮ ನೆಮ್ಮದಿಯನ್ನು ಕೆಡಿಸಬಹುದು. ಮಕ್ಕಳಿಂದ ಕೀರ್ತಿ ಲಭಿಸಲಿದೆ. ನಿಮ್ಮ ಅಸಾಮಾನ್ಯ ನಡವಳಿಕೆಯಿಂದ ಆಪ್ತರಿಗೆ ಕೋಪ ಬರಬಹುದು. ಕಟ್ಟುನಿಟ್ಟಿನ ಕ್ರಮಗಳಿಂದ ಅಂದುಕೊಂಡ ಕೆಲಸ ಸಾಧಿಸುವಿರಿ. ಕಚೇರಿಯಲ್ಲಿ ಮೇಲಧಿಕಾರಿಗಳ ಒತ್ತಡ ಹೆಚ್ಚಾಗಲಿದೆ. ನಿರ್ಲಕ್ಷ್ಯದಿಂದಾಗಿ ಉತ್ತಮ ಅವಕಾಶಗಳನ್ನು ಕಳೆದುಕೊಳ್ಳುವಿರಿ.
ಧನು ರಾಶಿ: ದಾನ ಧರ್ಮದ ವಿಚಾರದಲ್ಲಿ ಹಿಂದೆ ಸರಿಯುವಿರಿ. ಕೇವಲ ನಿಮ್ಮ ಪರವಾಗಿ ಮಾತನಾಡುವವರನ್ನು ಮಾತ್ರ ನೀವು ಇಷ್ಟಪಡುವಿರಿ. ಕಚೇರಿಯಲ್ಲಿ ನಿಮ್ಮ ವಿರುದ್ಧ ಅಪಸ್ವರಗಳು ಕೇಳಿಬಂದರೂ ಮೌನವಾಗಿರುವುದು ಒಳಿತು. ಸಂಗಾತಿಯ ಒಲುಮೆ ಗಳಿಸಲು ಹರಸಾಹಸ ಪಡಬೇಕಾಗುತ್ತದೆ. ರೈತರು ಕೃಷಿ ಚಟುವಟಿಕೆಗಳಲ್ಲಿ ಮಗ್ನರಾಗಲಿದ್ದಾರೆ. ಮಕ್ಕಳಿಗೆ ಸಮಯ ಮೀಸಲಿಡಲು ಕಷ್ಟವಾಗಬಹುದು. ಕೃಷಿ ಕ್ಷೇತ್ರದಲ್ಲಿ ಸಾಧನೆ ಮಾಡುವ ಛಲ ಮೂಡಲಿದೆ.
ಮಕರ ರಾಶಿ: ನಿಮ್ಮ ಆಪ್ತರ ಮೇಲೆಯೇ ನಂಬಿಕೆ ಕಳೆದುಕೊಳ್ಳುವ ಸಂದರ್ಭ ಎದುರಾಗಬಹುದು. ಹೊಸ ವಿಷಯಗಳನ್ನು ಕಲಿಯುವ ಆಸಕ್ತಿ ಕುಗ್ಗಬಹುದು. ನಿಗದಿತ ಸಮಯಕ್ಕಿಂತ ಹೆಚ್ಚು ಹೊತ್ತು ಕೆಲಸ ಮಾಡಬೇಕಾಗಿ ಬರಬಹುದು. ಇತರರ ಮಾತಿಗೆ ಕಿವಿಗೊಡದೆ ನಿಮ್ಮದೇ ಆದ ದಾರಿಯಲ್ಲಿ ಸಾಗುವಿರಿ. ಮನಸ್ಸಿನ ಚಂಚಲತೆ ಕಾಡಲಿದೆ. ಇತರರನ್ನು ದೂಷಿಸುವ ಅಭ್ಯಾಸ ಕೈಬಿಡುವುದು ಒಳ್ಳೆಯದು. ಎದುರಾಳಿಗಳನ್ನು ದಿಟ್ಟವಾಗಿ ಎದುರಿಸುವ ಧೈರ್ಯ ತೋರುವಿರಿ.
ಕುಂಭ ರಾಶಿ: ನಿಮ್ಮ ಬೆಳವಣಿಗೆಯನ್ನು ಕಂಡು ಇತರರಿಗೆ ಅಸೂಯೆ ಉಂಟಾಗಬಹುದು. ನ್ಯಾಯಾಲಯದ ಪ್ರಕರಣಗಳಲ್ಲಿ ನಿಮ್ಮ ಪರವಾಗಿ ತೀರ್ಪು ಬರಲಿದೆ. ಕದ್ದುಮುಚ್ಚಿ ಯಾವುದೇ ಕೆಲಸವನ್ನೂ ಮಾಡಲು ಸಾಧ್ಯವಿಲ್ಲ ಎಂಬುದನ್ನು ಅರಿತುಕೊಳ್ಳಿ. ಸ್ನೇಹಿತರ ಒಡನಾಟ ಕಡಿಮೆಯಾಗುವ ಸಂಭವವಿದೆ. ನಾಯಕರಾಗಿ ತಾರತಮ್ಯ ಮಾಡುವುದು ಶೋಭೆ ತರುವುದಿಲ್ಲ. ಖರ್ಚುಗಳಿಗಾಗಿ ತಂದೆಯ ನೆರವು ಪಡೆಯುವಿರಿ. ಅಲಂಕಾರಕ್ಕಾಗಿ ಹೆಚ್ಚು ಸಮಯ ಮೀಸಲಿಡುವಿರಿ.
ಮೀನ ರಾಶಿ: ನಿಮ್ಮನ್ನು ಭೇಟಿಯಾಗಲು ಬಂದವರನ್ನು ನಿರ್ಲಕ್ಷ್ಯದಿಂದ ಕಾಣುವಿರಿ. ಅನಿವಾರ್ಯ ಕಾರಣಗಳಿಂದಾಗಿ ಇಂದಿನ ಯೋಜನೆಗಳಲ್ಲಿ ದಿಢೀರ್ ಬದಲಾವಣೆ ಮಾಡಿಕೊಳ್ಳಬೇಕಾಗುತ್ತದೆ. ಮುಂಜಾನೆಯಿಂದಲೇ ಮಾನಸಿಕ ಕಿರಿಕಿರಿ ಇರಲಿದೆ. ಕೋಪದ ಭರದಲ್ಲಿ ತಾಳ್ಮೆ ಕಳೆದುಕೊಳ್ಳದಿರಿ. ಕೈಕೆಳಗಿನ ನೌಕರರ ಸಹಾಯದಿಂದ ಕೆಲಸಗಳು ಸುಗಮವಾಗಲಿವೆ. ಮನೆಯಲ್ಲಿನ ನೆಮ್ಮದಿ ಕೊರತೆಯಿಂದಾಗಿ ಸ್ನೇಹಿತರೊಡನೆ ವಿಹಾರಕ್ಕೆ ತೆರಳುವಿರಿ.
ನಮ್ಮ ಸಮಗ್ರ ಸುದ್ದಿಗಳಿಗಾಗಿ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು WhatsApp Group:https://chat.whatsapp.com/KnDIfiBURQ9G5sLEJLqshk
Facebook page: https://www.facebook.com/samagrasudii
Sharechat: https://sharehat.com/profile/edu514826335?d=n
Twitter: https://twitter.com/SuddiSamagra
Threads: https://www.threads.net/@samagrasuddi.co.in
Instagram: https://www.instagram.com/samagrasuddi.co.in/
Telegram: https://t.me/+E1ubNzdguQ5jN2Y1
Whats App Channel: https://whatsapp.com/channel/0029VbDbOsBD8SE2H0L3d40j