ಇಂದಿನ ಡಿಜಿಟಲ್ ಯುಗದಲ್ಲಿ ಯುಪಿಐ (UPI) ಮತ್ತು ಆನ್ಲೈನ್ ಪಾವತಿಗಳು ನಮ್ಮ ದೈನಂದಿನ ಜೀವನದ ಅವಿಭಾಜ್ಯ ಅಂಗವಾಗಿವೆ. ದಿನಸಿ ಖರೀದಿಯಿಂದ ಹಿಡಿದು ಮೊಬೈಲ್ ರೀಚಾರ್ಜ್, ಬಸ್ ಟಿಕೆಟ್ ಬುಕಿಂಗ್ವರೆಗೆ ಎಲ್ಲದಕ್ಕೂ ನಾವು ಸ್ಮಾರ್ಟ್ಫೋನ್ಗಳನ್ನೇ ಅವಲಂಬಿಸಿದ್ದೇವೆ. ಆದರೆ, ಈ ವೇಗದ ಯುಗದಲ್ಲಿ ಆನ್ಲೈನ್ನಲ್ಲಿ ರೀಚಾರ್ಜ್ ಮಾಡುವಾಗ ಒಂದು ಸಣ್ಣ ತಪ್ಪು, ಅಂದರೆ ಒಂದು ಅಂಕಿ ಬದಲಾದರೂ ಬೇರೆಯವರ ನಂಬರ್ ಗೆ ರೀಚಾರ್ಜ್ ಆಗಿ ಹಣ ನಷ್ಟವಾಗಬಹುದು.
ಹೀಗೆ ಅಪ್ಪಿತಪ್ಪಿ ಬೇರೆ ನಂಬರ್ಗೆ ರೀಚಾರ್ಜ್ ಆದಾಗ ‘ಹಣ ಹೋಯ್ತು’ ಎಂದು ಗಾಬರಿಯಾಗುವ ಅಗತ್ಯವಿಲ್ಲ. ನೀವು ಆ ಹಣವನ್ನು ಮರಳಿ ಪಡೆಯುವ ಅವಕಾಶವಿದೆ. ಜಿಯೋ, ಏರ್ಟೆಲ್ ಮತ್ತು ವಿಐ (Vi) ಗ್ರಾಹಕರು ಈ ಕೆಳಗಿನ ವಿಧಾನಗಳ ಮೂಲಕ ತಮ್ಮ ಹಣವನ್ನು ರಿಫಂಡ್ ಪಡೆಯಬಹುದು.
ಪ್ರಮುಖ ಟೆಲಿಕಾಂ ಕಂಪನಿಗಳಲ್ಲಿ ಹಣ ವಾಪಸ್ ಪಡೆಯುವ ವಿಧಾನ
ಜಿಯೋ (Jio) ಗ್ರಾಹಕರಿಗೆ: ನೀವು MyJio ಆ್ಯಪ್ ಬಳಸಿ ರೀಚಾರ್ಜ್ ಮಾಡಿದ್ದರೆ, ತಪ್ಪಾದ ರೀಚಾರ್ಜ್ ಅನ್ನು ರದ್ದುಗೊಳಿಸುವ ಸೌಲಭ್ಯ ನಿಮಗಿದೆ.
- ನಿಮ್ಮ ಮೊಬೈಲ್ನಲ್ಲಿ MyJio ಆ್ಯಪ್ ಲಾಗಿನ್ ಮಾಡಿ.
- ಸರ್ಚ್ ಬಾರ್ನಲ್ಲಿ ‘Recharge History’ ಎಂದು ಟೈಪ್ ಮಾಡಿ ಓಪನ್ ಮಾಡಿ.
- ನಿಮ್ಮ ಇತ್ತೀಚಿನ ರೀಚಾರ್ಜ್ ವಿವರಗಳ ಕೆಳಗೆ ‘Cancel Recharge’ ಎಂಬ ಆಯ್ಕೆ ಕಾಣಿಸುತ್ತದೆ, ಅದರ ಮೇಲೆ ಕ್ಲಿಕ್ ಮಾಡಿ.
- ರೀಚಾರ್ಜ್ ರದ್ದುಗೊಳಿಸಲು ಸೂಕ್ತ ಕಾರಣವನ್ನು ಆಯ್ಕೆ ಮಾಡಿ (ಉದಾಹರಣೆಗೆ: Wrong Number Recharge).
- ಈ ಪ್ರಕ್ರಿಯೆ ಪೂರ್ಣಗೊಂಡ ಕೆಲವೇ ದಿನಗಳಲ್ಲಿ ನಿಮ್ಮ ಹಣ ಮರುಪಾವತಿಯಾಗುತ್ತದೆ.
