ಹೊಸ ವರ್ಷದ ಮೊದಲನೇ ಹಬ್ಬ ಸಂಕ್ರಾಂತಿಯಲ್ಲಿ ನಿಮ್ಮ ಆರೋಗ್ಯವನ್ನು ಕಾಪಾಡುವ, ಪೊಂಗಲ್ ತನ್ನದೇ ಆದ ಅದ್ಭುತ ಆರೋಗ್ಯ ಲಾಭಗಳನ್ನು ಹೊಂದಿದೆ. ಬನ್ನಿ ತಿಳಿದುಕೊಳ್ಳೋಣ.
ವಸಂತ ಕಾಲದ ಮೊದಲ ಹಬ್ಬ ಸುಗ್ಗಿ ಹಬ್ಬ ಅಥವಾ ಸಂಕ್ರಾಂತಿ ಹಬ್ಬ ಇನ್ನೇನು ಬರುವ ಸಮಯ. ದಕ್ಷಿಣ ಭಾರತದಲ್ಲಿ ಇದೊಂದು ದೊಡ್ಡ ಹಬ್ಬ ಎಂದೇ ಹೇಳ ಬಹುದು. ತಮಿಳುನಾಡು, ಆಂಧ್ರ, ತೆಲಂಗಾಣ ಹಾಗೂ ಕೇರಳ ಭಾಗಗಳಲ್ಲಿ ಇದನ್ನು ಅತ್ಯಂತ ಸಂಭ್ರಮ ಸಡಗರಗಳಿಂದ ಆಚರಿಸುತ್ತಾರೆ. ಸಂಕ್ರಾಂತಿ ಹಬ್ಬದ ಸಂದರ್ಭದಲ್ಲಿ ದೇವರಿಗೆ ಎಡೆ ಇಡಲು ಮತ್ತು ಹಬ್ಬದ ಅಡುಗೆಯಾಗಿ ಎಲ್ಲರೂ ಸಹ ಸಾಂಪ್ರದಾಯಿಕವಾದ ಪೊಂಗಲ್ ತಯಾರು ಮಾಡುತ್ತಾರೆ.
ಇಲ್ಲಿ ಎರಡು ತರಹದ ಪೊಂಗಲ್ ಗಳನ್ನು ನಾವು ನೋಡಬಹುದು. ಒಂದು ಸಿಹಿ ಪೊಂಗಲ್ ಇನ್ನೊಂದು ಮಸಾಲೆಭರಿತ ವೆನ್ ಪೊಂಗಲ್. ಆರೋಗ್ಯದ ವಿಚಾರ ಬಂದರೆ ಕೇವಲ ಹಬ್ಬದಲ್ಲಿ ಮಾತ್ರವಲ್ಲ ನೀವು ಯಾವಾಗ ಬೇಕು ಎಂದುಕೊಳ್ಳುತ್ತೀರಿ ಆಗ ತಯಾರಿಸಿ ಸವಿಯಬಹುದು. ಇದರ ಆರೋಗ್ಯ ಪ್ರಯೋಜನಗಳನ್ನು ನೋಡೋಣ ಬನ್ನಿ.
ಜೀರ್ಣ ಶಕ್ತಿ ಹೆಚ್ಚಿಸುತ್ತದೆ
- ಇದಕ್ಕೆ ಪ್ರಮುಖ ಕಾರಣ ಇದರಲ್ಲಿರುವ ನಾರಿನ ಅಂಶ. ಇದು ನಮ್ಮ ದೇಹದ ಕಾರ್ಯ ಚಟುವಟಿಕೆಗಳನ್ನು ಅಭಿವೃದ್ಧಿಪಡಿ ಸುತ್ತದೆ ಮತ್ತು ದೀರ್ಘಕಾಲ ನಮ್ಮ ಹೊಟ್ಟೆ ತುಂಬುವಂತೆ ನೋಡಿಕೊಳ್ಳುತ್ತದೆ. ಹೀಗಾಗಿ ಹೊಟ್ಟೆ ಹಸಿವಿನ ಸಮಸ್ಯೆಯನ್ನು ಹೋಗಲಾಡಿಸುತ್ತದೆ.
- ಇಷ್ಟು ಮಾತ್ರವಲ್ಲದೆ ಯಾರಾದರೂ ಮಲಬದ್ಧತೆ ಮತ್ತು ಅಜೀರ್ಣತೆ ಸಮಸ್ಯೆಯಿಂದ ಬಳಲುತ್ತಿದ್ದರೆ ಅವರಿಗೆ ಕರುಳಿನ ಚಲನೆಯನ್ನು ಉತ್ತಮ ಪಡಿಸುತ್ತದೆ ಮತ್ತು ಉತ್ತಮ ಜೀರ್ಣ ಶಕ್ತಿಯನ್ನು ಕೊಡುತ್ತದೆ. ಶುಂಠಿ ಮತ್ತು ಮೆಣಸಿನ ಜೊತೆ ತಯಾರಾಗುವುದರಿಂದ ಈ ಪ್ರಯೋಜನಗಳು ಸುಲಭವಾಗಿ ಸಿಗುತ್ತವೆ.
ಕೊಲೆಸ್ಟ್ರಾಲ್ ವಿಚಾರದಲ್ಲಿ ಭಯ ಬೇಡ
ಪೊಂಗಲ್ ಸೇವನೆ ಮಾಡುವುದರಿಂದ ಕೊಲೆಸ್ಟ್ರಾಲ್ ಹೆಚ್ಚಾಗುವು ದಿಲ್ಲ. ಬದಲಿಗೆ ನಿಯಂತ್ರಣವಾಗುತ್ತದೆ. ಇದರಲ್ಲಿ ಬಳಸಿರುವ ಬಹುತೇಕ ಆಹಾರ ಪದಾರ್ಥಗಳು ಆರೋಗ್ಯಕರವಾಗಿರುತ್ತವೆ. ಹಾಗಾಗಿ ದೇಹಕ್ಕೆ ಆರೋಗ್ಯಕರ ಕೊಬ್ಬಿನ ಅಂಶಗಳನ್ನು ಕೊಡುತ್ತವೆ.
ವಾಕರಿಕೆ ಸಮಸ್ಯೆಯನ್ನು ದೂರ ಮಾಡುತ್ತದೆ
ಶುಂಠಿ ಮತ್ತು ಮೆಣಸು ಪೊಂಗಲ್ ನಲ್ಲಿ ಬಳಕೆಯಾಗಿರುತ್ತದೆ. ಹೀಗಾಗಿ ಅಜೀರ್ಣತೆ ಸಮಸ್ಯೆಯ ಜೊತೆಗೆ ವಾಕರಿಕೆ ಸಮಸ್ಯೆ ಕೂಡ ದೂರ ಮಾಡು ವಲ್ಲಿ ಶುಂಠಿ ಕೆಲಸ ಮಾಡುತ್ತದೆ. ಬೆಳಗಿನ ಸಮಯದಲ್ಲಿ ಆರೋಗ್ಯದ ಅಸ್ವಸ್ಥತೆಯಿಂದ ಬರುವ ವಾಕರಿಕೆ ಹಾಗೂ ವಾಂತಿ ಸಮಸ್ಯೆಯನ್ನು ಇದು ಇಲ್ಲವಾಗಿಸುತ್ತದೆ.
ಆಂಟಿ ಆಕ್ಸಿಡೆಂಟ್ ಹೆಚ್ಚಾಗಿದೆ
ಹಬ್ಬದ ಸಂದರ್ಭದಲ್ಲಿ ನೀವು ತುಪ್ಪ ಹಾಕಿ ಮಾಡುವ ವೆನ್ ಪೊಂಗಲ್ ನಿಮಗೆ ದೇಹಕ್ಕೆ ಅಗತ್ಯವಿರುವ ಅತ್ಯುತ್ತಮ ಆಂಟಿ ಆಕ್ಸಿಡೆಂಟ್ ಅಂಶಗಳನ್ನು ನೀಡಬಲ್ಲದು. ಜೊತೆಗೆ ಇದರಲ್ಲಿ ಹಲವು ಬಗೆಯ ಪೌಷ್ಟಿಕಾಂಶಗಳು ಇರಲಿವೆ. ನಮ್ಮ ರೋಗ ನಿರೋಧಕ ಶಕ್ತಿಯನ್ನು ಬಲಪಡಿಸುವ ಗುಣದೊಂದಿಗೆ ನೆಗಡಿ, ಕೆಮ್ಮು ಸಮಸ್ಯೆಯನ್ನು ಸಹ ದೂರ ಮಾಡಿ ಸೋಂಕುಗಳಿಂದ ನಮ್ಮನ್ನು ರಕ್ಷಿಸುತ್ತದೆ.
ಪೌಷ್ಟಿಕ ಸತ್ವಗಳು ಸಾಕಷ್ಟು ಸಿಗುತ್ತವೆ
ಅಪಾರವಾದ ಪೌಷ್ಟಿಕ ಸತ್ವಗಳನ್ನು ಒಳಗೊಂಡಿರುವ ಸಾಂಪ್ರದಾಯಿಕ ಅಡುಗೆಯಲ್ಲಿ ವೆನ್ ಪೊಂಗಲ್ ಕೂಡ ಒಂದು. ಇದರಲ್ಲಿ ಹಲವು ಪ್ರೋಟೀನ್, ವಿಟಮಿನ್, ಖನಿಜಾಂಶಗಳು, ಅಮೈನೋ ಆಮ್ಲಗಳು, ನಾರಿನ ಅಂಶ ಮತ್ತು ಕ್ಲೋರೋಫಿಲ್ ಸಾಕಷ್ಟು ಕಂಡುಬರುತ್ತದೆ. ಹೀಗಾಗಿ ಈ ಸಂಕ್ರಾಂತಿ ಹಬ್ಬದಲ್ಲಿ ನೀವು ಸಹ ವೆನ್ ಪೊಂಗಲ್ ಮಾಡಿ ಸವಿಯಿರಿ.
ನಮ್ಮ ಸಮಗ್ರ ಸುದ್ದಿಗಳಿಗಾಗಿ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು
WhatsApp Group: https://chat.whatsapp.com/KnDIfiBURQ9G5sLEJLqshk
Facebook page: https://www.facebook.com/samagrasudii
Sharechat: https://sharehat.com/profile/edu514826335?d=n
Twitter: https://twitter.com/SuddiSamagra
Threads: https://www.threads.net/@samagrasuddi.co.in
Instagram: https://www.instagram.com/samagrasuddi.co.in/
Telegram: https://t.me/+E1ubNzdguQ5jN2Y1