ಏರ್ಟೆಲ್ (Airtel) ಗ್ರಾಹಕರಿಗೆ:
- MyAirtel ಆ್ಯಪ್ ಓಪನ್ ಮಾಡಿ, ‘Help or Support’ ವಿಭಾಗಕ್ಕೆ ಹೋಗಿ.
- ಅಲ್ಲಿ ‘Facing issue with recharge’ ಎಂಬ ಆಯ್ಕೆಯನ್ನು ಒತ್ತಿ.
- ಬಳಿಕ ‘Wrong recharge’ ಎಂಬುದನ್ನು ಆಯ್ಕೆ ಮಾಡಿ, ಹಣ ಯಾವ ಖಾತೆಗೆ ಮರುಪಾವತಿಯಾಗಬೇಕು (Refund Source) ಎಂಬುದನ್ನು ಖಚಿತಪಡಿಸಿ.
ವೊಡಾಫೋನ್ ಐಡಿಯಾ (Vi) ಗ್ರಾಹಕರಿಗೆ: Vi ಬಳಕೆದಾರರು ತಪ್ಪು ನಂಬರ್ ಗೆ ರೀಚಾರ್ಜ್ ಮಾಡಿದರೆ ಸುಲಭವಾಗಿ ಎಸ್ಎಂಎಸ್ ಮೂಲಕ ದೂರು ಸಲ್ಲಿಸಬಹುದು.
- ನಿಮ್ಮ ಮೆಸೇಜ್ ಆ್ಯಪ್ ಓಪನ್ ಮಾಡಿ.
- WRR <ತಪ್ಪಾದ ನಂಬರ್> <ಸರಿಯಾದ ನಂಬರ್> <ರೀಚಾರ್ಜ್ ಮೊತ್ತ> <ವಹಿವಾಟು ಐಡಿ> ಎಂದು ಟೈಪ್ ಮಾಡಿ 51619 ಸಂಖ್ಯೆಗೆ ಎಸ್ಎಂಎಸ್ ಕಳುಹಿಸಿ.
- ಉದಾಹರಣೆಗೆ: WRR 9876543210 9876543211 299 T123456789.
- ಅಥವಾ ನೇರವಾಗಿ 51619 ಸಂಖ್ಯೆಗೆ ಕರೆ ಮಾಡುವ ಮೂಲಕವೂ ದೂರು ದಾಖಲಿಸಬಹುದು.
ನೇರ ಇಮೇಲ್ ಸಂಪರ್ಕ: ನಿಮ್ಮ ಸಮಸ್ಯೆಯನ್ನು ನೇರವಾಗಿ ಕಸ್ಟಮರ್ ಕೇರ್ ಅಧಿಕಾರಿಗಳಿಗೆ ಇಮೇಲ್ ಮೂಲಕವೂ ಕಳುಹಿಸಬಹುದು. ಸೂಕ್ತ ಪರಿಶೀಲನೆಯ ನಂತರ ಮರುಪಾವತಿ ಪ್ರಕ್ರಿಯೆ ಶುರುವಾಗುತ್ತದೆ.
- Jio: care@jio.com
- Airtel: airtelpresence@in.airtel.com
- Vi: customercare@vodafoneidea.com
ಗೂಗಲ್ ಪೇ, ಫೋನ್ ಪೇ ಮೂಲಕ ರೀಚಾರ್ಜ್ ಮಾಡಿದ್ದರೆ ಏನು ಮಾಡಬೇಕು?
PhonePe, Google Pay ಅಥವಾ Paytm ನಂತಹ ಆ್ಯಪ್ಗಳನ್ನು ಬಳಸಿದ್ದರೆ, ತಕ್ಷಣವೇ ಟ್ರಾನ್ಸಾಕ್ಷನ್ ಹಿಸ್ಟರಿ (Transaction History) ಪರಿಶೀಲಿಸಿ.
- ಯಶಸ್ವಿಯಾಗಿದೆಯೇ ಅಥವಾ ಪೆಂಡಿಂಗ್ ಇದೆಯೇ?: ಸರ್ವರ್ ಸಮಸ್ಯೆಯಿಂದ ರೀಚಾರ್ಜ್ ಫೇಲ್ ಆಗಿದ್ದರೆ ಹಣ ತಾನಾಗಿಯೇ ನಿಮ್ಮ ಬ್ಯಾಂಕ್ ಖಾತೆಗೆ ಜಮೆಯಾಗುತ್ತದೆ.
- ಸ್ಕ್ರೀನ್ಶಾಟ್ ತೆಗೆದುಕೊಳ್ಳಿ: ರೀಚಾರ್ಜ್ ಸಕ್ಸಸ್ ಆಗಿದ್ದರೆ, ವಹಿವಾಟು ಐಡಿ, ಸಮಯ ಮತ್ತು ನಂಬರ್ ಕಾಣುವಂತೆ ತಕ್ಷಣ ಸ್ಕ್ರೀನ್ಶಾಟ್ ತೆಗೆದುಕೊಳ್ಳಿ.
- ಆ್ಯಪ್ ಸಪೋರ್ಟ್ ಸಂಪರ್ಕಿಸಿ: ಆಯಾ ಆ್ಯಪ್ನ ‘Help/Support’ ವಿಭಾಗಕ್ಕೆ ಹೋಗಿ ತಪ್ಪಾದ ವಹಿವಾಟಿನ ಕುರಿತು ದೂರು ದಾಖಲಿಸಿ.
ಗಮನಿಸಿ: ತಪ್ಪು ನಂಬರ್ಗೆ ರೀಚಾರ್ಜ್ ಯಶಸ್ವಿಯಾಗಿ, ಆ ವ್ಯಕ್ತಿ ಅದನ್ನು ಬಳಸಲು ಆರಂಭಿಸಿದ್ದರೆ ಹಣ ವಾಪಸ್ ಪಡೆಯುವುದು ಕಷ್ಟ. ಕಂಪನಿಗಳು ಇದನ್ನು ಗ್ರಾಹಕರ ನಿರ್ಲಕ್ಷ್ಯ ಎಂದು ಪರಿಗಣಿಸುತ್ತವೆ. ಆದ್ದರಿಂದ ತ್ವರಿತವಾಗಿ ದೂರು ನೀಡುವುದು ಅತಿ ಮುಖ್ಯ.
ಟೆಲಿಕಾಂ ಕಂಪನಿಗಳು ಸ್ಪಂದಿಸದಿದ್ದರೆ ಮುಂದೇನು?
ಕಸ್ಟಮರ್ ಕೇರ್ ಸಂಪರ್ಕಿಸಿದರೂ ಯಾವುದೇ ಪ್ರಯೋಜನವಾಗದಿದ್ದರೆ, ನೀವು ‘ಗ್ರಾಹಕ ವೇದಿಕೆ’ (Consumer Forum) ಮೊರೆ ಹೋಗಬಹುದು. NCH (National Consumer Helpline) ಆ್ಯಪ್ ಡೌನ್ಲೋಡ್ ಮಾಡಿ, ಸೂಕ್ತ ದಾಖಲೆಗಳೊಂದಿಗೆ ದೂರು ಸಲ್ಲಿಸಬಹುದು. ಆದರೆ ನೆನಪಿರಲಿ, ನೀವು ತಪ್ಪಾಗಿ ರೀಚಾರ್ಜ್ ಮಾಡಿದ ಸಂಖ್ಯೆ ಮತ್ತು ನಿಮ್ಮ ನೈಜ ಸಂಖ್ಯೆಗಳ ನಡುವೆ ಸಣ್ಣ ವ್ಯತ್ಯಾಸ (ಉದಾಹರಣೆಗೆ ಒಂದು ಅಥವಾ ಎರಡು ಅಂಕಿಗಳ ಬದಲಾವಣೆ) ಇದ್ದರೆ ಮಾತ್ರ ಇಲ್ಲಿ ಪರಿಹಾರ ಸಿಗುವ ಸಾಧ್ಯತೆ ಹೆಚ್ಚು.
ಮುಂದೆ ಈ ತಪ್ಪುಗಳಾಗದಂತೆ ತಡೆಯಲು ಸಿಂಪಲ್ ಟಿಪ್ಸ್:
- ಪಾವತಿ ಬಟನ್ ಒತ್ತುವ ಮುನ್ನ ನಮೂದಿಸಿದ ಮೊಬೈಲ್ ಸಂಖ್ಯೆಯನ್ನು ಕನಿಷ್ಠ ಎರಡು ಬಾರಿ ಪರಿಶೀಲಿಸಿ.
- ಗಡಿಬಿಡಿಯಲ್ಲಿ ಆನ್ಲೈನ್ ಪಾವತಿಗಳನ್ನು ಮಾಡದಿರಿ.
- ಆಟೋ-ಪೇ (Auto-pay) ಆಯ್ಕೆ ಸೆಟ್ ಮಾಡುವಾಗ ಹೆಸರು ಮತ್ತು ನಂಬರ್ ಸರಿಯಾಗಿದೆಯೇ ಎಂದು ಖಚಿತಪಡಿಸಿಕೊಳ್ಳಿ.
- ದೊಡ್ಡ ಮೊತ್ತದ (ವಾರ್ಷಿಕ ಪ್ಲಾನ್) ರೀಚಾರ್ಜ್ ಮಾಡುವಾಗ ಹೆಚ್ಚು ಎಚ್ಚರಿಕೆ ವಹಿಸಿ.
Follow the ಸಮಗ್ರ ಸುದ್ದಿ Telegram Channel: https://t.me/SamagraSuddi
ಸಮಗ್ರ ಸುದ್ದಿ channel on WhatsApp: https://whatsapp.com/channel/0029VbDbOsBD8SE2H0L3d40j